Kolossaay 2:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ A mehe tuunki Waakh sarti enenyete Kiriisto kayaal.

Kolossaay 2:9 ပူးပေါင်းရင်းမြစ်များ

Mattaayo 1:23

“Inanti mejel igaran a uurowta, inankoo dessa. Magahiis la Emmaanuwel iche layadeeh.” Iꞌda ka mehe leessa ya, “Waakh a inno leejira.”

Luuka 14:22

“Ilbooy wihi us ilaabe, ‘Eti ween wihi at tidah a yeele, iꞌdaasenyi min uliba ma buuhsamin.’

Luuka 3:22

Rubeyti Munyee la iꞌdi kutukuurrug u serey ka isooyagte. Hooyoo la serey kasooyeede wihi us yidah, “Ati a Weeleeyki an weyti ꞌdoono, weyti ikahamaadicho.”

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

Yoohana 1:16

Yeesso Kiriisto tuunki haaggiiski buure ka, buuhiis a inno ikasookhakkhaye.

Yoohana 10:30

Ani ichoow Aabbaheey a koo kalday.”

Yoohana 10:38

Iꞌdaasenyi chirri an wihi Aabbaheey ꞌdoono yeelo toro la atin ani irummeysan laka, wihi ittaawenye weeli enenyet yeelin iubaaꞌdan rummeesda. Iꞌda ka saggi Aabbaheey goyteey ikijiro anna goytiis ikijiro a abattaan.”

Yoohana 14:20

Maantaas saggi ani ichoow Aabbaheey wohoo kalday inahe, atin ichoow ani wohoo kalday inahe, toro la ani ichoow atin wohoo kalday inahe a kassaan.

Yoohana 17:21

Aabba, a iweesda, ꞌdee icho tuumman wohoo kalday yateehiin, saggi ati ichoow ani wohoo kalday inahe, toro la ani ichoow ati wohoo kalday inahuu. Aabba, a iweesda ꞌdee icho ichoow inno ba wohoo kalday nateehe ꞌdee ꞌdooꞌdi harrata saggi at ani isooeregte rummeesta.

Yoohana 2:21

Iꞌdaasenyi minka Waakhe buurenye Yeesso woriis kayeyyeedo a sartiissa.

Hilassi Ergaano 17:29

“Maantaka inno a nyaakhuti Waakh gone, kol Waakh iꞌdi iyookkoyyohi ꞌdahabyahe ommos iꞌdi lahaageetyahe ommos iꞌdi dagakki layeele yahe ommos iꞌdi iyookkoyyohi layeelo yahe uus inno koogeynan.

2 Koriinto 5:19

Wihi an eldi a waha, Waakh Kiriisto ka ꞌdooꞌdi harrata ankiissa keene. Ulla uskeelicho ma ekkaacho. Toro la hili us nah korche a ki nah saggi usu weeli enenyet ankiis ikeeno nah cheekno.

Kolossaay 1:19

Iꞌdi tahe wihi Waakh kahamaadiche, a buuhiiski tuum weeliis goya fiddiyo,

1 Timooti 3:16

Rumanka runti dagsaneete Waakh miinsane Waakh inno isoobabbakkaahiche a weentahe. Kiriisto harrata saggi weeli enenyete iyimiyye, Rubeyti Munyee la saggi us ifissanyahe enenyet tusse. Herti Waakh usu a agarte. Woriis yaafohi Yaꞌhuud ieheynan goyaka lacheeke, ꞌdooꞌdi ittaawenye harra usu rummeeste, goobi Waakh liikorche.

Tiito 2:13

Iꞌdane yeella geeddi inno khajjeeli buuhi Waakh keeno sugno. Waha la a maanti Yeesso Kiriistohi Waakhenye ꞌDoorribeheene weynaantiisti ababto inno liisoobabbakkaahicho.

1 Yoohana 5:20

Wihi inno garanni Weeli Waakh a yimiyye, miigti inno wahanyeyyohi Waakh kaabanni inno siiche, ꞌdee saggi Waakh rum iyahe abanna. Toolla la inno ichoow Waakkhi rummaat a wohoo kaldaye, inno ichoow Yeesso Kiriistohi Weeliise laka a wohoo kalday. Us a Waakkhi rummaate, toro a jiroti jirtuu imassan.

1 Yoohana 5:7

A mehe walah seyyahtane runti saggi Yeesso iyimiyye weeli enenyet iyitah cheeka.