Hilassi Ergaano 17:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² ꞌDooꞌdi Yaꞌhuude ittaawe Kiriisto rummeeste. Deyyehoti ittaawenye magah khabto yaafohi Yaꞌhuud ieheynan ichoow mejeli yaafohi Yaꞌhuud ieheynane ittaawe laka Kiriisto rummeeste.

Hilassi Ergaano 17:12 ပူးပေါင်းရင်းမြစ်များ

Marko 15:43

Yuussufhi ilkerengeetti Arimaꞌdaaya Bilaato roorro laan iirte sar Yeesso daahe. Yuussufha la a etoo Jaldaabti Weene Yaꞌhuud goyaka magah khabo toro la dakhi Waakh laka sugo.

Yoohana 7:17

Eti tuummane wihi Waakh ꞌdoono yeelin ꞌdoono, usú waha an atin abcho Waakh kayimaateen ommos usú yeedeey on tahe a abta.

Hilassi Ergaano 13:46

Iꞌdaasenyi Baawulo ichoow Barnaba wihi icho roorro laan soolaabeen, “Wihi nah lakaꞌdoono, a nahi Yeedi Waakh kolooraat atin isoocheekno. Jeenteti atin iꞌdiiꞌddeene, saggi atin jiroti armaanjireen ikamalin isikeekkaasseen u la, kola yaafohi Yaꞌhuud ieheynane iiranna.

Hilassi Ergaano 13:50

Iꞌdaasenyi ꞌdooꞌdoo Yaꞌhuud deyyehoti Waakh karoorto magah khabto ichoow mejeli ilkerengeet ka weynaan leh sootukkicheen. Baawulo ichoow Barnaba sina omhin sookhabteene ichoowka ilicho kariheen.

Hilassi Ergaano 14:1

Baawulo ichoow Barnaba ilkerengeetti Ikooniyo ka laka iꞌdi orrankateet u minki weysiite Yaꞌhuude geleen. Intaas ka wori Waakh mujjum cheekeene, ichoowka ꞌdooꞌdi buurenye yaafohi Yaꞌhuud ichoow ki yaafohi Yaꞌhuud ieheynan ba Kamur rummeesteen.

Hilassi Ergaano 2:47

Waakh koolichaan. ꞌDooꞌd tuumman la icho jilhaate. Maan dakkhan la Kamur ꞌdooꞌdi us ribo a ikasookhaye.

1 Koriinto 1:26

ꞌDooꞌd Kiriistokaaw, maanti Waakh atin wahe ꞌdooꞌdiiyye atin eheet kamalda bal. Mali weeli enenyet ka, buurtiin kharayyo ma eheynane, buurtiin la ꞌdooꞌdi weynaan khabo ma eheynane, buurtiin la goobi magah khabo laka ma kiimaatan.

Efeesso 5:14

Iꞌdi tahe banay walah tuumman wihi icho yahiin a tusaan. Jeentetaase mehe liiessa ya, “Atiha uꞌdurto, sookahe, omoot kasookahe, Kiriisto la banayhiis a atin kiifchaa.”

Yaakoobo 1:10

Iꞌdaasenyi eti kamure, weynaantiisti rucchul a keeylajo. Iꞌdi tahe eti kamure iꞌdi fiikhti yibaat u a baaba.

Yaakoobo 1:21

Maantaka, wihi uurassiin biꞌdirroocho tuumman ichoow suujoonki noole atin yeessaan kasootaba. Wori Waakh uurassiin goya gesse ribin atin yabuuꞌd samacchaar on khaadda.