Ibiraaniya 11:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ ꞌDooꞌdi Waakh kakhuufo saggi wihi icho ikhajjeelaan isooyateehiine tissibaane, toro la wihi toolla liiargine ubaan.

Ibiraaniya 11:1 ပူးပေါင်းရင်းမြစ်များ

Hilassi Ergaano 20:21

Wihi an ꞌdooꞌdi Yaꞌhuud ichoow ki Yaꞌhuud ieheynan icheeke a ichohi uskeel kasoonokhti ꞌdee Waakh urgiyicho toro Yeessohi Kamureene kakhuufo.

1 Koriinto 13:13

Maantaka, waha seyyahcho a sooꞌhadaan, kakhuufnaanki inno Waakh kakhuufno ichoow khajjeeli inno Kiriisto khajjeello ichoow ꞌdooninti inno enenyet ꞌdoonno, iꞌdaasenyi ti weyti kutto, a ꞌdoonin.

2 Koriinto 11:17

Chirri an roorro laan eylajo, wihi Kamur iꞌdoono an adeeh mee, an iꞌdi ꞌdalame iyeyyeeda.

2 Koriinto 4:18

ꞌDeerka nah wihi laargo menye, wihi liiargine mujjum fiirinna. Iꞌdi tahe wihi laargo a wihi geeddoor on jiro, iꞌdaasenyi wihi liiargin a wihi jirtuu tuumman imassan.

2 Koriinto 5:17

Maantaka eti tuummane usu ichoow Kiriisto wohoo kalday yahiin a uumacchotoo husub. Jiroti raagan a kasootabe, too husube jira.

2 Koriinto 5:7

A mehe jirota nah jirro jeenteti nah usu indo ikaagarro menye jeenteti kakhuufnaanki nah usu ikakhuufno iche ijirra.

2 Koriinto 9:4

Iꞌdi tahe chirri ꞌdooꞌdoo koo Kiriistee ili Makedooniya ka isooraahe atinhi itannaban atin sooeleele, jeenteti nah atin ikakhuufnuu atin ꞌdiiche nah laka lakhaanyo a nah khaatatta.

Galaatiya 5:6

A mehe jeenteti wihi Yeesso Kiriisto inno iyeeluu, khandi ommos khandiwaayyo indigir icho khabaan mele. Wohoo kaldaye khummane jira, a kakhuufnaanki inno Kiriisto kakhuufno, ꞌdooninti inno Waakh ichoow ꞌdooꞌdi addan ꞌdoonno lakaargo.

Tiito 1:1

Eti khadaaba kisoochiiro a ani Baawulohi ilbooyi Waakhenye, toro la ergaano Yeesso Kiriistee. Anna a liisoobahche, ꞌdee ꞌdooꞌdi Waakh soobahsate gargaara Waakh mujjum kakhuufa, toro la wori rummaate Kiriisto miinsane jiroti Waakh ꞌdoono lajiro icho woya.

Ibiraaniya 10:22

mali fissan ichoow kakhuufnaanki inno Waakh kakhuufno uurlammaal ikhabin ka, Waakh idowwaanni giꞌde. A mehe rubeyoheenki suujoon inno kacheekti diig Kiriisto ka a ladikhe, sarteen la a iꞌdoo bicchehi warraakhe lakadikhe.

Ibiraaniya 10:39

Iꞌdaasenyi inno ꞌdooꞌdi Waakh adah kakhabti labaabiicho goya ma kijirro, ꞌdooꞌdi Waakh kakhuufo, Waakh ribo goya kijirra.

Ibiraaniya 11:13

ꞌDooꞌda dakkhan la Waakh kakhuufaayi tuume. Icho la wihi Waakh iayyiche ma ꞌheline, toro la fogaka wihi ꞌdee berri sooyateeh argeene, kahamaadeen. Saggi icho harrata ka chiiy ichoow ꞌdooꞌdi yeelan iyahiin ꞌdow ka a cheekeen.

Ibiraaniya 11:27

Muusa la kakhuufnaanki us Waakh kakhuufe on ka, iche ili Miissiri kabahe, holi karnat hollowe la ma karoorin. Ulla iꞌdoo us Waakkhi liiargin iarge u, yombohi us inokhti ꞌdiiꞌde.

Ibiraaniya 11:7

Noowa la kakhuufnaanki us Waakh kakhuufe on ka, iche maanti Waakh tootooche, wihi maalinkaas liiargin icheeke, koobanhi buure dise, goobiis ribe. Kakhuufnaanki us Waakh kakhuufe ka, ꞌdooꞌdi harrata uskeel igooche. Toro la Waakh usu eti fissanoonki kakhuufnaanki Waakh lakakhuufo lakeelo muꞌdan iekkaache.

Ibiraaniya 2:3

Saggoh sina ikabahsanneey, chirri inno ribnaanki weyti haaggane Waakh inno ribo aw ikakhabin? Yeessohi Kamure rubeytiissa kolooraat ribnaanka cheeke, ꞌdooꞌdi usu daage la, saggi ribnaankaas rum iyahe inno isoocheeke.

Ibiraaniya 3:14

Iꞌdi tahe chirri inno geeddi inno jiro khabno inno mujjum tolossanne, inno khajjeeli maanti inno kolooraat Yeesso rummeysanne on khabno, inno tuumman Kiriisto a walhinne.

Ibiraaniya 3:6

Iꞌdaasenyi Kiriisto weeli lakakhuufo hili minki Waakh tuumman itoollo eheet. Chirri inno burꞌde ikhabine, khajjeeli inno Kiriisto kakhabno keeylajno la, inno a minkiissa.

Ibiraaniya 6:12

Iꞌda ka la wihi Waakh miinsan ka ma seyꞌhoottaane, iꞌdaasenyi dabati ꞌdooꞌdi samacchaar ichoow kakhuufnaanki icho Waakh kakhuufaan ka wihi Waakh ayyiche muꞌdane raahtaan.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.