Hilassi Ergaano 27:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Chirri nah kurti rucchule Kawuuda bicche dahcho kajirto gurrotiche eleelle ka, koobanhi rucchule koobanhi addan ꞌdubiis kanyutan nyif ka bicche goya kasoobihinne, kooban korinne.

Hilassi Ergaano 27:16 ပူးပေါင်းရင်းမြစ်များ

Hilassi Ergaano 16:10

Inkoo Baawulo fooltabcho arge ka, chirraas on tannabanne, anki Makedooniya miinsanne. Wihi nah goonne Waakh a nah wahe, ꞌdee icho Wori Haaggan icheekna.

Hilassi Ergaano 27:15

kooban guꞌdde. Jeenteti hafar kooban ilaabe u, kooban woynaan ꞌdiinne, ꞌdeerka hafar on kooban woye.

Hilassi Ergaano 27:17

Inkoo icho koobanhi rucchul koobanhi buure kookkhicheen ka, yabarre kooban iliis kajurkhicheen, uus jejjebinee. Koobanhi yoohti Liibiya bicche iliis kijiro jeychaane karooreen. Darfohi kooban woyo yagcheene ꞌdee hafar kooban a woyo.

Hilassi Ergaano 27:30

ꞌDooꞌdi kooban woyo ichohi firdo ꞌdoonaane koobanhi rucchul beyti buure goyaka il iwoyeen. Ichohi gaꞌdaarreti kooban toollisso kooban orcho laka gelin ꞌdoono iskayeeleen.