Kolossaay 3:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Taba wahanyeyyohi harrata menye, wahanyeyyohi intaas saraat kijiro kol dakkhan orey isohda kamalda.

Kolossaay 3:2 ပူးပေါင်းရင်းမြစ်များ

Mattaayo 16:23

Yeesso la urgiye wihi us Beetero iyidah, “Seytaankaane fooleey buj! At a daakki itarraantarricho, at wahanyeyyohi Waakh menye, iꞌdaasenyi wahanyeyyohi weeli enenyete kamalatta.”

Mattaayo 6:19

“Kamurroonkiin harrata ka meel iisigelinna. A mehe inta ka gubaal ichoow kuuttu a suujaachaane ꞌdooꞌdi walah hato la min a jebcha hata.

Luuka 12:15

Yeesso la wihi us icho iyidah, “Yuubsada! ꞌDamaanki atin wihi atin ikhabin ꞌdoontaan ka isyaakhicha. Iꞌdi tahe jiroti mujjume hoolahi at khabto mee katamiit.”

Luuka 16:11

Chirri ꞌdeerka goorat kamurroonki harrata ka atin liikaakhuufin, ayyo kamurroonki rummaat ka atin kakhuufa?

Fiiliffi 1:23

Sag lamma liijiita. Anihi irdi Kiriisto leejiro imoona. Iꞌdi tahe taase weyti deefta.

Kolossaay 3:1

Maanti Waakh Kiriisto omoot kasookahche, anki Waakh ka atin laka omoot a atin laleesookahche. Maantaka wahanyeyyohi saraate inti Kiriisto komborti antoote Waakh miigtiise kafiddiyo ꞌdondoona giꞌde.

Kolossaay 3:5

Maantaka sartiinti harratane uskeel ꞌdoonto wahanyeyyohi iꞌdee ka agiisa. ꞌDooꞌdi isidisanne isleeurꞌdo ichoow wihi biꞌdire ichoow ꞌdooꞌdi eti icho argaan ichohi leeurꞌdo ꞌdoono ichoow uskeeli liimoono ichoow ꞌdamaam ꞌdiicha. ꞌDamaam la a iꞌdi iyookkoyyohi waakkhakh lakayeessi.