Ibiraaniya 1:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Goorat archiiy, Waakh aacchinyeteen geeddi buure ichoow jitassi ittaawe ka a leeyyeede. Ulla ꞌdooꞌdi Waákh íyeyyeedo kaleeyyeede.

Ibiraaniya 1:1 ပူးပေါင်းရင်းမြစ်များ

Luuka 1:55

Aburaaham ichoow nyaakhut nyaakhutiis iꞌdi us aacchinyeteen iyidah u ma kadabine, uur isoonugleeste.”

Luuka 1:72

Toro Kamur ayyintiisti munyeenye us gooche, us aacchinyeteen uur isoonugleesti ma kadabo.

Luuka 24:27

Yeesso la wihi goorat usu miinsane Chiirnaanneti Waakh goya kachiiran ibabbakkaahiche. Uus buuggag Muusa lakasookhabti ichoowka buuggassi ꞌdooꞌdi Waákh íyeyyeedo chiireen tuumman icheeke.

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

Yoohana 16:13

Iꞌdaasenyi maanti Rubeyti Munyeenye rum leh atin itimiy, runti tuummane Waakh katimiy a atin tussa. Rubeyti Munyee la awtiche ma kayeyyeeddo. Wihi iche daagte, ichoow wihi ꞌdee berri sooyateeh, iche atin isoocheekta.

Yoohana 7:22

Muusa goorat hugunki atin yeeletiin kakhandiitaan a atin siiche. Rumanka hugunka Muusa ma kiimaatan, iꞌdaasenyi aacchinyetiinna kasoouummame. Jeentetaase yeeletiin Seeri Lanaso laka ikhandiitaan.

Yoohana 9:29

Saggi Waakh Muusa ileeyyeede a tissibna, iꞌdaasenyi etaas, inti us kayimiy laka ma garanni.”

Hilassi Ergaano 13:32

“Nah Wori Haaggane atin icheekna. Wora la a ki Waakh aacchinyeteen iayyiche,

Hilassi Ergaano 2:30

Iꞌdaasenyi us eti Waákh íyeyyeedo eheete, ayyinti Waakh usu daato ka igooche ꞌdee eti hiiyyiise komborti antoot gesso a garte.

Hilassi Ergaano 28:23

Ibeenki icho Baawulo ꞌhelaan goocheene, toro la ꞌdooꞌdi inti us fiddiyo yimiy weyti buuraate. Ulla uus chirdeer ichoowka geleb wori dakhi Waakh miinsan idowdowe toro icheeke. Chiirnaanneti Amurre ichoow ti ꞌdooꞌdi Waákh íyeyyeedo idowdowe wori Yeesso miinsane icho isoojiitaa.

Hilassi Ergaano 3:21

Iꞌdi goorat archiiy Waakh ꞌdooꞌdiiski munyeenye usú íyeyyeedo ka cheekuu, wihi Waakh gooche, Yeesso goobi Waakhe fiddiya ichoowka ibeenki Waakh walah tuumman husubnaacho yateeh.

Ibiraaniya 11:18

Chirri Waakh goorat Aburaaham, “Isakhe nyaakhuti ittaawe kaꞌhessa,” iyidah laka,

Ibiraaniya 11:2

Iꞌdi tahe kakhuufnaanki ꞌdooꞌdi goorat archiiy Waakh kakhuufe on ka, iche Waakh saggi us icho ikahamaade icheeke.

Ibiraaniya 12:25

Taba giꞌde Waakkhi yeeda atin idowo aꞌdiiꞌdina. A mehe chirri goorat yaafohi Issiraayel Muusahi harrata ka leeyyeede yeediis ꞌdiiꞌdeene iche ibahsawwaaytuu, inno laka sag inno iꞌdaaru laka ibahsanni mele chirri inno eti goobi Waakh kasooyyeedo adah kakhabanne.

Ibiraaniya 2:2

A mehe farniinki goorat Waakh herti Waakh fare a larummaache. Eti tuummane iraahine ommos daagiwwaaye la, sina loomhiche.

Ibiraaniya 2:3

Saggoh sina ikabahsanneey, chirri inno ribnaanki weyti haaggane Waakh inno ribo aw ikakhabin? Yeessohi Kamure rubeytiissa kolooraat ribnaanka cheeke, ꞌdooꞌdi usu daage la, saggi ribnaankaas rum iyahe inno isoocheeke.

Ibiraaniya 3:5

Muusa goorat iꞌdi ilbooy u, eti rumanka hili minki Waakh ka lakakhuufe eheete, ulla wihi Waakh berri sooyadeehe cheeke.

Ibiraaniya 4:8

A mehe chirri goorat Yoochuwa woynaanki us ꞌdooꞌd ili Kaanan iwoyo ka, nasmeti Waakh ꞌdooꞌd iayyiche nasche, Waakh toro ibeenkoo addane nasmetiis laꞌhelo ma kaayyeedo gon.

Ibiraaniya 5:5

Kiriisto laka ꞌdeerka ma isweynaanne kuhaanihi weyti ween ma iskayeelin. Iꞌdaasenyi Waakhe usu soobahsate wihi us iyidah, “At a Weelaaya, maalinka an Aabbahaahha itah.”

Ibiraaniya 9:19

Muusa wihi tuummane amurre Muusa goya lakeelo, iche enenyet tuumman icheeke. ꞌDeerka diiggi maaroot ichoow ki waharoot ba khaate, bicche kakhaye, khadaabi yuubane amurre Muusa kachiirantahe ichoow enenyet ba kiirdifte. Usu wahaas gumotoo tinti iiyyaate guꞌduuꞌdan lakahide, iche kayeele.