Hilassi Ergaano 8:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Etoo Siimon layadeehe ilkerengeettaas ka moreenye, ꞌdooꞌdi ili Saamariya tuumman weyti girmaache a jira. Ulla a isatahnooche etoo khumman iskayeele.

Hilassi Ergaano 8:9 ပူးပေါင်းရင်းမြစ်များ

Yoohana 7:18

Eti wihi awtiissa on ꞌdooꞌd abcho, magahe isiyowta. Iꞌdaasenyi eti magahi eti sooergate koolo iꞌdoono, a eti rummaate, walah khollokkhane usu miinsan mele.

Hilassi Ergaano 13:6

Kurtetaas tuumman dah kagoocheene Wori Haaggan cheekeene ichoowka ilkerengeetti Baabos eleeleen. Intaas ka etoo Yaꞌhuude moreenye eti Waákh íyeyyeedo iskaayyeelo Bar Yeesso layadeeh ꞌheleen.

Hilassi Ergaano 13:8

Iꞌdaasenyi Eelimaashi moree icho tirrime. Eta magahiis moro miinsanyahe. Usu etaas ween kakhuufnaanki us Yeesso kakhuufo kalaabine ꞌdoone.

Hilassi Ergaano 5:36

Wihi inno orey agarre, Dewuudo a soobahe etoo ween iskayeele. Ullaka geeddi et kud affare raahte. Inkoo usu layigis ka, ꞌdooꞌdiiskaas ichoow yeediis tuumman ba baabe.

Hilassi Ergaano 8:11

Wihi icho karaahaan la a jeenteti us goycho ka geeddi deer morotiis ka girmo iyeele.

2 'Dessaloonika 2:4

Eta wihi tuummane Waakh layadeeh ommos wihi lawahti tuummane tirrima toro la ꞌdirihicho isweynaacha, ꞌdee minki Waakhe buure goya orronta, nane Waakh iskayeela.

2 Timooti 3:2

Ebba awtiissa on ꞌdoona, chilim ꞌdoona, serey isgeecha, eylaja, enenyet meꞌdeꞌddeela, ꞌdooꞌdi dele ma daago, kalaꞌd mele, Waakh ma inkaanyito.

2 Timooti 3:5

ꞌDooꞌdi Waakh tuum raaho iskaayyeela, iꞌdaasenyi miigti Wori Haaggan jiroticho ka a ꞌdiiꞌdaan. ꞌDooꞌdi iꞌdee buj.

2 Beetero 2:18

A mehe icho yeedi ilmarhaatteete kaayyeedaane isatahnoochaan. ꞌDooꞌdi yeed Yeesso ka jarakhenye, dowwanoha ka suujoonki us yeele kabahsati wihi uurassicho goya kijiro uskeel imoono ka sohoꞌddarri isoojiitaane angey gessaan.

Bakkaahit 22:15

Iꞌdaasenyi ꞌdooꞌdi ilkerengeetta khariche kijiro, a ki isbiꞌdirroocho, ꞌdooꞌdi tibaato khabo ichoow ki sohoꞌddarri kaassohti ichoow ki enenyet dubunuunu yagiis ichoow ki iyookkoyyohi waakkhakh lakayeessi wahti ichoow ki been ꞌdoono toro kol dakkhan been goocho.