Kolossaay 2:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Taba giꞌde uus etoo kalday laka malassi beenaate indigir laa ka atin ekkeysanne iꞌdi bowꞌduu atin labooliyin. Malassa la wihi Kiriisto essi ma kanoole, hugumme ichoow miigti suujenye harratane kanoolyahiin.

Kolossaay 2:8 ပူးပေါင်းရင်းမြစ်များ

Mattaayo 10:17

ꞌDooꞌda yuubsada, jaldaabohi Yaꞌhuude atin igeechaane, minassichoki weysiit ka atin jahaan.

Mattaayo 16:6

Yeesso la wihi us iyidah, “Yeedad Farissaayo ichoow yeedad Sadukaayo ki iꞌdi booddati makaate fuurissee yuubsada.”

Mattaayo 7:15

“Taba ꞌdooꞌdi ꞌdooꞌdi Waákh íyeyyeedo iskaayyeelo yuubsada, iꞌdi tahe icho uummanki iiyyaate atin ikayamiitiine, ugoka uurassicho ka a yaayti weyti sussuuje.

Hilassi Ergaano 17:18

ꞌDooꞌdoo wihi etoo Eebikur layadeeh ꞌdooꞌd abcho raaho ichoow ꞌdooꞌdoo wihi rabittoo Siitoyig layadeeh enenyet abisso raaho leehawwooche. Gaasichokoo mehe worsateen ya, “Waha immarah yeyyeedo mehe essaan?” Gaasichokoo la mehe essaan ya, “Waakkhassi ꞌdooꞌdi yeelane woricho cheeka.” Wihi icho iꞌdaas kayidaaheen la a jeenteti Baawulo Wori Haaggane Yeesso miinsan ichoow saggi Yeesso omoot ikasookahe ikayeyyeedo.

Hilassi Ergaano 17:32

Chirri icho Baawulohi omootti lakasookaho kaayyeedo daageen ka, gaasoo kachaarteene, iꞌdaasenyi gaasoo “Atihi waha inokhatti kayeyyeeddo iche daagin ꞌdoonna,” iyidaaheen.

Rooma 16:17

ꞌDooꞌd Kiriistokaaw, a atin hawwaasdee taba, ꞌdooꞌdi seley atin fido ichoow ꞌdooꞌdi halgo atin gelo, wihi icho atin idowaan wihi atin laabche buusanyahiin yuubsada. ꞌDooꞌda dakkhan kaseeha.

1 Koriinto 10:12

Maantaka eti tuummane kol us mujjum toollo iskoog, a isyuubsati giꞌde uus kufinee.

1 Koriinto 8:9

Iꞌdaasenyi atinhi wihi atin tamhiin seley bihin tabuuꞌdiin, yuubsada giꞌde ꞌdooꞌdi ꞌdabakhe daakki tarraantarricho iitaahana.

2 Koriinto 10:5

Wihi inno jejjebinno a iriirti yeedi beenaat liiriiro ichoow rannyaatti noole abanti Waakh laabti jeyisso. Nah toro mal tuummane khabanna ꞌdee iholinna Kiriisto raahaan.

Galaatiya 1:14

An weyti hugumme aacchinyeteenyo isibahche, boorreeyki Yaꞌhuud ka, an rumanka oreye raahe.

Galaatiya 4:3

Inno laka a iꞌdaas on. Ichoowka maanti Kiriisto yimiy saggi nyaakhuti rurrucchule ijirre. Iꞌdi bowꞌdayyoot u miigti suujenye harratane iche inno anatte.

Galaatiya 4:9

Iꞌdaasenyi toolla atin Waakh abatteene, ommos Waakh atin garti la, a iꞌdoh toro miigti suujenye ꞌdaꞌddarane mammarahe harrata dakhatti ikanokhattaan? Bowꞌdatichooda toro itaahan ꞌdoontaan?

Galaatiya 5:15

Iꞌdaasenyi chaꞌatin kol dakkhan iꞌdi binaat u istamhiin, yuubsada a ismassissaanee.

Efeesso 2:2

Maantaas la wahanyeyyohi harratane sussuuje ichoow karnati ginnayyohi saraat anti iche raahteen. Ulla a ki ꞌdooꞌdi Waakh daagiwwaayo woyo.

Efeesso 4:20

Iꞌdaasenyi saggi wor Kiriisto atin liiabche saggaas mee.

Efeesso 5:6

Uus etoo kalday laka yeedi ilmarhaatteet ka atin ekkeysan. Iꞌdi tahe jeenteti wahanyeyyohi iꞌdee u, holi Waakh ꞌdooꞌdi usú iraahin a isoobaha.

Fiiliffi 3:2

Taba, ꞌdooꞌdaas uskeel lehe, iꞌdi kararre u sussuujenye, khandihi uskul enenyet ihosso yuubsada.

Kolossaay 2:18

Uus etoo kalday laka herti Waakhe lawahti icho ꞌdoonaan ka ichoow isnuglaanti beenaat ka atin hukkumine kalaꞌddiin atin tirin. Eti iꞌdaase wihi us weyti kaayyeedo a fooltabchoti us kolossoo arge. Jeenteti mali us khabo ki ꞌdabakkhi weeli enenyet iyahuu, us wihi ilmarhaatteete keeylaja.

Kolossaay 2:20

Atin Kiriisto a leetumaateene toro miigti suujenye harrata a atin lakasoofure. A iꞌdoh toro saggi ꞌdooꞌdi harrata ikajirtaane amurreta iꞌdee iraahtaan?

Kolossaay 2:22

Waha tuumman enenyet raahaayi saahta on kheerowaan, a mehe a amurre ichoow wihi enenyet laabcho on.

Kolossaay 2:23

Jiroti amurreta dakhatti jitoo khareenye iyoogtahe. Jitassi ꞌhoolenye enenyet isihosso iche Waakh lakawahta, isnuglaanti beenaat ichoow wihi sarticho ꞌdoonto weyti laꞌdiiꞌdo khabaan. Eheetteey laka, indigir icho wihi uur goya kijiro uskeel imoono islakajeycho ikhabaan mele.

1 Timooti 6:20

Timooti, wihi Waakh dahantaah soogesse mujjum yaakhi. ꞌDooꞌdi yeedi ꞌdalame inkaanyitoo rucchul laka Waakh ikakhabin ichoow iriirti ilmarhaatteete icho been ka a garanti rummaat essaan nabah iisudin.

2 Timooti 3:13

ꞌDooꞌdi uskeel kaassohti ichoow ki enenyet ekkeesti la weyti suujowaane, ꞌdooꞌd ekkeestaane icho la leekkeesta.

Ibiraaniya 13:9

Maantaka yeedi tuummane runti Waakh tabardowsane enenyet laabcho, uus jiti mujjume atin bujin. A mehe wihi indigir atin ikhabo gololi soorriyoyyoote layaham menye, a haaggi Waakhe buurenye uurassiin miigoocho.

Ibiraaniya 3:12

ꞌDooꞌd Kiriistokaaw taba giꞌde, uus etiinkoo kalday laka matahmiigti Waakh liirummeysanne Waakkhi jiro lakatabo khabin giꞌde.

1 Beetero 1:18

Iꞌdi tahe a garattaane, jiroti ilmarhaatteete atin aacchinyetiin kaꞌhesseen, wahanyeyyohi suujowo iꞌdi maanta lahaag ommos ꞌdahab mee lagute atin lafure.

2 Beetero 3:17

Maantaka aalasseeyki an weyti ꞌdoono, waha orey on garatteen gone taba isyaakhicha. Uus suujoonki ꞌdooꞌdi hugumme iraahin atin ekkeysanne luhlo atin kakhaatin. ꞌDooꞌda iꞌdane atin yeela ꞌdee kakhuufnaanki atin Waakh kakhuuftaane isesseehin ka kuftaan.

2 Yoohana 1:8

Taba isyaakhicha uus hili atin Waakh ihaaggisseen ki ilmarhaatteet eheynane, Waakh tuum a atin guto.