Hilassi Ergaano 20:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ ilkerengeetti weene Koriinto hay seyyah fiddiye. Ulla kooban ka ili Siiriya ikahin leheet. Iꞌdaasenyi jeenteti ꞌdooꞌdi Yaꞌhuud mal igooche ꞌdee khaban iꞌdoonuu, saggi us ili Makedooniya itabo us inokhti gooche.

Hilassi Ergaano 20:3 ပူးပေါင်းရင်းမြစ်များ

Mattaayo 4:24

Woriis boroofenhi Siiriya tuumman kataaꞌhe, ꞌdooꞌd la ꞌdooꞌdi tuummane khakkhannane sugeerreti yeerare khabo ichoow ki bolokkhi uskul khabo ichoow ki ginnayyo dakhtaan ichoow ki sungaal khabo ichoow ki maꞌdee ikeene, ulla icho tuumman samaache.

Hilassi Ergaano 16:12

Intaas ka kahne, ilkerengeetti Fiiliffi gelle. Fiiliffi la a ilkerengeetti oraate ili Makedooniya. Makedooniya la ꞌdooꞌdi ili Roomeenye anta. Ilkerengeettaas geeddoo fiddiine.

Hilassi Ergaano 16:9

Ibeen ka Baawulo fooltabcho ka etoo ili Makedooniya isootoollo hawwaasti, “Kaale Makedooniya amiite, nah gargaar,” idowo arge.

Hilassi Ergaano 18:18

Baawulo ilkerengeetti weene Koriinto ibeennetoo fiddiye. Saahka ꞌdooꞌdi Kiriisto rummeeste katabe, Akiila ichoow Birisiila khabaayi kooban ka boroofenhi Siiriya ikahe. Geeddi us kooban igelin, ilkerengeetti Kenkereeya ka matah lahaaꞌde, a mehe ibeenneti us Waakh idaatte a massatte.

Hilassi Ergaano 19:21

Inkoo waha tuumman yitaaheen, Baawulo Rubeyti Munyee woytaayi wihi us gooche, chirri us ilkerengeetti weene Yeerusaleem irti, ili Makedooniya ichoow ki Akhaaya dah kagoocha. Wihi us yidah, “Inkoo an intaas irde, ilkerengeetti weene Rooma laka a sooarga.”

Hilassi Ergaano 20:1

Chirri kowdo goote ka, Baawulo abatti soowahe, inkoo us icho uur miigooche ka, “A Waakh atin bariisti,” iyidahye, ili Makedooniya ikahe.

Hilassi Ergaano 20:19

Makhaaballeti Yaꞌhuud kajmeti suujenye igelisse, eheetteey laka, an a isnuglaache toro oytim ka Kamur ihile.

Hilassi Ergaano 20:2

Ulla ilaas tuumman dah kagooche, ꞌdooꞌd Kiriisto wori ittaawe ka uur miigooche, ꞌdaꞌddaboka ili ꞌHellas gele,

Hilassi Ergaano 21:3

Chirri nah kurti bicche dahcho kajirto Kuuburo layadeeh agarre ka, anki gurro tabne, ili Siiriya isohannaa. Inti ilkerengeetti Tiiro layadeeh ka iranne, bicche aficho tolossanne, koobane intaas ka meeh yagchaa.

Hilassi Ergaano 25:3

Weyti Feestas hawwaasteene siintoo daaheene, ꞌdee Baawulo ilkerengeetti weene Yeerusaleem a isooergo. Iꞌdi tahe icho saggi icho jit ka isugaane iyagiisiin, iche goocheen.

2 Koriinto 1:15

Jeenteti an saggi atin ikakhuuftaan itissibuu la, mehe kamalde ya, koloo a atin sooꞌdaara ꞌdee kol lamma atin liimaala.

2 Koriinto 11:26

Kolassi ittaawenye sohoti deer kijire, hawohi ꞌdulo ikhaatin leheete, chifta iigaasan leheete ꞌdooꞌdi Yaꞌhuud ichoow ki yaafohi Yaꞌhuud ieheynan ba iigaasan leheet. Ilkerengeetti ween ichoow hidaad ka ichoow beyohi burbuure ka liigaasan leheet. ꞌDooꞌd Kiriistoki beenaat laka iigaasan leheet.

2 Koriinto 7:5

A mehe maanti nah boroofenhi Makedooniya nimiy sarteenyo ma nasin. Iꞌdaasenyi ꞌdolloheenyo tuumman sina kijirte. Khareenyo jaakhe kijire goyteenyo la roorro kijirte.

Galaatiya 1:21

Saahka boroofenhi Siiriya ichoow boroofenhi Kiliikiya irde.