Ibiraaniya 11:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Jeenteti inno Waakh ikakhuufno, iche saggi us yeedi afiis on ka us harra isoouume igaranna. Wihi toolla indo lakaargo la, wihi indo liikaargine lakasoouume.

Ibiraaniya 11:3 ပူးပေါင်းရင်းမြစ်များ

Yoohana 1:3

Waakh usu ka, walah tuumman a soouume. Walah lasoouume laantiis lasoouume mala.

Hilassi Ergaano 14:15

“Era iꞌda ayeelina. Nah laka iꞌdiin u a weeli enenyet on. Nah Wori Haaggan on atin icheekna, ꞌdee waakkhassi ilmarhaatteete atin wahattaan urgiyissaane, Waakkhi jiro wahattaan. Ulla a Waakkhi serey ichoow harra ichoow beyohi burbuure ichoow wihi tuummane goyahicho kajiro soouume.

Hilassi Ergaano 17:24

“Waakkhi harra ichoow wihi tuummane goya kajiro soouume, a Kamuri serey ichoow harra leh. Ulla minassi weysiite dahanohi weeli enenyet diseen goya ma fiddiyo.

Rooma 4:17

iꞌdi liichiiruu, “An ooyohi yaafohi ittaawenye kaayeele.” Aburaaham Waakh ortiis ka a ooyoheenna. Waakkha us rummeeste a Waakkhi enenyet omoot kasookahcho toro la wihi goorat nolol ikhabin noolaacho.

1 Koriinto 2:7

Kharati nah kaayyeeno la a ti Waakhe dagsan. Waakh la kharataas a dagche. Kharata la a ti Waakh geeddi us walah isoouumin gooche, ꞌdee wihi haaggan tuumman ꞌhella.

1 Timooti 4:5

A mehe Yeedi Waakh ichoow weysi ba wahaas a munyaachaan.

Ibiraaniya 1:2

Iꞌdaasenyi, ibeenneta ꞌdaꞌddaboot ka, Waakh Weeliissa inno kaleeyyeede. Weeliiska a ki Waakh soobahsate walah tuumman dalho, toro la a ki Waakh usu ka harra tuumman soouume.

Ibiraaniya 6:5

Icho rubeyohicho ka chinniti Yeedi Waakh ichoow miigti maanti Waakh enenyet soodakhti a chanchameen.

2 Beetero 3:5

Iꞌdaasenyi dib on u saggi Waakh goorat archiiy yeedi afiissa on ka serey ichoow harra ba isoouume dabaan. Toro la dib on u saggi us harrati kafafsane bicche lakasoohaaggiche, bicche kamarsanyahiin dabaan.

Bakkaahit 4:11

“Kamuraanyaaw ichoow Waakkhaanyaaw, saaꞌdo ichoow inkaanyit ichoow miigti at ꞌhesso a kimaleen. A mehe ati on walah tuumman soouunte, ꞌdoonintaah ka walah tuumman a soouunte, toro la walah tuumman jiro a khabaan.”