Hilassi Ergaano 22:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ “An a Yaꞌhuude, ilkerengeetti Taarso ili Kiliikiya kijirto liikadele, iꞌdaasenyi ilkerengeetti weene Yeerusaleeme kaweynaade. Ani amurre aacchinyeteen weyti liiabche, eti iabche la a Gamaliyeel. An laka iꞌda maanta atinhuu, Waakkheen a isibahche.

Hilassi Ergaano 22:3 ပူးပေါင်းရင်းမြစ်များ

Luuka 10:39

Maarta la walaassichetoo Maariya layadeeh a jirta. Maariya la luhlo Kamur hagga fiddiita, yeed Yeesso dagansatta.

Luuka 2:46

Ibeenki seyyahnaatteet inkoo icho Yeerusaleem kakaheen ka, Yeessohi uranti minki Waakhe buure ka ꞌdooꞌdi Yeedi Waakh ꞌdooꞌd abcho goycho fiddiyo, wihi icho essaan dagansati toro walah wowworsati ꞌheleen.

Luuka 8:35

ꞌDooꞌd la bahe wihi yitahye sooyeyaa. Chirri icho Yeesso iyamiitiin, eti ginna goytiis kabahte usuhi sammacchaar Yeesso ortiis fiddiyo darfo mujjum gessate matah la haagsate ꞌheleen. Enenyet roorro gesse.

Hilassi Ergaano 11:25

Barnaba ꞌdeerka ilkerengeetti Taarso irte, Saawulo yowte.

Hilassi Ergaano 15:23

Khadaaba leergeen. Khadaab la wahane kachiiran. ꞌDooꞌdi khadaaba atin isoochiiro a nahi ergaanee ichoow ewweenki urur Kiriisto woyo iꞌdiin u Kiriisto rummeeste. ꞌDooꞌdi nah isoochiirro la a atinhi yaafohi Yaꞌhuud ieheynane Kiriisto rummeysatteene ilkerengeetohi Antiyookhiya ichoow Siiriya ichoow Kiliikiya taalliin. Nebeeheyte!

Hilassi Ergaano 15:41

Siiriya ichoow Kiliikiya tabe ururre Kiriisto uur miigooche.

Hilassi Ergaano 21:20

Inkoo icho waha daageen ka, Waakh saaꞌdeen. ꞌDeerka wihi icho Baawulo iyidaaheen, “Baawulohaanyaaw, yaafteenti Yaꞌhuude Yeesso rummeysatte saggi iche aliffe igoosso yey. Icho tuumman la weyti amurre Muusa isibahcheen.

Hilassi Ergaano 21:39

Baawulo wihi us ilaabe, “An a Yaꞌhuude, ilkerengeetti Taarso ili Kiliikiya kijirto liikadele. An a eti ilkerengeetti weyti khumman. A kihawwaasdee, alley bal ꞌdooꞌd a leeyyeedo.”

Hilassi Ergaano 23:34

Gaafana khadaab soome, Baawulo boroofenhi us kayimiy worsate. Chirri us saggi us inti Kiliikiya layadeeh ikayimiy abte ka,

Hilassi Ergaano 23:6

Baawulo ꞌdeerka saggi gaasichekoo Farissaayo itahe, gaasichekoo la Sadukaayo itahe garte Jaldaabti Weene Yaꞌhuud goyaka riire, “Yaaftaay an a Farissaayo, a weeli Farissaayo. Wihi inta ka liikahukkumo a jeenteti an ꞌdooꞌdi tuume berri sookaho ikhajjeelo,” yidah.

Hilassi Ergaano 26:5

Icho geeddi deer a igarteen. Chirri icho ꞌdoonaan, saggi an Farissaayo ieheet a cheekaan. Farissaayo la, a rabittoo Yaꞌhuude rabitohi addane Yaꞌhuud ꞌdirihiis wihi Waakh ꞌdoono mujjum raahto.

Hilassi Ergaano 26:9

“Ani rubeyteey laka wihi an tissibe, wihi an abuuꞌd tuummane yeele, antohi magah Yeessohi Naasarete tirrimaa.

Hilassi Ergaano 5:34

Iꞌdaasenyi etoo Farissaayeenye Gamaliyeel layadeehe, enenyet tuumman inkaanyito a jira. Usu a tagaanki amurre. Gamaliyeel Jaldaabti Weene Yaꞌhuud goycho ka tolossatte, amur bahche ergaano iꞌdaaru khar a liibahcho.

Hilassi Ergaano 6:9

Iꞌdaasenyi ꞌdooꞌdoo Isiteefano iriir leegele. ꞌDooꞌda a ayyo ya, a ꞌdooꞌdoo minkichoki weysiit, “ꞌDooꞌdi Lasoofure,” layadeeh ichoow ꞌdooꞌdi Yaꞌhuude ili Kureene kayimiy ichoow ki Alekisaandariya ichoow ki Kiliikiya ichoow ki Aassiya. ꞌDooꞌda Isiteefano iriir leegele,

Hilassi Ergaano 9:1

Geeddaas tuumman la Saawulo abattiti Kamur uliba ogoose ꞌdoona. Kuhaanihi weyti ween iirte,

Hilassi Ergaano 9:11

Kamur la wihi us iyidah, “Kahe, ilkerengeet ka min Yuudaki jiti, Jiti Fissan layadeeh kajiro iro, etoo ilkerengeetti Taarso Saawulo layadeeh sooworso, iꞌdi tahe usu Waakhe wahtaa.

Hilassi Ergaano 9:30

Chirri ꞌdooꞌdi Kiriisto rummeeste waha abte ka, Saawulo khaateene ilkerengeetti Kaaysareya geecheene, intaas ka ilkerengeetti Taarso iergeen.

Rooma 11:1

ꞌDeerka wihi an worsadi, Waakh ꞌdooꞌdiis a ꞌdiiꞌde? Mele, iꞌdaaru laka ma ꞌdiiꞌdin! Ani rubeyteey a ꞌdooꞌdi Issiraayele, hiiy Aburaahame kiimiyye, a yaaf Beenjameen.

2 Koriinto 11:22

Icho a ꞌdooꞌdi Ibiraaniya? Ani laka. Icho saggi ꞌdooꞌdi Issiraayele Waakh iwahtaan? Ani laka. Icho hiiy Aburaahame kayimaateen? Ani laka.

Galaatiya 1:14

An weyti hugumme aacchinyeteenyo isibahche, boorreeyki Yaꞌhuud ka, an rumanka oreye raahe.

Galaatiya 1:21

Saahka boroofenhi Siiriya ichoow boroofenhi Kiliikiya irde.