Kolossaay 3:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Maanti Kiriistohi jiroteenti rummaat khuccho harra tuumman isoobaho atin laka a leesoobahtaane, iꞌdiis u ababtaan.

Kolossaay 3:4 ပူးပေါင်းရင်းမြစ်များ

Mattaayo 13:43

ꞌDeerka ꞌdooꞌdi fiffissan la goob Aabbahicho goyaka iꞌdi banayhi orraheet u a ababa. Eti dogo khabo, a daago giꞌde.”

Luuka 17:30

“Maanti Ínam Aadam enenyet liisoobabbakkaahicho laka iꞌda on tateeh.

Yoohana 11:25

Yeesso la wihi us iyidah, “Ani enenyet omoot kasookahcha, toro jiro siicha. Eti tuummane ani irummeeste, chirri us yumuy laka jiro a ꞌhela.

Yoohana 14:3

Chirri an irde meel atin iyeele la, a soonokhda, meesseey atin geecha, ꞌdee inti an kajiro, atin laka kajirtaan.

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

Yoohana 17:24

“Aabbahaaw, at icho ani a isiisse. An la ichohi inti an kajiro icho laka kajiraane, ꞌdeeka weynaanti ati isiisse argaan iche ꞌdoona. Weynaantaas la a ti at isiisse jeenteti at ani geeddi harra liisoouumin laka iꞌdoontuu.

Yoohana 20:31

Iꞌdaasenyi waha a lachiire, ꞌdee saggi Yeesso rumanka Ki Lasubhe iyahe, us Weeli Waakh iyahe, rummeysattaan. Kakhuufnaanki atin usu kakhuuftaan ka la jiroti jirtuu imassanne khabtaan.

Hilassi Ergaano 3:15

Atin ki jiro kasoouummanto a tigaaseene, iꞌdaasenyi Waakh omoot a kasookahche. Nah la gartaas a laabna.

Rooma 8:18

An wihi an kamalde a waha, sinayyohi toolla harrata ka inno khabno ichoow weynaanti buurenye Waakh ꞌdee inno isoobabbakkaahicho ma isiyeyno.

Rooma 8:19

Harrati goorat Waakh soouume tuumman maanti Waakh ꞌdooꞌdi rumanka nyaakhutiis yahe soobabbakaahicho weyti sugta.

1 Koriinto 1:7

Maantaka siinti Rubeyti Munyee katamiit too kaldaye atin kaankhan ma jirto, geeddi atin Yeesso Kiriistohi Kamureenenye inno liisoobabbakkaahicho weyti sugtaan.

1 Koriinto 15:43

Sarti ladibo a ti haag laaye, sarti omoot lakasookahcho la, a ti haaggan on. Sarti ladibo a ti ꞌdarane, sarti omoot lakasookahcho la, a ti miige.

2 Koriinto 4:17

Iꞌdi tahe sinayyohaar ꞌdabakhe a wihi geeddoor one, wihi icho keenaan la a ababnaanki weyti khummane jirtuu tuumman imassanne sinayyohaas kussan.

Galaatiya 2:20

Saggi Kiriisto iyumuy u, a iꞌdoo ani laka umuyye, kola jiroti an jiro teey menye, iꞌdaasenyi Kiriisto jiroteey dakhta. Kola sarteey ka jiroti an jiro, kakhuufnaanki an Weeli Waakh kakhuufo iche kajira. Ulla a iꞌdoona, toro la ani a iyumuy.

Fiiliffi 3:21

Ulla miigtiisti us walah tuumman isikeeno anan yabuuꞌd ka, sarteenta ꞌdarane tamuut a urgiyicha, iꞌdi sartiisti weyti haaggan kayeela.

1 'Dessaloonika 4:17

Wahaas ꞌdubicho ka innohi uliba jirro sooꞌhaane serey inno lageecha, mirso goyaka inno tuumman ichoow Kamur ba serey ka kulanna. ꞌDeerka jirtuu tuummamba Kamur leejirra.

1 Timooti 6:14

Raahnaanki at wihi Wori Haaggan kaaꞌdoono at raahto ka, eloo rucchul laka akhabine, ichoowka Yeesso Kiriistohi Kamureene a soonokhti.

2 Timooti 1:1

Eti khadaaba kisoochiiro a ani Baawulohi mali Waakh ka ergaano Yeesso Kiriistee. Waakh la iꞌdane yeele ꞌdee jiroti jirtuu imassanne us ꞌdooꞌdi icho ichoow Yeesso Kiriisto ba wohoo kalday yahiin iayyiche enenyet icheeka.

2 Timooti 4:8

Toolla ꞌduubi eti enenyet sooricho ꞌhelo a isuga jeenteti an Waakh kalday on ikajiruu. Kamuri fissane enenyet mujjum hukkumo, ꞌduuba ibeenki us soonokhti a isiicha. Ani kalday ꞌduuba ma ꞌhelo, iꞌdaasenyi ꞌdooꞌdi tuummane emeettiis imoono laka a ꞌhela.

Tiito 2:13

Iꞌdane yeella geeddi inno khajjeeli buuhi Waakh keeno sugno. Waha la a maanti Yeesso Kiriistohi Waakhenye ꞌDoorribeheene weynaantiisti ababto inno liisoobabbakkaahicho.

Ibiraaniya 9:28

Saggaas on u Kiriisto laka koloo on lasoorriyooche, ꞌdee uskeeli ꞌdooꞌdi buure bahcha. Ulla maanti lammaatteete us soonokhti, uskeeli us toro bahcho ma iyamiite, iꞌdaasenyi ꞌdooꞌdi usu weyti sugo iche yamiite, ribnaan ikeena.

1 Beetero 1:13

Maantaka maliin hil itannabicha, isjeycha, haaggi Waakhe buurenye maanti Yeesso Kiriisto atin liisoobabbakkaahicho atin lasiicho tuum khajjeel kakhaba.

1 Beetero 5:4

Maanti Ersinki Ween soobaho la, ꞌduubi Waakh kayamiite jirtuu duh iurgiyine ꞌhessaan.

1 Yoohana 2:28

Maantaka nyaakhuteeyki an weyti ꞌdoono, taba Kiriisto goytiis fiddiya, ꞌdee maanti us soobaho ka, uus inno roorro khabine toro la uryaawin emeettiis ka.

1 Yoohana 3:2

Aalasseeyki an weyti ꞌdoono, inno toolla a nyaakhuti Waakh. Wihi berri inno nateeh la ma inno latusin. Iꞌdaasenyi wihi inno garanni, maanti Kiriisto soobaho inno laka iꞌdiissa nateeh, a mehe maantaas iꞌdi rumanka us yahe a agarra.

1 Yoohana 5:12

Eti tuummane Weeli Waakh khabo, jirota jirtuu imassan a khaba. Eti tuummane Weeli Waakh ikhabin la jirota jirtuu imassan ma khabo.

Yuuda 1:24

Toollaka weynaan tuumman a ti Waakkhi tarraantarran atin kaholin yabuuꞌde, toro la atinhi wohoo rucchul laka atin liikacheekan hamaadi buure khabtaani ortiisti ababto atin keeno.

Bakkaahit 2:7

Eti dogo khabo wihi Rubeyti Waakh ururre Kiriisto idowto a daago giꞌde. Eti tuummane sooricho la, ohonti us gurnaanki geeyi jiro lakeelo bahcho, gosi Waakh goya katoollo kayaham a muꞌdanyahe.

Bakkaahit 22:1

ꞌDeerka herti Waakh hawti ꞌdusso bicchehiche jiro lakeelo, bicchehiche weyti warraakhyahiin itusse. Hawta la komborti antoote Waakh ichoow Heleem leeyahiine katamiit.

Bakkaahit 22:14

ꞌDooꞌdi Waakh imaalo, a ki kabuuꞌddeticho dikho ꞌdee gurnaanki geeyi jiro lakaꞌhelo ohom muꞌdane, toro la arto tabo ilkerengeetti ween gelo.