Kolossaay 2:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Maantaka atin Yeesso Kiriisto Kamur a kayeelatteen gone, taba giꞌde kol dakkhan usu leejira.

Kolossaay 2:6 ပူးပေါင်းရင်းမြစ်များ

Mattaayo 10:40

“Eti tuummane atin khaatti, ani ikhaatta. Eti ani ikhaatti la, Waakkhi ani isooerge iche khaatta.

Yoohana 13:20

Rume atin icheeka, eti tuummane eti an sooergade khaatti, ani ikhaatta. Eti ani ikhaatti la, eti isooergate khaattta.”

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

1 Koriinto 1:30

Iꞌdaasenyi jeenteti wihi Waakh yeeluu, atin ichoow Yeesso Kiriisto ba a wohoo kalday. Kiriisto la kharati Waakh katimiyye inno liikayeele. Kharataas ka la Kiriisto ꞌdooꞌdi fiffissane inno kayeele toro la inno munyaache toro la inno gatte, uskeel inno kasoofure.

2 Koriinto 5:7

A mehe jirota nah jirro jeenteti nah usu indo ikaagarro menye jeenteti kakhuufnaanki nah usu ikakhuufno iche ijirra.

Galaatiya 2:20

Saggi Kiriisto iyumuy u, a iꞌdoo ani laka umuyye, kola jiroti an jiro teey menye, iꞌdaasenyi Kiriisto jiroteey dakhta. Kola sarteey ka jiroti an jiro, kakhuufnaanki an Weeli Waakh kakhuufo iche kajira. Ulla a iꞌdoona, toro la ani a iyumuy.

Galaatiya 3:26

Kakhuufnaankaas atin Yeesso Kiriisto kakhuufteen ka, atin tuumman a nyaakhuti Waakh.

Efeesso 4:1

Ani hili Kamure an haaggicho, iche toolla jeela ikajira. Maantaka a atin hawwaasdee, taba jiroti ꞌdooꞌdi Waakh wahe imasse jira.

Fiiliffi 1:27

Walahbaaw soobaho ka, jiroti ꞌdooꞌdi Wori Haaggane Kiriisto imale jira, ꞌdee chirra an amiite an atin argo, ommos an iimaatane woriin kalday daago, saggi atin uuroo kalday ka mujjum itolossaan a abdi. Toro la saggi atin maloo kalday ikhabtaane, atin tuumman kakhuufnaanki atin Waakh kakhuuftaane Wori Haaggan keeno hol ikadowtaan a abdi.

Kolossaay 1:10

Waakhe atin iwahna, ꞌdee jiroti Kamur inkaanyitto toro kahamaadisso jirtaan. Iꞌda ka sagag tuumman ka enenyet haag a iyeessaane, abannaanki atin Waakh abattaan la a kakhayma.

Kolossaay 3:17

Walahbaaw atin yeessaan ka, harrabiin ommos wihi atin haaggissaan eheetteey ka ba, jeenteti atin koo Yeessohi Kamure itahiin iyeela, toro la Yeesso ka Waakkhi Aabbaheene kalaꞌd ilaaba.

1 'Dessaloonika 4:1

ꞌDooꞌd Kiriistokaaw ayti ꞌdaꞌddaboot, saggi atin jiroti Waakh kahamaadisso ijirtaan a atin abinne. Rumanka la iꞌdaas on yeessaan. Toolla la nahi nah ichoow atin ba Yeessohi Kamureene wohoo kalday nahe a atin hawwaassana, taba waha kakhakkhaya yeela.

Ibiraaniya 3:14

Iꞌdi tahe chirri inno geeddi inno jiro khabno inno mujjum tolossanne, inno khajjeeli maanti inno kolooraat Yeesso rummeysanne on khabno, inno tuumman Kiriisto a walhinne.

1 Yoohana 2:6

Eti tuummane Waakh goytiissa kijira essi, jiroti Yeesso jire iche jira.

1 Yoohana 5:20

Wihi inno garanni Weeli Waakh a yimiyye, miigti inno wahanyeyyohi Waakh kaabanni inno siiche, ꞌdee saggi Waakh rum iyahe abanna. Toolla la inno ichoow Waakkhi rummaat a wohoo kaldaye, inno ichoow Yeesso Kiriistohi Weeliise laka a wohoo kalday. Us a Waakkhi rummaate, toro a jiroti jirtuu imassan.

Yuuda 1:3

Aalasseeyki an weyti ꞌdoono, geeddi an wori ribnaanki inno isleegisanno miinsan atin isoochiiro kamaldi, wihi an arge a mehe ya, wohoo addane uur ikasoodihe atin isoochiira. A atin hawwaasda, kakhuufnaanki atin Kiriisto kakhuuftaane ꞌdooꞌdi Waakh maantoo kalday on dahan lagesse, jirtuu la liikanokhan hol kadowa.