Ibiraaniya 2:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Waakh rubeytiis la ribnaankaas rummaache. Saggi us irummaache la a iꞌda, wahanyeyyohi miigti Waakh tuso ichoow girmo ichoow wihi ittaawenye weeli enenyet yeelin iubaaꞌdane yeele, toro la saggi us iꞌdoono on u, siinti Rubeyti Munyee ꞌdooꞌd gise.

Ibiraaniya 2:4 ပူးပေါင်းရင်းမြစ်များ

Marko 16:20

Abatti ꞌdeerka bahte Wori Haaggan meel tuumman ka cheekte. Kamur la icho hil leehaaggiche, yeedicho ichoow wahanyeyyohi miigti Waakh tuso sooraahe ka, yeedi icho cheekeen rummaache.

Marko 6:14

Karnati ꞌHerood layadeeh la waha tuumman daage, a mehe magah Yeesso weyti ballaaste. Enenyet gaasoo mehe essa ya, “Yoohanahi Enenyet Baattissiyo iche omoot lakasookahche! Miigta iꞌdeenye goytiis ka hil haaggisso, wihi enenyet iubaaꞌdan us yabuuꞌd, a jeentetaas on.”

Yoohana 15:26

“Maanti Rubeyti Munyeenye ꞌDooggargaarto layadeehe Aabbaheey katamiit an atin isooergo, Rubeyta Munyeenye rum lehe Aabbaheey katamiit, a atin itamiite, wori ani imiinsan atin icheekta.

Yoohana 4:48

Yeesso la wihi us iyidah, “Atin sammata atin wahanyeyyohi miigti Waakh tuso ichoow girmo iargin ma irummeysattaan.”

Hilassi Ergaano 14:3

Baawulo ichoow Barnaba ꞌdeerka intaas geeddi deer fiddiyeene, roorro laan Kamur iyeyyeedeen. Kamur la runti wori haaggi Waakhe buurenye inno imunneynane icho cheekeen tuse, ꞌdeerka miig siiche dahanohicho ka wahanyeyyohi miigti Waakh tuso ichoow girmo yeeleen.

Hilassi Ergaano 4:10

Toollaka atin ichoow ꞌdooꞌdi Issiraayel tuumman waha abda giꞌde! Eta toolla feyyate, miigowe, ortiin toollo, antohi magah Yeesso Kiriistohi Naasarete goorat atin massalaaba kakaahteene atin tigaaseene iꞌdaasenyi Waakh omoot kasookahche iche kasamaate.

Hilassi Ergaano 5:32

Nah ichoow Rubeyti Munyeenye Waakh eti yeediis raaho tuumman siicho a garti waha tuumman.”

Efeesso 1:5

orey on gooste, Yeesso Kiriisto ka, tuum nyaakhutiis inno kayeessa. Waha la a wihi us hamaadiis ichoow ꞌdoonintiis ka us gooche.

Efeesso 1:9

Waakh la maliiski goorat dagsane inno isoobabbakkaahiche. Waha a wihi hamaadiis ka, us Kiriisto ka gooche.

Efeesso 4:7

Iꞌdaasenyi Kiriisto eteemba haaggi Waakhe buure a siiche, ulla saggi liigiso a gooche.

Ibiraaniya 6:4

A mehe ꞌdooꞌdi maantoo Kiriisto rummeysan katabe soolaabinti lasoolaabo icho uskeelicho kasoonokhtaan ma tateeh. ꞌDooꞌda runti wori Waakh a abte, wihi Waakh ꞌdooꞌd siicho la rubey ka a chanchameene, icho ichoow ꞌdooꞌdi addan la Rubeyti Munyee a isleeꞌheleen.