Luuka 1:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Wihi icho chiireen a wihi ꞌdooꞌdi uuꞌ maanti kolooraate waha yitaaheen arge nah isoocheeke. Icho la hili Waakhe icho haaggicheen, a ki wori Waakh ꞌdooꞌd liicheeko.

Luuka 1:2 ပူးပေါင်းရင်းမြစ်များ

Marko 1:1

Waha a uumacchoti Wori Haaggane, Yeesso Kiriistohi Weeli Waakhe miinsan.

Marko 16:20

Abatti ꞌdeerka bahte Wori Haaggan meel tuumman ka cheekte. Kamur la icho hil leehaaggiche, yeedicho ichoow wahanyeyyohi miigti Waakh tuso sooraahe ka, yeedi icho cheekeen rummaache.

Marko 4:14

Etaas gos khabo, a eti Yeedi Waakh taaꞌhicho.

Luuka 24:48

Atin a garti wahanyeyyoha.

Yoohana 15:27

Atin laka woraaya cheektaan. A mehe uuꞌ goorat maanti an hila sookhabde, a ileejirteen.

Yoohana 16:4

Waha la a atin isoocheeka, ꞌdee chirri maanti icho waha yeelaan yitah ka, wihi an atin iidah kasooꞌhessaan. “Waha maanti kolooraate atin abattiteey titaaheen ma atin isoocheekin. Iꞌdi tahe an a atin leejiree.

Hilassi Ergaano 1:3

Inkoo sina lakawaariche us reera a isoobahe, jitassi ittaawe ka saggi us rumanka ijiro tuse. Geeddi ibeen tomon affar icho a isoobahe, wori dakhi Waakh miinsan kaleeyyeede.

Hilassi Ergaano 1:8

Iꞌdaasenyi maanti Rubeyti Munyee atin isooyagte, miig a ꞌhessaane, atin la weheeyki atin garattaan cheektaan. Ilkerengeetti weene Yeerusaleem ka ichoow boroofenneti Yaꞌhuudiya ichoow ti Saamariya ka ichoow harra tuumman ka cheektaan.”

Hilassi Ergaano 14:25

intaas ka ilkerengeetti Beerga ka Yeedi Waakh cheekeen. Ilkerengeetti Attaaliya ikhubteen.

Hilassi Ergaano 16:6

Jeenteti Rubeyti Munyee ichohi boroofenhi Aassiya Wori Haaggan kacheeko itirattuu, irteene ili Furiijiya ichoow Galaatiya dah kagoocheen.

Hilassi Ergaano 17:11

ꞌDooꞌdi ilkerengeetti Beeroya la iꞌdi ꞌdooꞌdi ꞌDessaloonika menye, a ꞌdooꞌdoo mujjum dogo khabo, weyti wihi liidowo dagansati, Chiirnaanneti Waakh soomo usu wihi Baawulo illeh idoween rum yahiin yeyo.

Hilassi Ergaano 26:16

Toollaka kahe tolosso. An a kisoobahe ꞌdee iꞌdi falfateey u kisoobahsada, garti wihi ani imiinsane at agarte ichoow wihi an yomboka kisootuso laabta.

Hilassi Ergaano 4:20

Iꞌdi tahe wihi nah agarre ichoow wihi nah daagne leegammadin ma nabuuꞌd.”

Hilassi Ergaano 8:4

ꞌDooꞌda taaꞌhe la a irte, Wori Haaggan enenyet tuumman icheeke.

Rooma 15:16

Iꞌdi tahe an a falfa Yeesso Kiriisto, ꞌdooꞌdi yaafohi Yaꞌhuud ieheynane liisooerge. An hili kuhaani haaggicha, Wori Haaggane Waakh iche cheeka, ꞌdee ꞌdooꞌda iꞌdi soorriyoti Waakh kahamaado Rubeyti Munyee munyaasse yateeh.

1 Koriinto 4:1

ꞌDeerka ilbooyye Kiriisto ichoow ꞌdooꞌdi Waakh hili maliiski dagsan enenyet liicheeko dahanohicho soogesse nah iekkaacha.

Ibiraaniya 2:3

Saggoh sina ikabahsanneey, chirri inno ribnaanki weyti haaggane Waakh inno ribo aw ikakhabin? Yeessohi Kamure rubeytiissa kolooraat ribnaanka cheeke, ꞌdooꞌdi usu daage la, saggi ribnaankaas rum iyahe inno isoocheeke.

1 Beetero 5:1

Maantaka, wihi an ewweenki urur Kiriisto woyo daaho a waha. Ani laka a ewweenkoo iꞌdiinenye, toro la garti saggi Kiriisto sina liiomhiche a laaba. Ani laka maanti us soonokhti weynaantiis a leegisma.

2 Beetero 1:16

A mehe maanti nah miig Yeesso Kiriistohi Kamureene ichoow saggi us isoonokhti nah atin icheekne, wahaas hawweesseti beenaate nah kharateenyo ka soouunne nah raahne menye, nah indoheenyo ka weynaantiis a agarre.