Ibiraaniya 8:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Chirri kootte Kiriisto harrata kijiro, kuhaani ma yateeh gon. A mehe kuhaaniyyohi saggi amurre Muusa iꞌdoontuu siimohi Waakh liibahcho bahcho a jiraan.

Ibiraaniya 8:4 ပူးပေါင်းရင်းမြစ်များ

Ibiraaniya 10:11

Kuhaaniyyo ebba maan dakkhan chalag ortiis ka hiliissa haaggicha, soorriyoyyohaas koloo kalday laka uskeel ibihin babbahchaan.

Ibiraaniya 11:4

Aabel kakhuufnaanki us Waakh kakhuufe on ka, iche soorriyoti too Kaayin kussan Waakh ibahche. Jeenteti kakhuufnaankaas u, Waakh saggi usu eti fissan iyahe cheeke, soorriyotiis la kahamaade. Aabel Waakh a kakhuufe gone, chuꞌus toolla ijirin laka, usu a iꞌdoo us uliba inno leeyyeedo on.

Ibiraaniya 5:1

Kuhaanihi weyti ween tuumman ꞌdooꞌd goya lakasoobahcha. Hilicho la, a ki icho wihi Waakh miinsan ka, meessi enenyet ka Waakh ifalaane, siimo ichoow soorriyoyyohi uskeel bahcho Waakh ibahchaan.

Ibiraaniya 7:27

Ulla walah usu iꞌdi kuhaaniyyohi weyti wewweene addan u, kol dakkhan koloo jeenteti uskeeliis u, Waakh soorriyoyyo ikabahcho, ꞌdee toro jeenteti uskeeli ꞌdooꞌdi addan u Waakh soorriyoyyo ikabahcho mele. Us koloo kalday on issoobahche soorriyoti liikanokhanne uskeeli enenyet bihisso yitah.

Ibiraaniya 8:3

Kuhaanihi weyti ween tuumman hiliis a ki us siimo ichoow soorriyoyyo Waakh ibahcho. ꞌDeerka kuhaaniheenki weyti ween laka a imasse chirri us Waakh wohoo ibahcho.

Ibiraaniya 9:9

Waha dakkhane ayyinti oraat miinsan weyꞌda mehe itoollaan ya, siimo ichoow naffi Waakh liisoorriyoocho, rubeyti etane uskeel ikacheekan dikhin ma yabuuꞌdiin.