Kolossaay 1:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Jeentetaas u, uus nah woriin ꞌhelle, koloo kalday laka Waakkhi nah atin isoowahno ma ꞌdiin. Wihi nah Waakh daahno la, a usuhi tuum khara ichoow abannaanki Rubeyti Munyee kayamiit tuumman ka wihi us ꞌdoono atin ibuuhicho.

Kolossaay 1:9 ပူးပေါင်းရင်းမြစ်များ

Yoohana 7:17

Eti tuummane wihi Waakh ꞌdoono yeelin ꞌdoono, usú waha an atin abcho Waakh kayimaateen ommos usú yeedeey on tahe a abta.

Hilassi Ergaano 12:5

Beetero ꞌdeerka jeela lagesse. Iꞌdaasenyi urur Kiriisto jeentetiis u weyti Waakh wahte.

Rooma 12:2

Taba giꞌde, jiroti ꞌdooꞌdi wahanyeyyohi harratane sussuuje raaho ajirina. Rubeyti Waakh mali atin malattaan tuum a husubnaasso. Iꞌdaas ka wihi Waakh atin igooche a fiirissaane toro khaatattaan. Waha la a wihi haaggan ichoow wihi Waakh kahamaado toro la a tuum.

1 Koriinto 1:5

Iꞌdi tahe jeenteti atin ichoow Kiriisto wohoo kalday ititaaheen u, Waakh walah tuumman ka a atin kamurrooche. Waha la a iꞌdi maanta, wihi atin cheektaan ichoow wihi atin abatteen.

Efeesso 1:8

Haagga Waakh wohoo rucchul laka ma inno karimmanne, toro la khara ichoow abannaanki inno walah abanni a inno siiche.

Efeesso 5:10

Toro la wihi Kamur kahamaadicho ꞌdonꞌdoona.

Efeesso 5:17

Maantaka saggi ꞌdooꞌdi ꞌdalammee iijirina, iꞌdaasenyi wihi Kamur atinhi yeessaan ꞌdoono abda.

Efeesso 6:6

Yeedicho raaha. Waha la geeddi icho atin argaane atin icho kahamaadissaan kalday on mee, iꞌdaasenyi taba iꞌdi bowꞌdayyo Kiriistuu yeedicho raaha, wihi Waakh ꞌdoono tuum uurassiin ka yeela.

Fiiliffi 1:4

Kol tuumman chirri an atin tuumman Waakh atin isoowaho, hamaade kaweesda.

Kolossaay 1:6

Wora Haaggan a atin iyimiyye, ꞌdooꞌdi ittaawenye harra tuumman laka a kataaꞌha toro gurnaan dela. Waha la a wihi goytiin ka laka yitah, uus maanti kolooraat atin Wora rummaat daagteene, toro haaggi Waakhe buure runtiis tuum abatteen.

Kolossaay 3:16

Walah tuumman ka wori Kiriisto miinsan mujjum nabah isuda, jirotiin ka tuum raaha. Khara tuumman ka, wora isabcha, toro la wora on ka issoohossa. Sabuuri Yeedi Waakh goya kayimiy ichoow geeyohi Waakh lakasaaꞌdo ichoow geeyohi Rubeyti Munyee atin siisso, Waakh idowa. Kol dakkhan Waakh kalaꞌd ilaaba, geeyo idowa. Geeddaas tuumman la rubeyohiin ka Waakh kalaꞌd ilaaba.

Kolossaay 4:12

Ebaabarahi kiinenye, falfa Yeesso Kiriistee, a atin soobariitiche. Us kol tuumman geeddi us yabuuꞌde hol dowa Waakh atin isoowaha, ꞌdee mujjum tolossaane, iiꞌdowtaane, ꞌdee wihi tuummane Waakh atin kaꞌdoono rumanka abattaan.

Kolossaay 4:5

Taba ꞌdooꞌdi urur Kiriisto goya ikajirin jiti khara kaleefiddiya. Ibeenki Waakh atin siicho dakkhan mujjum khaadda, ꞌdooꞌdaas gargaara ꞌdee Kiriisto a kakhuufeen.

1 'Dessaloonika 1:3

Kol dakkhan Waakkhi Aabbaheene ortiis ka saggi jeenteti atin Kiriisto ikakhuuftaan u hili haaggan ihaaggissaan ichoow jeenteti atin usu iꞌdoontaan u hol idowtaan ichoow jeenteti atin Yeesso Kiriistohi Kamureene khajjeel ikakhabtaan u igarrahsattaan, a kasooꞌhella.

1 'Dessaloonika 5:17

Kol dakkhan weesda.

2 'Dessaloonika 1:11

Jeentetaase kol dakkhan Waakh atin isoowahna, ꞌdee Waakkheen ꞌdooꞌdi jiroti us iwahe imale jiro atin iekkaacha. Toro la Waakhe atin isoowahna, ꞌdee miigtiis ka haaggi atin yeelin ꞌdoontaan tuumman ichoow wihi atin yeessaan tuumman jeenteti atin usu ikakhuuftaan u massicha.

Fiilemon 1:4

An kol tuumman Waakkheey kalaꞌd a ilaaba geeddi an weysiheey ka kaasooꞌhelo.

Fiilemon 1:6

Wihi an Waakh daaho, a kulanki Kiriistohi inno kakhuufno ka isikhabno gurnaan delo ꞌdee haaggi tuummane Kiriisto kayamiite inno khabno tuum abatta.

Ibiraaniya 10:36

Wihi toolla atin lakaꞌdoono a garrahsi, ꞌdee chaꞌatin wihi Waakh ꞌdoono yeesseen ka, wihi us ayyiche ꞌhessaan.

Ibiraaniya 13:21

Waakh ba haaggi tuummane atin kaankhane, ꞌdee atin wihi us ꞌdoono yeessaan atin siicha. Yeesso Kiriisto ka, Waakh ba miigti atin wihi us kahamaado yeessaan atin siicha. Yeesso Kiriisto ba jirtuu tuumman lasaaꞌda. Aamiin.

Yaakoobo 1:5

Iꞌdaasenyi chirri etiinkoo khara laayahe, Waakh a daaho Waakh la usu a siichaa. Iꞌdi tahe Waakh enenyet tuumman iꞌdaanu weyti walah siicha toro enenyet ma kofo.

Yaakoobo 3:17

Iꞌdaasenyi kharati Waakh katamiit a miꞌdabe, nebeye ꞌdoonta, a samacchaare, nabahe sudda, uure nugussahe, gurnaanki haaggane dessa, enenyet seley ma sassaahto toro la ma iskaayyeesso.

1 Beetero 2:15

A mehe wihi Waakh ꞌdoono a mehe ya, a atinhi haaggi atin yeessaan ka, ꞌdooꞌdi wihi ꞌdalam atin kacheekti chubbahissaan.

1 Beetero 4:2

Jeentetaas u jirotiisti addane harrata ka us soojiro, suujoonki enenyet imoono ma ijiro iꞌdaasenyi wihi Waakh ꞌdoono yeela.

1 Yoohana 2:17

Harrata suuje ichoow suujoonkicheki liimoono a kutaane, iꞌdaasenyi eti wihi Waakh ꞌdoono yeelo, jirtuu tuumman a jira.

1 Yoohana 5:20

Wihi inno garanni Weeli Waakh a yimiyye, miigti inno wahanyeyyohi Waakh kaabanni inno siiche, ꞌdee saggi Waakh rum iyahe abanna. Toolla la inno ichoow Waakkhi rummaat a wohoo kaldaye, inno ichoow Yeesso Kiriistohi Weeliise laka a wohoo kalday. Us a Waakkhi rummaate, toro a jiroti jirtuu imassan.