Kolossaay 2:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Toro la atin ichoow Kiriisto a wohoo kalday gone, a atin lakhandiye. Iꞌdaasenyi waha khandihi dahanti weeli enenyet haaggisso menye, a ki Yeesso Kiriisto haaggicho. Iꞌda ka Kiriisto wihi uurassiin goya kijiro uskeel imoono a atin kabahche.

Kolossaay 2:11 ပူးပေါင်းရင်းမြစ်များ

Marko 14:58

“‘Minka Waakhe buurenye dahanohi enenyet diseen a jejjebcha koo addane enenyet idisin ibeen seyyah goyaka disa,’ usuhi essi a daagne.”

Luuka 2:21

Inkoo teebatoo kutte ibeenki weel lakhandiyo yitah ka, weel magah liibahche, Yeesso layidah. Magaha la a ki goorat geeddi us uur laka igelin, herti Waakh ibihisse.

Hilassi Ergaano 17:24

“Waakkhi harra ichoow wihi tuummane goya kajiro soouume, a Kamuri serey ichoow harra leh. Ulla minassi weysiite dahanohi weeli enenyet diseen goya ma fiddiyo.

Hilassi Ergaano 7:48

“Iꞌdaasenyi Waakkhi Weyti Ween minki dahanohi enenyet diseen ma fiddiyo, iꞌdi ꞌdooꞌdi Waákh íyeyyeedo yadeeh u,

Rooma 2:29

Wahaas mee etoo Yaꞌhuud kayeelo. Eti rumanka Yaꞌhuude, a ki uuriis ka Yaꞌhuude. Khandihi goyaatteete rummaat la wihi yeelo, amurreti chiiran menye, a Rubeyti Waakhe enenyet urgiyisso. Eti iꞌdaasu luurgiyiche, weeli enenyet menye, Waakhe koolo kaꞌhela.

Rooma 6:6

Iꞌdi tahe wihi inno garanni, eti inno goorat nahe a iꞌdoo Kiriisto massalaaba ka laleekaahe, ꞌdee wihi goyteen kijiro uskeel imoono miigti icho inno kaantaan latira. Iꞌda ka inno kola bowꞌdayyohi uskeel mee gon,

Rooma 7:24

Wooy! Mal a ibuuhiche! Ayyo sarta omoot igeesso ikasoofura?

2 Koriinto 5:1

Iꞌdi tahe wihi inno garanni, chiꞌ sarteenta harratane inno khabno iꞌdi eemee labaabiicho, goobi Waakh ka, minki jirtuu imassanne inno Waakh kaꞌhello a khabna. Minkaas la ki dahanohi enenyet haaggicheen mee.

2 Koriinto 5:17

Maantaka eti tuummane usu ichoow Kiriisto wohoo kalday yahiin a uumacchotoo husub. Jiroti raagan a kasootabe, too husube jira.

Galaatiya 2:20

Saggi Kiriisto iyumuy u, a iꞌdoo ani laka umuyye, kola jiroti an jiro teey menye, iꞌdaasenyi Kiriisto jiroteey dakhta. Kola sarteey ka jiroti an jiro, kakhuufnaanki an Weeli Waakh kakhuufo iche kajira. Ulla a iꞌdoona, toro la ani a iyumuy.

Galaatiya 5:24

ꞌDooꞌdi koo Yeesso Kiriistee wihi uurassicho goya kijiro uskeel imoono ichoow uskeeli lamaanjeerti ba massalaaba a kasoorriyyoocheen.

Efeesso 4:22

Wihi atin laabche, jiroti atin ꞌhor jirteene, fiddihiinki uskeel liimoono atin ekkeeste toro atin kheerooche ꞌdiicha.

Fiiliffi 3:3

A mehe innohi Rubeyti Waakh ka weysanni, wihi Yeesso Kiriisto inno iyeele keeylajno toro wihi enenyet sartiis ka yeelo ikakhuufin, iche khandihi rummaate.

Kolossaay 3:5

Maantaka sartiinti harratane uskeel ꞌdoonto wahanyeyyohi iꞌdee ka agiisa. ꞌDooꞌdi isidisanne isleeurꞌdo ichoow wihi biꞌdire ichoow ꞌdooꞌdi eti icho argaan ichohi leeurꞌdo ꞌdoono ichoow uskeeli liimoono ichoow ꞌdamaam ꞌdiicha. ꞌDamaam la a iꞌdi iyookkoyyohi waakkhakh lakayeessi.

Ibiraaniya 9:11

Iꞌdaasenyi Kiriisto kuhaanihi weyti weene, wihi haaggane jiroteen ka inno isoobabbaho a yitah. Ulla eemati goobi Waakhe weyti deefto saggi liiꞌdoono liihaaggiche, iche gele. Eemata la ti enenyet dise menye, ommos ti harrati lasoouume mee.

Ibiraaniya 9:24

Iꞌdi tahe Kiriisto Meessi Lagane weeli enenyet haaggiche iyookkoti ti rummaate ma gelin. Usu goobi Waakh rubeytiissa gele. Ulla toolla Waakh ortiissa kajira, inno iyeyyeeda.