Hilassi Ergaano 7:54 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵⁴ Jaldaabe chirri iche waha daagte ka weyti hollowte, ichoowka indo gugguꞌduutteen.

Hilassi Ergaano 7:54 ပူးပေါင်းရင်းမြစ်များ

Mattaayo 13:42

Herta Waakh la ꞌdab goya kaluguꞌdda. Intaas ka la ooyaane ilko iskarobaan.

Mattaayo 13:50

Ki uskeel yeele ꞌdab goya kachibta, intaas ka la weyti ooyaane ilko iskarobaan.”

Mattaayo 22:13

“Karnat ꞌdeerka wihi us ilbooyyetiis iyidah, ‘Dahano ichoow luhlo ba hida, mugꞌdihi kharaat iseya. Intaas ka la enenyet a ooya, toro la bolokh ka ilko iskaroba.’

Mattaayo 24:51

Usu seleye goggoocha, toro ꞌdooꞌdi iskaayyeelo goya gata. Intaas ka ooya, bolokh ka ilko iskaroba.”

Mattaayo 25:30

Maantaka ilbooya marahe indigir laa mugꞌdihi ginnayyo yaalliin iseya. Intaas ka enenyet a ooya, toro la bolokh ka ilko iskaroba.’

Mattaayo 8:12

Iꞌdaasenyi ꞌdooꞌdi yaafohi Issiraayelenye kootte dakhaas miinsanyahe Waakh icho khar ka mugꞌdi goya iseya. Intaas ka la a ooyaane bolokh ka ilko iskarobaan.”

Luuka 13:28

Atin la maanti atin Aburaaham ichoow Isakh ichoow Yaakoobo ichoow ꞌdooꞌdi goorat Waákh íyeyyeedo goobi Waakh ka agartaane, iꞌdaasenyi atin atin lariho, a ooytaane bolokh ka ilko iskarobtaan.

Hilassi Ergaano 5:33

Jaldaabe la chiꞌiche wahaas daagte ka, weyti hollowte, ergaano ogoos ꞌdoonte.