Ibiraaniya 12:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Bal saggi us ꞌdooꞌdi uskeel khabe usu weyti ꞌdiiꞌddan us ikagarrahsate kamalda. Iꞌda yeela ꞌdee akurmina, toro la rubey iiche atin jebin.

Ibiraaniya 12:3 ပူးပေါင်းရင်းမြစ်များ

Mattaayo 11:19

Ínam Aadam a yimiyye, golossate, farsoti sabiib laka dame icho la mehe essaan ya, ‘ꞌDamaanki toro meleefeenye ꞌdooꞌdi kooddi goocho ichoow ki uskeel leh aal kabahsati kalla.’ Iꞌdaasenyi kharati Waakh runtiche wihi iche yeesso lakaarga.”

Mattaayo 12:24

Iꞌdaasenyi Farissaayo chirri iche wahaas daagte ka, wihi iche tidah, “Miigti Beelsebuulhi karnati ginnayyoote kaldach on eta enenyet ginna kabahcha.”

Mattaayo 15:2

“Abattitaah a iꞌdoh hugumme aacchinyeteen iraahine, geeddi icho igolossan dahano idikhan?” worsatte.

Mattaayo 21:23

Yeesso uranti minki Waakhe buure gele, geedda us ayti Waakh enenyet abcho, kuhaaniyyohi wewween ichoow ewweenki Yaꞌhuud ba Yeesso iyimaateen. Wihi icho worsateen, “Antohi at wahanyeyyoha kahaaggisso a weheeyya? Antoha la ayyo kisiiche?”

Mattaayo 21:46

Jiti iche Yeesso kakhabatti yowatte. Iꞌdaasenyi urure karooraan. A mehe enenyet Yeesso eti Waákh íyeyyeedo ikhaate.

Mattaayo 22:15

Yomboka Farissaayotoo iratte, tossatte, jiti iche Yeesso yeediis on ka angey igelisso yowatte.

Luuka 14:1

Maantoo Yeesso a irte Seeri Lanaso ka minki etoo weene Farissaayee kagolossate, mujjume lafiiriche.

Luuka 15:2

Iꞌdaasenyi Farissaayo ichoow tagaammeti amurre ba nyunnyuweene wihi icho yidaaheen, “Eta ꞌdooꞌdi uskeel lehe soodowweesta toro leegolossata!”

Luuka 16:14

Farissaayo chiꞌiche ayta daagte ka tekkele ka Yeesso kareyatte. A mehe icho a ꞌdooꞌdi weyti chilimme ꞌdoono.

Luuka 2:34

Siimiyon ꞌdeerka icho iweeste, Maariyati abarti weele la wihi us iyidah, “Weela Waakhe soobahsate, ꞌdee ꞌdooꞌdi Issiraayel gaasoo riba gaasoo la bar tira. Ulla miigti Waakhe enenyet tusa, iꞌdaasenyi ꞌdooꞌdi buure usu a tirrima.

Luuka 5:21

Farissaayo ichoow tagaammeti amurre wihi icho uurassicho goyaka esseen, “Eta gafo a ayyo? Ayyo enenyet uskeeliis ikakuta, Waakh on menye?”

Yoohana 10:20

ꞌDooꞌd buurtiis mehe essa ya, “Eta ginna dakhatta, a sirgowe. A iꞌdoh idagansattaan?”

Yoohana 18:22

Uus Yeesso waha yidah ka, etoo ullaka iskarti intaas tolossee, Yeesso fodoor guꞌdde, wihi us iyidah “Ya! Wahaas a saggoh at kuhaanihi weyti ween yeed ikalaabto?”

Yoohana 5:16

ꞌDeerka jeenteti Yeesso waha Seeri Lanaso ihaaggichuu, weynaanti Yaꞌhuud Yeesso sina omhisse.

Yoohana 7:12

Urur goyaka nyunnyuutoti usu miinsan kahte. ꞌDooꞌd gaasoo mehe essa ya, “Us a eti haaggan.” Gaasoo la mehe laabeen ya, “Mele, us enenyete ekkeesta.”

Yoohana 8:13

Farissaayo la wihi iche Yeesso itidah, “At toolla awtaahha on kaayyeedda, gartaah rum mee.”

Yoohana 8:52

Jeenteti waha u, ꞌdooꞌdi Yaꞌhuud wihi us yidah, “Ya! Toolla saggi rumanka ginna kidakhatti a abanne. Aburaaham a yumuyye, ꞌdooꞌdi tuummane Waákh íyeyyeedo laka a tuume. Iꞌdaasenyi at mehe elatta ya, eti tuummane wihi at abisso raaho jirtuu ma yamuut.

Yoohana 8:59

Jeenteti waha u dagah okhsatte, usu saataa. Iꞌdaasenyi Yeesso dagte, dagsi ka uranti minki Waakhe buure kabahe.

Yoohana 9:40

Farissaayotoo intaas kijirte la wihi us essi daagte, wihi iche worsatte, “Nah laka indo laanahe?”

1 Koriinto 15:58

Maantaka ꞌdooꞌd Kiriistoki an weyti ꞌdoono, mujjum tolossada, uus wohoo rucchul laka atin sesseehin. Kol dakkhan hili Kamur tuum haaggicha. Iꞌdi tahe saggi atin igarattaan u, hili atin Kamur ihaaggissaan ki ilmarhaatteet mee.

2 Koriinto 4:1

Maantaka jeenteti Waakh uurnugleeliis on u hila usu liihilo nah ikorchuu, rubeye ma nah jebto.

2 Koriinto 4:16

Maantaka chirri sarteenyo tamuut laka, nah yombuu yombo ma inokhanni rubeyoheenyo kol dakkhan a lamiigoocha.

Galaatiya 6:9

Uus inno haaggi inno yeello kaꞌharin giꞌde. A mehe chiꞌinno ajjibaat ikhaatin, maane a tamiit, ti inno gurnaan ꞌhello.

2 'Dessaloonika 3:13

Iꞌdaasenyi ꞌdooꞌd Kiriistokaaw, atin la taba haaggi atin yeessaan akakurmina.

Ibiraaniya 12:2

Taba, kol tuumman Yeesso a kamalanni giꞌde. Usú orey inno woye, Waakh kakhuufne, toro uliba laka inno woya, Waakh tuum kakhuufna. Ulla jeenteti hamaadi sugo u, lakhaanyoti eti massalaaba lakakaaho taham a igarrahsate. Ulla toolla goobi Waakh ka komborti Waakhe antoot ankicheki miigeete fiddiya.

Ibiraaniya 12:5

Atin la wihi Waakh iꞌdi nyaakhutiis u atin iyidahye uur atin miigoocho, a kadabteen, “Nyaakhutaaw, sooholinti Kamur atin soohosso nabah isuda, toro la geedda us atin khuncho uus rubeye atin jebin.

Ibiraaniya 3:1

Maantaka ꞌdooꞌd Kiriistoki munyeenye Waakh goobiis iwahe, Yeessohi kakhuufnaanki inno Waakh kakhuufno inno cheekno ka, Waakh ergaano ichoow kuhaanihi weyti ween kayeele kamalda.

1 Beetero 2:23

Us maanti laabaare laka abaar ma laabin. Maanti sina lakawaariche laka, ꞌdooꞌdi sina kawaariche ma itiftoonne, Waakkhi enenyet saggi mujjume ihukkumo on dahantiis isgesse.

Bakkaahit 2:3

Atin a garrahsatteene, jeenteteey u, sinayyo tuumman ka samacchaar on eheete, ajjibaat ma khaatin.