Kolossaay 2:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Atinhi saggi an iroonotiin ichoow iroonoti urur Kiriistoki ilkerengeetti Lawodeechiya yaal ichoow iroonoti ꞌdooꞌdi Kiriisto kakhuufo tuummane ani fooleey igaran u, an hol idowe atin icheeko iche ꞌdoona.

Kolossaay 2:1 ပူးပေါင်းရင်းမြစ်များ

Luuka 22:44

Bolokkhi buure goyaka geeddi kootteet laka ꞌdirihiis Waakh wahte, iꞌdiꞌdi us ꞌhooricho harra kaaddibho la iꞌdi diiggi diddibho yitah.

Hilassi Ergaano 20:25

“Wihi an gardi, atinhi an goytiin kasohde, wori dakhi Waakh miinsan atin icheeke, etiin toro yombuu iargo mele.

Hilassi Ergaano 20:38

Wihi weyti icho kooyiche, a chirri us, “Toro yombuu fooleey ma agartaan,” iyidah. ꞌDeerka raaheene, kooban eleelicheen.

Galaatiya 4:19

Nyaakhuteeyki an weyti ꞌdoono, bolokkhi iꞌdi ki aranti chiisenye toro atin ikhaba, ma ikabaho la ichoowka Kiriisto ka iiꞌdowtaan.

Fiiliffi 1:30

A mehe holi goorat an kijire atin agarteen, a ki atin laka kijirtaan. Toro la saggi an toolla laka holaas ikijiro a daagteen.

Kolossaay 1:24

Toolla sinayyohi an iroonotiin u ꞌhelo ka a hamaada, toro sarteey ka wihi sinayyo Kiriisto kaankhan indigirti sartiis u a buuhicha. Sarta la a urur Kiriisto.

Kolossaay 1:29

Jeenteti waha u la, miigti Kiriisto isiicho ka an weyti hol dowa. Miigtiis la weyti imiigoossa.

Kolossaay 2:5

A mehe an goytiin ma toollo. Eheetteey laka, ani rubey ka a atin leejira. Toro la an weyti hamaada, jeenteti atin jiroti atin jirtaan ka ifissantahiine toro la kakhuufnaanki atin Kiriisto kakhuuftaan ka ichuukhantahiin u.

1 'Dessaloonika 2:2

Geeddi goorat nah atin ikiimaatan, saggi ilkerengeetti Fiiliffi ka sina nah liikawaariche ichoow saggi ꞌdooꞌdi wewween nah ileeabaarrame a garattaan. Iꞌdaasenyi jeenteti Waakh uur nah imiigooche u, Wori Haaggane Waakh a atin icheekne chirri ꞌdooꞌdi nah ꞌdiiꞌddan jire laka.

Ibiraaniya 5:7

Maanti Yeesso harrata kijire, us riirit ichoow oytim ka Waakkhi omoot karibo wahte. Jeenteti Us roorro ka Waakh afiis ikutin u, Waakh weysihiis a daage.

1 Beetero 1:8

Atin usu injire ma argine, eheetteey laka, usu a ꞌdoontaan. Atin usu toolla ma agartaane, eheetteey laka, usu a rummeysattaane toro la hamaadi etoo cheekin iubaaꞌdane toro weyti buurenye khabtaan,

Bakkaahit 1:11

Hooyaas la wihi us yidah, “Wihi at sooagarto khadaaboo layuubo kachiire, ururre Kiriistoti ilkerengeetohi teebee kijirto iereg. Ururreta teebee la a ururi Efeesso ichoow ki Simiriina ichoow ki Bergamum ichoow ki ꞌDiyaaꞌdira ichoow ki Sardi ichoow ki Filadeelfiya ichoow ki Lawodeechiya.”