Kolossaay 3:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Iꞌdaasenyi toolla wahanyeyyoha iꞌdee laka ꞌdiicha, hol ichoow isinyannyaamin ichoow ꞌdiiꞌddo ichoow ham ichoow afi ꞌdaran.

Kolossaay 3:8 ပူးပေါင်းရင်းမြစ်များ

Mattaayo 5:22

Iꞌdaasenyi wihi an atin iadeeh, eti tuummane etoo keeye ihollowe, a lahukkuma. Toro la eti tuummane etoo keeye abaare Jaldaabti Weene Yaꞌhuude liikeena, hukkunta. Iꞌdaasenyi eti tuummane etoo addan, ‘ꞌDalanki marah,’ iyidah, a geeddi meessi ꞌdabi armaanjireen lakalugꞌdo.

Marko 7:22

Wihi addan a mejeli makhaabassi tiis ieheynan leeurꞌdo, ꞌdamaam, uskeeli layeelo, ekkeysi, sohoꞌddarri, kalꞌdarri, ham, rannyaat ichoow ꞌdalammoon.

Rooma 13:13

Jirotiin tuumman wihi mujjumenye saggi fiddihi ꞌdooꞌdi banay goya fiddiyo a eheetti. Taba giꞌde, daawohi biꞌdire ommos meleefu uus goytiin kijirine, ommos uus ꞌdooꞌdi isidisanne isleeurꞌdo ommos sohoꞌddarri goytiin kijirine, ommos uus jihit ommos inaaf laka goytiin kijirin.

1 Koriinto 3:3

Iꞌdi tahe atin uliba a ꞌdooꞌdi ꞌdabakkhi weeli enenyete harrata khabo. A mehe chirri maanta atin isinaaftaane toro la isleejaakhtaan wahaas saggi atin ꞌdabakkhi weeli enenyet ikhabtaan ma tusaan a? Waha la saggi atin uliba jiroti ꞌdooꞌdi harrata ijirtaan ma tusaan a?

2 Koriinto 12:20

Iꞌdi tahe maanti an goytiin amiit wihi an karooro, saggi kootte an iꞌdoono ma atin iꞌhelo, toro la saggi atin kootte iꞌdoontaan ma iꞌhessaan. Mehe karoora ya, waha tuumman goytiin ka a ꞌhela, jaakh ichoow inaaf ichoow holi buure ichoow wihi ebba wihi awtiis kalday on yowti ichoow ham ichoow meꞌdeꞌddeel ichoow rannyaat ichoow hugunꞌdarri.

Galaatiya 5:15

Iꞌdaasenyi chaꞌatin kol dakkhan iꞌdi binaat u istamhiin, yuubsada a ismassissaanee.

Galaatiya 5:20

iyookkoyyohi waakkhakh lakayeessi, moroyyohi liirti, isꞌdiiꞌddo, isjihit, inaaf, dowwa hollowin, walah keley isiyowan, seley goggoonaan, rabitohi lakaaggowo,

Galaatiya 5:26

Uus inno eylaji beenaate ilmarhaatteet khabine ommos iskaahholloonne ommos isinaafin.

Efeesso 4:22

Wihi atin laabche, jiroti atin ꞌhor jirteene, fiddihiinki uskeel liimoono atin ekkeeste toro atin kheerooche ꞌdiicha.

Efeesso 4:25

Maantaka ebba been a ꞌdiicho, eti addane Kiriisto rummeeste rum on a kaleeyyeedo, a mehe inno tuumman a miilassi sartoo kalday.

Efeesso 4:26

“Holi atin khabtaan ka uskeel agelina.” Hol khabtaani orrah iiche dihin.

Efeesso 4:29

Yeedi ꞌdooꞌdi addan gaameero uus afiin leeimaatane, yeedassi ꞌdooꞌdi gargaar ꞌdoono gargaaro toro la uur miigoocho on kaayyeeda. Iꞌda ka la ꞌdooꞌdi atin daago buuhi Waakhe ꞌhela.

Efeesso 5:4

Toro la ma haaggan chirri atin wihi lakhaanyee kaayyeeddaane, ommos atin yeedi indigir ikhabin kaayyeeddaane, ommos chuunki suuje ischuuntaan. Wahanyeyyohaas ma atin imalin. Atinhi wihi Waakh atin iyeele usu kalaꞌd ikalaabtaane haaggan.

Kolossaay 3:5

Maantaka sartiinti harratane uskeel ꞌdoonto wahanyeyyohi iꞌdee ka agiisa. ꞌDooꞌdi isidisanne isleeurꞌdo ichoow wihi biꞌdire ichoow ꞌdooꞌdi eti icho argaan ichohi leeurꞌdo ꞌdoono ichoow uskeeli liimoono ichoow ꞌdamaam ꞌdiicha. ꞌDamaam la a iꞌdi iyookkoyyohi waakkhakh lakayeessi.

Kolossaay 3:9

Been iisigoonna a mehe jirotiinti oraate suuje ichoow fataliche a kasootabteene.

1 Timooti 1:13

An goorat ꞌhor usu a igafe, ꞌdooꞌdiis sina omhiche, ꞌdooꞌdiis leeabaarrame. Eheetteey laka Waakh uliba uur a isoonugleeste. Ulla jeenteti an Kiriisto ikakhuufine, wihi an yeele igaran, iche iꞌda iyeele.

1 Timooti 1:20

Goycho la a Hamenaaya ichoow Alekisaanda. An icho dahanohi Seytaane gesse, ꞌdee Waakkhi liikagafin laabcha.

Ibiraaniya 12:1

Maantaka urura buurenye garti saggi icho Waakh ikakhuufaan laabo a inno kamarsanyahe gone, taba, wihi tuummane inno jeycho ichoow uskeeli inno woyo tuumman rogno, toro la oriisihi Waakh orteen gesse ka, a garrahsanni.

Yaakoobo 2:7

Kamurre menya magah Yeesso Kiriistoki liinkaanyito atin lakawaho igafto?

1 Beetero 2:1

Maantaka, suujoon tuumman ichoow ekkeysi tuumman ichoow iskaayyeelnaan ichoow kalꞌdarri ichoow ham tuumman kasootaba.

2 Beetero 2:18

A mehe icho yeedi ilmarhaatteete kaayyeedaane isatahnoochaan. ꞌDooꞌdi yeed Yeesso ka jarakhenye, dowwanoha ka suujoonki us yeele kabahsati wihi uurassicho goya kijiro uskeel imoono ka sohoꞌddarri isoojiitaane angey gessaan.

2 Beetero 2:7

Toro la Loothi fissane sohoꞌddarriti ꞌdooꞌd yeele bolkhisse ribe.

Yuuda 1:13

Lakhaanyoti icho gelaan la a iꞌdi hamboti weyti buurenye chaafo khabto beyti buure ka hafari buurenye irti uskul kahcho sookhaatto. Icho a iꞌdi yiyyihimohi baabe Kamur mugꞌdihi reebenye armaanjireen meel igesso.

Yuuda 1:8

Iꞌdaasu laka ꞌdooꞌda wori beenaat enenyet abcho jeenteti wihi icho kiissillootaan u sartichooda biꞌdirroochaane, antohi Waakh ꞌdiiꞌdaane, toro herti Waakh igafaan.

Bakkaahit 16:9

Kuleeli weyti buure enenyet gube, icho la magahi Waakkhi sinayyoha khuccho igafeen. Iꞌdaasenyi icho uskeelicho kasoonokhan ichoow Waakkhi icho weynaachaan ꞌdiiꞌdeen.