Kolossaay 1:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Wihi atin iꞌda kayeesseen la, a jeenteti atin saggi Waakh goobiis ka haaggi nool atin iabbire, atin ikhajjeessaan. Haagga Waakh la orey on daagteen, maanti atin Wori Haaggane rummaat daagteen.

Kolossaay 1:5 ပူးပေါင်းရင်းမြစ်များ

Luuka 12:33

Wihi atin khabtaan ororicha, ꞌdee chilimme miskiin siicha. Urgohi chilimme jirtuu imassan isiyeela, kamurroonkiin goobi Waakh gessa, inti icho iꞌdaaru laka ikanuglaanne, liihatine, riirintoo rucchul laka ikaꞌdaarin gessa.

Hilassi Ergaano 10:36

Atin farniinki Waakh ꞌdooꞌdi Issiraayel isooerge a garattaan. Farniinka la Wori Haaggane cheeke, Yeesso Kiriisto ka innohi enenyete ichoow Waakh a isinebeyne. Yeesso Kiriisto la a Kamuri weeli enenyet tuumman.

Hilassi Ergaano 13:26

“Yaafeey, atinhi hiiy Aburaahame ichoow atinhi yaafohi addanenye Waakh karoortaan inno wori saggi Waakh inno iribo a inno liisooerge.

Hilassi Ergaano 23:6

Baawulo ꞌdeerka saggi gaasichekoo Farissaayo itahe, gaasichekoo la Sadukaayo itahe garte Jaldaabti Weene Yaꞌhuud goyaka riire, “Yaaftaay an a Farissaayo, a weeli Farissaayo. Wihi inta ka liikahukkumo a jeenteti an ꞌdooꞌdi tuume berri sookaho ikhajjeelo,” yidah.

Hilassi Ergaano 24:15

Khajjeeli icho awtichuu Waakh kakhabaan, annaka a khaba. Khajjeelaas la a ki ꞌdooꞌd tuumman omoot ka lasookahcho, ki fiffissan eheetteey ommos ki sussuuje eheetteey ka ba.

Rooma 10:8

Kamalda bal, Chiirnaanneti Waakh mehe tadeeh? “Farniinki Waakh weyti atin idowyahe, furuurohiinna fuula, uurassiin goya la kajira.” Wahaas la a farniinki kakhuufnaanki Waakh lakakhuufo miinsane, nah enenyet icheekno.

1 Koriinto 13:13

Maantaka, waha seyyahcho a sooꞌhadaan, kakhuufnaanki inno Waakh kakhuufno ichoow khajjeeli inno Kiriisto khajjeello ichoow ꞌdooninti inno enenyet ꞌdoonno, iꞌdaasenyi ti weyti kutto, a ꞌdoonin.

1 Koriinto 15:19

Chirri inno jiroti harrata kalday on ka Kiriisto khajjeel kakhabno, weeli enenyet tuumman ꞌdirihiissa inno liisoonaha.

2 Koriinto 5:19

Wihi an eldi a waha, Waakh Kiriisto ka ꞌdooꞌdi harrata ankiissa keene. Ulla uskeelicho ma ekkaacho. Toro la hili us nah korche a ki nah saggi usu weeli enenyet ankiis ikeeno nah cheekno.

2 Koriinto 6:7

Nah rumanka runti Waakh a cheekne, miigti Waakh la a nah leejirte. Jiroteenyoti fissan la iꞌdi birti walah lakayagiis ichoow ti walah islakajeycho eheet.

Galaatiya 2:14

Iꞌdaasenyi wihi an arge, fiddihicho ichoow runti Wori Haaggan ma israahaan. Maantaka Beetero ꞌdooꞌd tuumman ortiis ka mehe iidah ya, “At a Yaꞌhuude, eheetteey laka, jiroti Yaꞌhuud menye jiroti yaafohi Yaꞌhuud ieheynane jirta. Saggoh yaafoha Yaꞌhuud ieheynan hugummeti Yaꞌhuud ikaholissa?

Galaatiya 2:5

Nah la yeedicho nabah ma isudin iꞌdaaru laka. A mehe runti Wori Haaggane atin ikaaynaa.

Galaatiya 5:5

Iꞌdaasenyi kakhuufnaanki inno Kiriisto kakhuufno ichoow Rubeyti Munyee ka, wihi inno khajjeello a Waakkhi ꞌdooꞌdi fiffissan inno iekkaacho.

Efeesso 1:13

Atinhi Yaꞌhuud ieheynan laka yeedi rummaat a daagteen, a Wori Haaggane atin ribo. Maanti atin Kiriisto rummeysatteen, sumatti Rubeyti Munyeenye atin liiayyiche iche ꞌhesseen.

Efeesso 4:21

Wihi an tissibo, maanti atin woriis daagteen, wihi atin laabche ichoow yeedi rummaate Yeesso miinsan a israahaan.

Kolossaay 1:23

Iꞌdaasenyi, taba wori rummaat kakhuufa, iꞌdi wihi isesseehin u jurkhicha. Khajjeeli Wori Waakhe Haaggan akaguurina. Wora atin daagteen a ki ꞌdooꞌdi harra tuumman liicheeke. Anna a Baawulo, a falfati Wora Haaggan cheekto.

Kolossaay 1:27

Wihi Waakh ꞌdooꞌdiiskaas igooche, a waha goorat haaggane dagsane yaafohi Yaꞌhuud ieheynan liisoobabbakkaahicho ꞌdooꞌdiis abti. Waha la a Kiriistohi atin ichoow usu ba wohoo kalday tahiine, ꞌdee weynaanti Kamure inno khajjeello isleegisanno.

Kolossaay 3:16

Walah tuumman ka wori Kiriisto miinsan mujjum nabah isuda, jirotiin ka tuum raaha. Khara tuumman ka, wora isabcha, toro la wora on ka issoohossa. Sabuuri Yeedi Waakh goya kayimiy ichoow geeyohi Waakh lakasaaꞌdo ichoow geeyohi Rubeyti Munyee atin siisso, Waakh idowa. Kol dakkhan Waakh kalaꞌd ilaaba, geeyo idowa. Geeddaas tuumman la rubeyohiin ka Waakh kalaꞌd ilaaba.

1 'Dessaloonika 2:13

Maanti atin Yeedi Waakhe atin nah kadaagteen khaatatteen, atin saggi yeedi weeli enenyet menye, saggi us rumanka Yeedi Waakh iyahe on ikhaatatteen. Yeeda atin rummeysatteen la a atin urgiyicha. Jeentetuu laka kol dakkhan Waakh kalaꞌd a ilaabna.

2 'Dessaloonika 2:16

Yeesso Kiriistohi Kamureene rubeytiis ichoow Waakkhi Aabbaheenenye inno ꞌdoone, haaggiiski buurenye inno imunneynan ka armaanjireen tuumman uur inno miigooche toro la khajjeeli haaggan inno siiche ba,

1 Timooti 1:15

Yeesso Kiriisto harratane yimiyye ꞌdee ꞌdooꞌdi uskeel leh riba. Waha a ayti rummaate kootte incheenka tuum lakakhuufo. Ani rubeytey la ꞌdooꞌdi uskeel leh goyaka, eti kuto eheet.

2 Timooti 4:8

Toolla ꞌduubi eti enenyet sooricho ꞌhelo a isuga jeenteti an Waakh kalday on ikajiruu. Kamuri fissane enenyet mujjum hukkumo, ꞌduuba ibeenki us soonokhti a isiicha. Ani kalday ꞌduuba ma ꞌhelo, iꞌdaasenyi ꞌdooꞌdi tuummane emeettiis imoono laka a ꞌhela.

Tiito 1:2

Wora rummaat ichoow kakhuufnaankaas la khajjeeli saggi icho jiroti jirtuu imassanne goorat Waakkhi been igoon geeddi harra liisoouumin iayyiche ikhabaane siicha.

Ibiraaniya 7:19

A mehe amurre Muusa walah tuum ma kayeesso. Iꞌdaasenyi khajjeeli inno toolla khabno, khajjeeli goorat inno khabne khuuf on kadeefa, Waakhe inno idowwaachaa.

1 Beetero 2:2

Iꞌdi nyaakhuti rurrucchule dessuu, taba atin laka Wori Haaggan iꞌdi haanuut u iamuuma, ꞌdee ribnaankiin ka weynaada.

1 Beetero 3:15

Iꞌdaasenyi uurassiin ka, Kiriisto tuum isisoobahcha iꞌdi Kamur u. Chirri khajjeeli atin Kiriisto kakhabtaan atin laworsate la, tannabda kol dakkhan ayti atin laabtaan khaba. Iꞌdaasenyi waha samacchaar ka ichoow inkaanyit ka yeela.

2 Beetero 1:12

Rumanka runti Chiirnaanneti Waakhe goorat atin laabche a garattaane toro la a raahtaan. Eheetteey laka, a inokhda one toro kol tuumman atin kasooꞌhelcha.

1 Yoohana 3:3

Eti tuummane khajjeela khabo miꞌdabe iskayeela, saggi Kiriisto rubeytiis miꞌdab iyahuu.