Kolossaay 4:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Taba ꞌdooꞌdi urur Kiriisto goya ikajirin jiti khara kaleefiddiya. Ibeenki Waakh atin siicho dakkhan mujjum khaadda, ꞌdooꞌdaas gargaara ꞌdee Kiriisto a kakhuufeen.

Kolossaay 4:5 ပူးပေါင်းရင်းမြစ်များ

Mattaayo 10:16

“An iꞌdi iiyti yaay goya liifahe iche atin ierga. Maantaka iꞌdi toof u yuubsada, toro la iꞌdi kutukuurrug u iꞌdi ꞌdooꞌdi eloo rucchul laka ikhabin ateeha.

Marko 4:11

“Waakh atine wihi dagsane dakhi Waakh miinsan atin siiche. Iꞌdaasenyi ꞌdooꞌdi kharaat walah tuumman ka a liimammahta,

Rooma 16:19

Enenyet tuumman saggi atin Kamur iraahtaan a garta. Anna weyti atin kahamaada. Iꞌdaasenyi wihi an atin kaꞌdoono kallaayo, taba giꞌde, wihi haaggan ka kharaawa, anki suujoon ka la, iꞌdi eti wohoo igaran ateeha.

Kolossaay 3:16

Walah tuumman ka wori Kiriisto miinsan mujjum nabah isuda, jirotiin ka tuum raaha. Khara tuumman ka, wora isabcha, toro la wora on ka issoohossa. Sabuuri Yeedi Waakh goya kayimiy ichoow geeyohi Waakh lakasaaꞌdo ichoow geeyohi Rubeyti Munyee atin siisso, Waakh idowa. Kol dakkhan Waakh kalaꞌd ilaaba, geeyo idowa. Geeddaas tuumman la rubeyohiin ka Waakh kalaꞌd ilaaba.

1 'Dessaloonika 4:12

Iꞌdaakka ꞌdooꞌdi Kiriisto irummeysan a atin inkaanyita, toro la et atin kanoossahiin mele.

1 Timooti 3:7

Toro la a eti ꞌdooꞌdi kharaate Yeesso irummeysan ka laka magahi haaggan khabo. Uus ꞌdee lakhaanyo keenine, angeyi Seytaan geline.

Yaakoobo 1:5

Iꞌdaasenyi chirri etiinkoo khara laayahe, Waakh a daaho Waakh la usu a siichaa. Iꞌdi tahe Waakh enenyet tuumman iꞌdaanu weyti walah siicha toro enenyet ma kofo.

Yaakoobo 3:13

Chiꞌ goytiin ka etoo khara yahe toro haag ichoow suujoon garti jiro, jiroti haaggane us jiro ka, samacchaari khara kayamiite wihi haaggan us yeelo ka a tuso giꞌde.

Yaakoobo 3:17

Iꞌdaasenyi kharati Waakh katamiit a miꞌdabe, nebeye ꞌdoonta, a samacchaare, nabahe sudda, uure nugussahe, gurnaanki haaggane dessa, enenyet seley ma sassaahto toro la ma iskaayyeesso.

1 Beetero 3:1

Saggaas on u, deyyeho taba makhaaballetiin aficho akutina. Iꞌda yeela ꞌdee chiꞌ gaasichokoo Yeedi Waakh iraahin laka, yeedi aficho ka menye, jeenteti jiroti oboorrihicho jiro,