Hilassi Ergaano 6:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Walaalinyeey, et teeba goytiin ka magah khabto, Rubeyti Munyee laka rubeyohicho buuhto toro la kharee soobahcha, hila a gelinno.

Hilassi Ergaano 6:3 ပူးပေါင်းရင်းမြစ်များ

Mattaayo 23:8

“Iꞌdaasenyi uus, ‘Eti ween,’ atin liidowin. A mehe Kamuriin a koo kaldach one, atin la a ꞌdooꞌdi yaaftoo kaldach.

Yoohana 21:23

Jeentetaas u woraas leessi ꞌdooꞌdi Kiriisto rummeeste goya kataaꞌhe. Wihi icho esseen a mehe ya, “Eta abattee ma yamuut.” Iꞌdaasenyi Yeesso ma yamuut ma idaahane, wihi us yidah a mehe ya, “Chirri an usuhi ichoowka maanti an soonokhdi jiro ꞌdoono, wahaas ati walah icho kiyahiin mele.”

Hilassi Ergaano 1:15

Inkoo ibeennetoo kutte ka, ꞌdooꞌdi Kiriisto rummeeste soourure. Icho tuumman la a geeddi et kudoo ichoow tomon lamma. Beetero la kahe yeede,

Hilassi Ergaano 1:21

Maantaka wihi massan, etoo geeddi Kamureenki Yeessee nah leefiddiye tuumman nah leejire soobihinno.

Hilassi Ergaano 10:22

Reer wihi us ilaabe, “Etoo Korneeliyo layadeehe koobbintoo iskareet itoollo kanimiy. Ulla a etoo fissane Waákh karooro, yaafti Yaꞌhuud tuumman la weyti inkaanyitto. Hertoo Waakhe munyeenye usu minkiis a kiwaho ꞌdee wora a daago itidah.”

Hilassi Ergaano 15:23

Khadaaba leergeen. Khadaab la wahane kachiiran. ꞌDooꞌdi khadaaba atin isoochiiro a nahi ergaanee ichoow ewweenki urur Kiriisto woyo iꞌdiin u Kiriisto rummeeste. ꞌDooꞌdi nah isoochiirro la a atinhi yaafohi Yaꞌhuud ieheynane Kiriisto rummeysatteene ilkerengeetohi Antiyookhiya ichoow Siiriya ichoow Kiliikiya taalliin. Nebeeheyte!

Hilassi Ergaano 16:2

ꞌDooꞌdi Kiriisto rummeeste ilkerengeetti Luussira kajiro ichoow ki ilkerengeetti Ikooniyo kajiro la weyti haag Timooti cheeke.

Hilassi Ergaano 2:4

Icho tuumman Rubeyti Munyee buuhisse, saggi Rubeyti Munyee igargaartuu la afi icho idaagin kaayyeedin sookhabteen.

Hilassi Ergaano 22:12

“Etoo Anaaniya layadeeh ani iargin yimiy. Us weyti Waákh karoora toro amurre Muusa mujjum raaha, ꞌdooꞌdi Yaꞌhuude Damaasko kajiro tuumman la weyti usu inkaanyita.

Hilassi Ergaano 28:14

Intaas ka ꞌdooꞌdoo Kiriisto rummeeste ꞌhelle, icho la nah waheene teebatoo a leefiddiino. ꞌDeerka intaas kakahne luhlo ka ilkerengeetti Rooma nimiy.

Hilassi Ergaano 6:2

ꞌDeerka ergaanoti tomon ichoow lammee abatti tuumman isiwahte, wihi iche itidah, “Ma haaggan chirri nah Yeedi Waakh cheeknaan ꞌdiinno, ꞌdee nah golol ꞌdooꞌd gisno.

Hilassi Ergaano 6:5

Urur tuumman wihi ergaano tidah jilhaate. Etoo Isiteefano layadeehe, Rubeyti Munyee buuhisse toro Waakh weyti kakhuufo soobahsateen. Fiilif ichoow Burookoras ichoow Nikaanor ichoow Tiimon ichoow Barmena ichoow eti ilkerengeetti Antiyookhiya Nikolaawus layadeehe wihi ꞌdooꞌdi Yaꞌhuud wahti iurgiye laka soobahsateen.

Hilassi Ergaano 6:6

ꞌDooꞌda ergaano liikeene iche la iweysatte, toro la dahano korisse.

Hilassi Ergaano 9:30

Chirri ꞌdooꞌdi Kiriisto rummeeste waha abte ka, Saawulo khaateene ilkerengeetti Kaaysareya geecheene, intaas ka ilkerengeetti Taarso iergeen.

1 Koriinto 12:8

Rubeyti Waakh on ka etoo wori khara lasiicha, Rubeyta Waakh on ka etoo addan wori walah lakagarti lasiicha.

1 Koriinto 16:3

ꞌDeerka maanti an imiy ꞌdooꞌdi atin soobihisseen khadaabbeti eti icho yayyahiin tusso a siicha, siinti chilimmeti atin baayisseen khabaani ilkerengeetti weene Yeerusaleem ierga.

Efeesso 5:18

Taba, farsoti sabiib ka meleefu iitaahana, a mehe jiroti uskeeli buurenye iꞌdaanu layeelo keenaan. Iꞌdaasenyi Rubeyti Munyee a atin buuhisso.

1 Timooti 5:10

toro la a ti jeenteti iche haag iyeessuu enenyet tuumman inkaanyito. Haaggiche a ꞌdow on. A ti nyaakhuutiche jiti haaggan kasooweynaasse, a ti goobiche ka ꞌdooꞌd martiisatte, a ti ꞌdooꞌdi Waakh iꞌdi ilbooy u luhlo dikhte, a ti ꞌdooꞌdi sina khabe gargaarte. A ti hili haaggan tuumman isisoobihisse.

Yaakoobo 1:17

Siinti tuummane haaggane toro la eloo rucchul laka ikhabin, sereye katamiite toro la Waakkhi Aabbaheenenye banayhi saraat tuumman soouume iche katamiit. Banayhaas a geeddi icho urgiyaane mugꞌdi yateehiin. Iꞌdaasenyi Waakh iꞌdaaru laka ma urgiyo.

3 Yoohana 1:12

Enenyet tuumman haag Demmediroos a cheeka. Us runti Waakhe raaha, waha la saggi us eti haaggan iyahe iche tusaan. Nah laka saggi us eti haaggan iyahe a atin isoocheekna. Atin la saggi wihi nah cheekno tuumman rum iyahiin a garattaan.