Luuka 1:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Jeenteti at yeedeey irummeysan u, at a gammadissa toro yeyyeed ma tabuuꞌde ichoowka maanti mujjumenye yeedeey larummaacho.”

Luuka 1:20 ပူးပေါင်းရင်းမြစ်များ

Marko 16:14

Yomboka golossataani Yeesso ichehi tomon ichoow koowe isoobahe. Jeenteti icho kakhuufnaanki icho usu kakhuufaan ikhabin ichoow matahmiigti icho wori ꞌdooꞌdi inkoo us omoot kasookahe arge irummeysan u, leejaakhe.

Marko 9:19

Yeesso wihi us ilaabe, “ꞌDooꞌdi weyꞌdane Waakh ikakhuufin, geeddoh atin leefiddiyo? Geeddoh atin igarrahsadi? Ínam ikeena!”

Luuka 1:19

Herti Waakh wihi iche ilaabte, “Ani a Gaabiriyel. An Waakh ortiissa toolla, Waakkhane isooergate ꞌdee wora haaggane an kikeene kicheeka.

Luuka 1:21

Geeddaaas tuumman la ꞌdooꞌd Sakkariiya khar ka a suga. Icho la Sakkariiyahi geeddi deer minki Waakhe buure goya kamalmale kamasseen.

Luuka 1:22

Chirri us minki Waakhe buure goya kasoobaho, icho leeyyeedin ma yabuuꞌd. ꞌDooꞌd saggi us minki Waakhe buure goyaka fooltabcho iarge kase. A mehe enenyet dahano kaleeyyeede, iꞌdaasenyi yeedin ma yabuuꞌd.

Luuka 1:45

Waakh ba atihi wihi Kamur kiyidahye sooyateeh rummeysatte kimaala!”

Luuka 1:64

Chirraas on Sakkariiya toro afi goorat us waaye bahche, yeyyeede Waakh saaꞌde.

Rooma 3:3

Rumanka gaasichokoo Waakh ma kakhuufin. Jeenteti icho Waakh ikakhuufin u Waakh koloo kalday laka ayyintiis ma jebcho.

2 Timooti 2:13

Chiꞌinno usu raahin ꞌdiiꞌdne, usu uliba a eti lakakhuufo on. A mehe us isꞌdiiꞌdin ma yabuuꞌd.

Tiito 1:2

Wora rummaat ichoow kakhuufnaankaas la khajjeeli saggi icho jiroti jirtuu imassanne goorat Waakkhi been igoon geeddi harra liisoouumin iayyiche ikhabaane siicha.

Ibiraaniya 6:18

Waakh wihi us ayyiche ichoow wihi us daatte ma urgiyaane, been goon ma yabuuꞌd. Maantaka innohi Waakh inyaanne karibanne uure inno miigoocha, ꞌdee khajjeeli us inno siiche mujjum khabanna.

Bakkaahit 3:19

ꞌDooꞌdi an ꞌdoono a leejaakha toro sirbi gessa. ꞌDeerka taba uurassiin tuumman ka ichoow walah tuumman ka tuum uskeel kasoonokhda.