Hilassi Ergaano 27:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Meessi Afi Haaggan layadeeh inti kooban hayohi roffo fiddiyaan mee gone, ꞌdooꞌd buurtiis koobanhi orey isohti gooche, ilkerengeetti Foonige eleelin ꞌdoonaanee. Afaas Kireete kijiro a geeꞌddime, bicchehiche la gurro ichoow miige yeyaan.

Hilassi Ergaano 27:12 ပူးပေါင်းရင်းမြစ်များ

Hilassi Ergaano 2:11

a ꞌdooꞌdi Yaꞌhuud ichoow ki wihi Yaꞌhuud wahti iurgiye. Gaaseenyokoo laka Kireete ichoow ili Araabo kayimiy. Iꞌdaasenyi nah ichohi girmohi Waakh yeele afeenyo ka cheeko a daagna!”

Hilassi Ergaano 27:13

Maanti hafaroo samacchaare gurro kayimiy ka, ꞌdooꞌd kol wihi icho ꞌdooneen yateehiine koogyahe. ꞌDeerka birti kooban jeyisso soolaabeene kurti bicche dahcho kajirto Kireete afiche tabeen.

Hilassi Ergaano 27:21

Inkoo ꞌdooꞌd geeddi deer golol laan fiddiye ka, Baawulo orcho tolossate, “Era chaꞌatin kootte waansiheey raahteene, kurti bicche dahcho kijirto Kireete inno fiddiine, ꞌdanota tuumman ma inno isoobahto, waha tuumman la ma waayno,” yidah.

Hilassi Ergaano 27:7

Jeenteti hafari miige kooban ijeychuu, ibeenneti ittaawe samacchaar on sohanne, ichoowka nyif ka ilkerengeetti Kiniidas idowwaanne. Hafar la kooban jit buuche, ꞌdeerka inti Salmoone layadeehe kurti bicche dahcho kajirto Kireete layadeeh gurrotichee tabne.

Hilassi Ergaano 27:8

Nyif ka beyti buure afiche iranne ichoowka inti kooban katolossataane Afi Haaggan layadeeh ka tolossanne. Intaas la, ilkerengeetti Laasaaya ma kadeer.

Tiito 1:12

Gorsatoo tichee goorat wihi iche tidah a mehe ya “ꞌDooꞌdi Kireete, a ꞌdooꞌdi lagarti been leh, a iꞌdi binahi sussuujenye enenyet bakkicho toro la seyꞌho lehe ꞌdamaammee.”

Tiito 1:5

Kireete kaatabe, ꞌdee hili goorat dabare khumissa, toro la iꞌdi goorat an kiidah u, ilkerengeeto tuumman ka ewweenki urur Kiriisto woyo soobihissa.