Hilassi Ergaano 21:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Ibeenki kaas sooraaho ka, kahne ilkerengeetti Kaaysareya iranne, kooban kasooyegne. Intaas ka minki eti Wori Haaggan taaꞌhicho Fiilif layadeeh fiddiine. Fiilif la a etoo ꞌdooꞌdi goorat teebeenye Yeerusaleem ka lasoobahsate golol ꞌdooꞌd gise.

Hilassi Ergaano 21:8 ပူးပေါင်းရင်းမြစ်များ

Hilassi Ergaano 6:5

Urur tuumman wihi ergaano tidah jilhaate. Etoo Isiteefano layadeehe, Rubeyti Munyee buuhisse toro Waakh weyti kakhuufo soobahsateen. Fiilif ichoow Burookoras ichoow Nikaanor ichoow Tiimon ichoow Barmena ichoow eti ilkerengeetti Antiyookhiya Nikolaawus layadeehe wihi ꞌdooꞌdi Yaꞌhuud wahti iurgiye laka soobahsateen.

Efeesso 4:11

Usu ꞌdooꞌd gaasoo ergaano kayeele, gaasoo laka ꞌdooꞌdi Waákh íyeyyeedo kayeele, gaasoo laka ꞌdooꞌdi Wori Haaggan taaꞌhicho kayeele, gaasoo la ꞌdooꞌdi urur Kiriisto yaakhicho toro la Yeedi Waakh abcho kayeele.

2 Timooti 4:5

Iꞌdaasenyi at tabe walah tuumman ka isjeyiche, sinabaaw kisoobahte ka la garrahso. Hili eti Wori Haaggan taaꞌhicho haaggiche, hili Waakh kikorche tuumman buuhi.

Hilassi Ergaano 28:16

Chirri nah ilkerengeetti Rooma gelle ka, Baawulo etoo iskareete yaakhicho laleeꞌdiiche, irte awtiis u keley fiddiye.

Hilassi Ergaano 16:13

Seeri Lanaso ka aritti ilkerengeeteet kabahne, hawti ꞌdusso iranne. Kol nah intaas ka meessi Yaꞌhuud kaweesti ꞌhello koognahe. Orrommanne, oboorrihi intaas ka urure leeyyeene.

Hilassi Ergaano 16:10

Inkoo Baawulo fooltabcho arge ka, chirraas on tannabanne, anki Makedooniya miinsanne. Wihi nah goonne Waakh a nah wahe, ꞌdee icho Wori Haaggan icheekna.

Hilassi Ergaano 9:30

Chirri ꞌdooꞌdi Kiriisto rummeeste waha abte ka, Saawulo khaateene ilkerengeetti Kaaysareya geecheene, intaas ka ilkerengeetti Taarso iergeen.

Hilassi Ergaano 28:11

Uuꞌ goorat kooban jejjebeen, hay seyyahe kutte. Koobanhoo ili Alekisaandariya kayimiyye, sumatticho “Waakkhassi Manꞌdaanee,” layadeeh gelle. Koobanha la geeddi hayohi hafari miige jire tuumman Malta on kajireen.

Hilassi Ergaano 27:1

Chirri saggi nah ilkerengeetti Rooma ili ꞌDeylaan kajirto kooban ka iiranni lagooche ka, Baawulo ichoow ꞌdooꞌdoo addane hidan ba, Yuuliyashi koobbintoo iskareet itoollo, Koobbin Kaaysar layadeeh iween dahan lagesse.

Hilassi Ergaano 23:23

Eti iskar iween ꞌdeerka et lamma kooba koobbintoo iskareet itoollo wahe, wihi us iyidah, “Nyaama, iskarti kud lammee ichoow et tomon teeba faraꞌd korto ichoow et kud lamma toorar khabto ilkerengeetti Kaaysareya iratti soobahcha, ꞌdee sahaꞌd seyyahti ibeen ka a kahto.

Hilassi Ergaano 20:13

Intaas ka Baawulo katabne, kooban gelle, orey isohanne ichoowka ilkerengeetti ꞌdee Baawulo kooban kagelo Assos layadeeh iꞌdulle. Usu iꞌdaas gooche, iꞌdi tahe usu luhlo kasohta, il dah kagoocha ichoowka ꞌdee Assos ka isꞌhella.

Hilassi Ergaano 20:6

Nah la inkoo Daawti Makaateti Liikhasin kutte ka kooban ka ilkerengeetti Fiiliffi kakahne. Ibeen chan sohanne ꞌdooꞌd ilkerengeetti Tuurowa ka toro ikhayne. Teebatoo intaas fiddiine.

Hilassi Ergaano 18:22

Chirri us ilkerengeetti Kaaysareya yimiy ka, kooban kasooyege ilkerengeetti weene Yeerusaleem irte urur Kiriisto bariitiche, ꞌdeerka ilkerengeetti Antiyookhiya ikhubte.

Hilassi Ergaano 16:16

Maantooka, nahi inti lakaweesti isohanni, inantoo bowꞌdeenye ginna dakhatti, ginna la miigti iche wihi sooyateeh kacheekto siisso, nah ꞌhesse. Iche la ꞌdooꞌdi iche ifasso jeenteti iche wihi sooyateeh icheekto on u, a kamurroosse.

Hilassi Ergaano 10:1

Ilkerengeetti Kaaysareya ka, etoo Korneeliyo layadeehe koobbintoo iskareete, iskarti ꞌDeylaan layadeeh itoollo, a jire.

Hilassi Ergaano 21:16

Abattitoo ilkerengeetti Kaaysareya ka nah raahte, eti ꞌdee nah minkiis fiddiino Muunason layadeeh goobiis nah geesse. Ulla a etoo ili Kuuburo kayimiyye, abattiti oraat kichokoowe.