Ibiraaniya 2:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Saggoh sina ikabahsanneey, chirri inno ribnaanki weyti haaggane Waakh inno ribo aw ikakhabin? Yeessohi Kamure rubeytiissa kolooraat ribnaanka cheeke, ꞌdooꞌdi usu daage la, saggi ribnaankaas rum iyahe inno isoocheeke.

Ibiraaniya 2:3 ပူးပေါင်းရင်းမြစ်များ

Mattaayo 23:33

“Atinha iꞌdi toofafe! Dessi toof! Saggoh meessi ꞌdabi armaanjireene Waakh atin igooche ikabahsattaan?

Mattaayo 4:17

Uus maantaas Yeesso Yeedi Waakh ꞌdooꞌd icheeke, wihi us iyidah, “Uskeeliin kasoonokhda, a mehe dakhi goobi Waakh a soodowwaatee.”

Marko 1:14

Inkoo Yoohana jeela lagesse ka, Yeesso boroofenhi Gaalilaaya irte. Intaas ka, Wori Haaggane Waakh kayimiy on cheeka.

Luuka 1:2

Wihi icho chiireen a wihi ꞌdooꞌdi uuꞌ maanti kolooraate waha yitaaheen arge nah isoocheeke. Icho la hili Waakhe icho haaggicheen, a ki wori Waakh ꞌdooꞌd liicheeko.

Luuka 1:69

Kamur ꞌDoorribehi miig khabo a inno siiche, ulla hiiy falfatiisti Dawuud layadeeh kayimiy.

Luuka 24:19

Wihi us worsate “Mehe yitah?” Wihi icho ilaabeen, “Wihi Yeessohi Naasaret layeele. Us eti Waákh íyeyyeedo eheet. Yeediis ichoow wahanyeyyohi us Waakh ichoow enenyet tuumman ortiis ka yeele miige khabeen.

Yoohana 15:27

Atin laka woraaya cheektaan. A mehe uuꞌ goorat maanti an hila sookhabde, a ileejirteen.

Hilassi Ergaano 1:22

Eti uus maanti Yoohana enenyet baattissiyo sookhabte ichoowka maanti Yeesso nah lakakhaate serey lageeche nah leejire a eheetti. A mehe a nah isookhaya ꞌdee garti saggi Yeesso omoot liikasookahche nah leecheeka.”

Hilassi Ergaano 2:22

Beetero toro wihi us yidah, “ꞌDooꞌdi Issiraayeloow, bal yeeda nabah isuda! Waakh Yeessohi Naasaret ka wihi weeli enenyet yeelin iubaaꞌdan ichoow girmo ichoow wahanyeyyohi miigti Waakh tuso a atin tuse. Iꞌdaakka Yeesso rumanka antohi Waakh khabo a atin tuse. Atin la wahaas a garattaan.

Hilassi Ergaano 4:12

Ribnaanki enenyet et addane lakaꞌhelo mele. A mehe magahoo addane Waakh harra tuumman ka inno karibo ma jiro.”

Rooma 11:14

An iꞌdane yeela a mehe anihi ꞌdooꞌdeey inaaf gesso khajjeela, ꞌdee saggoo an gaasichokoo iribo ꞌhola.

Rooma 2:3

Maantaka chirri atinhi weeli enenyete eti wihi iꞌdee yeelo uurassiin ka hukkuntaane iꞌdaasenyi atin rubeytiin wahaas yeessaan, kol atin hukkunki Waakh atin hukkumo kabahsattaane koogtahiin?

1 Koriinto 1:21

Iꞌdi tahe Waakh kharatiis ka wihi us gooche, ꞌdooꞌdi harrata kharaticho on ka Waakh ma abti. Wihi Waakh kahamaadicho a chirri jiti ꞌdalammoon liikhaato Wori Haaggane lacheeko ka, us ꞌdooꞌdi woraas rummeeste ribo.

1 'Dessaloonika 5:3

Geeddi ꞌdooꞌdi Kiriisto ikakhuufin, “Nebey on jirta, walah nah uloonni mele,” essi, chirraase doglaan sinati buure isoobahta, iꞌdi bolokkhi makhaabassi chiise u. Ma bahsataan la.

1 Timooti 1:15

Yeesso Kiriisto harratane yimiyye ꞌdee ꞌdooꞌdi uskeel leh riba. Waha a ayti rummaate kootte incheenka tuum lakakhuufo. Ani rubeytey la ꞌdooꞌdi uskeel leh goyaka, eti kuto eheet.

Tiito 2:11

A mehe haaggi Waakhe buurenye inno imunneynane ribnaan keeno, weeli enenyet tuumman a liisoobabbakkaahiche.

Ibiraaniya 1:1

Goorat archiiy, Waakh aacchinyeteen geeddi buure ichoow jitassi ittaawe ka a leeyyeede. Ulla ꞌdooꞌdi Waákh íyeyyeedo kaleeyyeede.

Ibiraaniya 1:14

Herti Waakh a meheey? Icho a rubeyohi Waakh ergati, ꞌdooꞌdi ribnaanki Waakh muꞌdan ihilo menya?

Ibiraaniya 1:2

Iꞌdaasenyi, ibeenneta ꞌdaꞌddaboot ka, Waakh Weeliissa inno kaleeyyeede. Weeliiska a ki Waakh soobahsate walah tuumman dalho, toro la a ki Waakh usu ka harra tuumman soouume.

Ibiraaniya 12:25

Taba giꞌde Waakkhi yeeda atin idowo aꞌdiiꞌdina. A mehe chirri goorat yaafohi Issiraayel Muusahi harrata ka leeyyeede yeediis ꞌdiiꞌdeene iche ibahsawwaaytuu, inno laka sag inno iꞌdaaru laka ibahsanni mele chirri inno eti goobi Waakh kasooyyeedo adah kakhabanne.

Ibiraaniya 4:1

Waakh uliba laka a inno iayyicha nasmetiis a inno siicha. Maantaka taba a isyaakhinno, uus ꞌdee eteenkoo kalday laka meessa nasme eleelin waayin giꞌde.

Ibiraaniya 4:11

Maantaka, tirriinsanni giꞌde, ꞌdee nasmetaas Waakh a nasno. A mehe eti tuummane ayti Waakh daagiwwaaye iꞌdi goorat yaafohi Issiraayel yeeleen u, ullaka nasmetaas ma naso.

Ibiraaniya 5:9

Inkoo tuum lakayeele ka, eti jirtuu tuumman ꞌdooꞌdi usú raaho ribo yitah.

Ibiraaniya 9:28

Saggaas on u Kiriisto laka koloo on lasoorriyooche, ꞌdee uskeeli ꞌdooꞌdi buure bahcha. Ulla maanti lammaatteete us soonokhti, uskeeli us toro bahcho ma iyamiite, iꞌdaasenyi ꞌdooꞌdi usu weyti sugo iche yamiite, ribnaan ikeena.

1 Yoohana 1:1

Eti nah woriis atin isoochiirro, a ki goorat geeddi wohoo rucchul laka liisoouumin jire. Nah usu a daagne, indoheenyo ka la a agarre, ꞌdeyꞌdoonne, toro la dahanoheenyo ka laka usu a ꞌdaarre. Eta Yeedi jiree iche woriis cheekna.

Yuuda 1:17

Iꞌdaasenyi aalasseeyki an weyti ꞌdoono, atin la wihi ergaano Yeesso Kiriistohi Kamureene orey atin icheekte kasooꞌhela.

Bakkaahit 7:10

Icho la hooyi buure ka riireene, wihi icho yidaaheen, “Waakkheenki komborti antoot kafiddiyo ichoow Heleem, ribnaanki inno laribo icho on leh.”