Hilassi Ergaano 18:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ jeenteti us iꞌdichuu eemayyo itolo khookhaani isikayowtuu la, icho geeddoo leefiddiye toro la hil leehaaggiche.

Hilassi Ergaano 18:3 ပူးပေါင်းရင်းမြစ်များ

1 Koriinto 4:12

Dahanohaanya hol isikadowna. Chirri ꞌdooꞌd nah falo laka, nah ꞌdooꞌdaas a iweysanna. Chirri sina nah loomhicho laka, a garrahsanna on.

1 Koriinto 9:14

Iꞌdaasu laka Kamur amuri us bahche a kan, eti tuummane Wori Haaggan cheeko laka, gololiis woraas us cheeko on kaꞌhela.

1 Koriinto 9:15

Iꞌdaasenyi an injire waha imuꞌdan golol ma kayowan. Toolla la khadaaba mee soochiiro ꞌdee golol isiissaan. Anihi Wori Haaggane an iꞌdaanu cheeko an keeylajo liikakhaato ka, anihi amuute deefta!

1 Koriinto 9:18

ꞌDeerka kalaꞌddeey a mehe? Kalaꞌddeey talla, Wora Haaggane an cheeko et iguto mele, toro la wihi imuꞌdan ka, an wohoo rucchul laka ma khaato.

2 Koriinto 11:7

Chirri an isnuglaache ꞌdee atin laweynaacho jeenteti an Wori Haaggane Waakh iꞌdaanu icheekuu, an uskeeloo a yeele?

2 Koriinto 11:9

Maanti an atin leejire, chirri an walah waaye, et an hulees korche mele. Iꞌdi tahe ꞌdooꞌd Kiriistoki boroofenhi Makedooniya kayimiy wihi ikaankhan a isoobuuhiche. An hulees injire ma atin korinne, toro la uliba laka orey on isohda iꞌda yeela.

2 Koriinto 12:13

Haaggi kaldaye ururre Kiriistoti addan liiyeele atin la atin liikayeelin, a huleesi chilimme an atin ikorin. Khufa ikakuta!

1 'Dessaloonika 2:9

Rumanka ꞌdooꞌd Kiriistokaaw, atin hili miigenye nah haagginne a kasooꞌhessaan. Ibeen ichoow maalim ba hol a downe uus ꞌdee geedda nah Wori Haaggane Waakh atin icheekno etiinkoo kalday laka hulees korinne.

1 'Dessaloonika 4:11

Iꞌdi amuri nah atin ibihinnuu, tirriinsada jiroti kowdo laa jira, ebba la wihi usu miinsan on hol a kadowo, toro la ebba dahanohiis ka hil a haaggicho a isgoollicho.