Kolossaay 3:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Maantaka sartiinti harratane uskeel ꞌdoonto wahanyeyyohi iꞌdee ka agiisa. ꞌDooꞌdi isidisanne isleeurꞌdo ichoow wihi biꞌdire ichoow ꞌdooꞌdi eti icho argaan ichohi leeurꞌdo ꞌdoono ichoow uskeeli liimoono ichoow ꞌdamaam ꞌdiicha. ꞌDamaam la a iꞌdi iyookkoyyohi waakkhakh lakayeessi.

Kolossaay 3:5 ပူးပေါင်းရင်းမြစ်များ

Mattaayo 15:19

A mehe enenyet uuriis goya iche mali suuje kayamiit iꞌdi maanta ogoossi dubunuunu lagelo, mejeli makhaabassi tiis ieheynan leeurꞌdo ichoow sohoꞌddarri ichoow hatto ichoow garti beenaat ichoow ham.

Rooma 1:26

Jeentetane Waakh iꞌdiiche, ildeerroti sareete lakhaanyeyyo keento icho ꞌdoonaan ikaassohtaan. Deyyeho laka mejeli laleeurꞌdo a kasoonokhatte, iche on isinokhatta.

Rooma 1:29

Wihi jiroticho buuhiche a khollookkhi nool ichoow suujoon ichoow ꞌdamaam ichoow uskeel. Wihi addane icho buuhicho a kalꞌdarri ichoow ogoossi dubunuunu lagelo ichoow isjihit ichoow ekkeysi ichoow rubeyti suuje ichoow meꞌdeꞌddeel.

Rooma 6:13

Wihi addan, miiliinkoo kaldach laka uus uskeel dakhan, uus ꞌdee atin wihi khollokkhan yeeline. Waakh tuum isibahcha, a mehe Waakh omoot a atin kasookahche, jiro atin siiche. Iꞌdaasenyi miilassi sartiin tuumman Waakh ibahcha, wihi fissan kalday on kahaaggicha.

Rooma 6:6

Iꞌdi tahe wihi inno garanni, eti inno goorat nahe a iꞌdoo Kiriisto massalaaba ka laleekaahe, ꞌdee wihi goyteen kijiro uskeel imoono miigti icho inno kaantaan latira. Iꞌda ka inno kola bowꞌdayyohi uskeel mee gon,

Rooma 7:23

Iꞌdaasenyi runtoo gaane miilassi sarteey hil kahaaggisso a jirta. Runtaas gaan ichoow runti gaane maleey ꞌdoono a iꞌdoo icho isdihaan. Toro la runtaas gaane sarteey goya kijirto bowꞌdati uskeeli goyteey kijiro ikayeessa.

Rooma 7:5

A mehe geeddi wihi uurasseen goya kijiro uskeel imoono inno dakhtaan, amurretaas ildeerroti suujenye goyteen kijirto iche neybaasse, sarteen woyte, gurnaanki omoot keeno khabne.

Rooma 8:13

A mehe chaꞌat wihi uuraah goya kijiro uskeel imoono on raahto, rumanka a tamuut. Iꞌdaasenyi chaꞌat Rubeyti Munyee ka uskeeli uuraah imoono tagiis a jirta.

1 Koriinto 5:1

An a atin kanaha, wihi jiro a mehe ya, etoo goytiin ka sohoꞌddarriti suujenye kaassohta leessa. Sohoꞌddarritaas la a ti ꞌdooꞌdi Waakh igaran laka koloo iyeelin. Etoo laammo ooyohiissa inokhte.

1 Koriinto 6:11

Gaasiinkoo orey jiroti iꞌdaasenye jire. Iꞌdaasenyi toolla Waakh uskeeliin a dikhe, atin munyaache. Toro la ꞌdooꞌdi fiffissan atin iekkaache. Waha dakkhan a jeenteti wihi Yeesso Kiriistohi Kamure ichoow Rubeyti Waakkheen atin iyeeleen.

1 Koriinto 6:13

Mehe leessa ya, “Golol uure liiyeele, uur la golole liiyeele.” Iꞌdaasenyi Waakh lammacho ba a baabiicha. Toro la sarti enenyet sohoꞌddarri mee liiyeele, iꞌdaasenyi hili Waakhe liiyeele. Kamur la usu sarteen lagta.

1 Koriinto 6:18

Taba, sohoꞌddarri kafirda. Uskeeli addane enenyet yeelo tuumman, koo sar uskulaacho mele. Iꞌdaasenyi eti sohoꞌddarri kaassohti sartiissa uskulaacha.

2 Koriinto 12:21

Jeenteti wahuu wihi an karooro maanti toro an atin iamiit Waakkheey ortiin ka a inuglaacha, an la jeenteti ꞌdooꞌdi buure uskeel iyeele uliba uskeelaas ikasoonokhan u a bolkha. Uskeelaas a wihi biꞌdire ichoow ꞌdooꞌdi isidisanne isleeurꞌdo ichoow sohoꞌddarriti icho yeeleen.

Galaatiya 5:24

ꞌDooꞌdi koo Yeesso Kiriistee wihi uurassicho goya kijiro uskeel imoono ichoow uskeeli lamaanjeerti ba massalaaba a kasoorriyyoocheen.

Efeesso 4:19

Icho chiꞌicho suujoon yeelaan laka kola leelakhaanyo mee. Wihi sarticho ꞌdoonto iꞌdaanu yeelaan. ꞌDamaam ka biꞌdiri noole kol dakkhan iamuumaan.

Kolossaay 2:11

Toro la atin ichoow Kiriisto a wohoo kalday gone, a atin lakhandiye. Iꞌdaasenyi waha khandihi dahanti weeli enenyet haaggisso menye, a ki Yeesso Kiriisto haaggicho. Iꞌda ka Kiriisto wihi uurassiin goya kijiro uskeel imoono a atin kabahche.

1 'Dessaloonika 4:3

Wihi Waakh atin kaꞌdoono kallaayo, a atinhi jiroti munyee jirtaane, ꞌdooꞌdi isidisan isileeurꞌdine,

1 'Dessaloonika 4:5

Iꞌdi ꞌdooꞌdi Waakh igaranne eti tuummane icho argaan ichohi leeurꞌdo imoono iitaahana.

1 Timooti 6:10

A mehe ꞌdooninti chilim weyti laꞌdoono iche suujoon tuumman dessa. ꞌDooꞌd gaasoo chilim rirrihaayi ichoowka wori Kiriisto miinsane goorat icho kakhuufaan kabaabeene toro la oytinti buure laka isikeeneen.

Ibiraaniya 12:16

Uus etiinkoo kalday laka sohoꞌddarri kaassohanne, ommos iꞌdi Essaawohi Waakh inkaanyitiwwaaye itaahan. Ulla jeenteti gololi koloo kalday on ka, antohiiski teyyannoon ororiche.

Ibiraaniya 13:4

Enenyet tuumman mindischo a inkaanyito. Makhaabal ichoow makhaabál ba la uus icho etoo addan leeurꞌdin. Iꞌdi tahe Waakh ꞌdooꞌdi iꞌdaase ichoow ki sohoꞌddarri kaassohti rumanka a hukkuma.

Ibiraaniya 13:5

ꞌDooꞌdi chílim iꞌdamaammowo iitaahana, wihi atin khabtaan on kadarga. Iꞌdi tahe Waakh wihi us yidah, “An koloo kalday laka ma kaaseeho, an koloo kalday laka ma kiꞌdiiꞌdo.”

Yaakoobo 4:1

Waha kamalda bal, mehe jihit ichoow jaakh goytiin keena? Wihi suujenye uurassiin goyaka isdiho menya kayamiitiin?

1 Beetero 2:11

Aalasseeyki an weyti ꞌdoono, iꞌdi ꞌdooꞌdi harrata ka yeelan ichoow ki meel ikhabin u, a atin hawwaasda, taba wihi uurassiin goya kijiro uskeel imoono kol dakkhan atin isdihtaan uus atin kahataatin.

Bakkaahit 21:8

Iꞌdaasenyi ꞌdooꞌdi burꞌdeyyee ichoow ki Kiriisto irummeysan ichoow ki wihi biꞌdire tuumman yeelo ichoow ki enenyet dubunuunu yagiis ichoow ki sohoꞌddarri kaassohti ichoow ki tibaato khabo ichoow ki iyookkoyyohi waakkhakh lakayeessi wahti ichoow ki beeno leh tuumman, meessicho a beyti ꞌdabe iꞌdi lahawti kibiriiꞌd ibolokhto. Waha a omootti lammaatteet.”

Bakkaahit 22:15

Iꞌdaasenyi ꞌdooꞌdi ilkerengeetta khariche kijiro, a ki isbiꞌdirroocho, ꞌdooꞌdi tibaato khabo ichoow ki sohoꞌddarri kaassohti ichoow ki enenyet dubunuunu yagiis ichoow ki iyookkoyyohi waakkhakh lakayeessi wahti ichoow ki been ꞌdoono toro kol dakkhan been goocho.