Hilassi Ergaano 15:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Urur Kiriisto icho ergate. Geedda icho ili Foniikiya ichoow ki Saamariya tabaan, saggi yaafohi Yaꞌhuud ieheynan Waakh ikakhuufeen cheekeen. Wora la ꞌdooꞌdi Kiriisto rummeeste tuumman weyti kahamaadiche.

Hilassi Ergaano 15:3 ပူးပေါင်းရင်းမြစ်များ

Luuka 15:32

Iꞌdaasenyi a imasse chiꞌinno sukuuku bihinno hamaano, a mehe walaalaahka goorat a iꞌdi eti yumuyye toolla la a jira, goorat a baabe toolla la a soonokhte.’ ”

Hilassi Ergaano 1:15

Inkoo ibeennetoo kutte ka, ꞌdooꞌdi Kiriisto rummeeste soourure. Icho tuumman la a geeddi et kudoo ichoow tomon lamma. Beetero la kahe yeede,

Hilassi Ergaano 13:48

ꞌDooꞌdi yaafohi Yaꞌhuud ieheynan chirri icho yeedaas daageen ka weyti hamaadeene, Yeedi Kamur inkaanyiteen. Eti tuummane Waakh soobahsate ꞌdee jiroti jirtuu imassan ꞌhelo la Yeesso rummeeste.

Hilassi Ergaano 13:52

Abatti la hamaad ichoow Rubeyti Munyee buuhicheen.

Hilassi Ergaano 14:27

Inkoo icho ilkerengeetti Antiyookhiya geleen ka, urur Kiriisto isiwaheene, wihi Waakh icho ka yeele ichoow saggi Waakh jitoo ifure ꞌdee yaafohi Yaꞌhuud ieheynan laka Waakh ikakhuufaan icheekeen.

Hilassi Ergaano 15:1

ꞌDooꞌdoo ili Yaꞌhuudiya kasookhubte ilkerengeetti Antiyookhiya yimiyye wihi us ꞌdooꞌdi Kiriisto rummeeste abche, sammata iꞌdi amurre Muusa atin iabissuu atin liikhandiyin, Waakh ma atin ribo.

Hilassi Ergaano 15:12

Chirra Baawulo ichoow Barnaba wahanyeyyohi miigti Waakh tuso ichoow girmohi Waakh icho ka yaafohi Yaꞌhuud ieheynan iyeele cheekaan ka nabah isudeene, urur tuumman ba rukkuy gooche.

Hilassi Ergaano 15:22

ꞌDeerka ergaano ichoow ewweenki urur Kiriisto woyo ichoow urur Kiriisto tuumman wihi icho goocheen, ꞌdooꞌdichokoo soobahchaane, ꞌdee Baawulo ichoow Barnaba kaꞌdaraane ilkerengeetti Antiyookhiya leeirtaan. Et lamma ꞌdooꞌdi Kiriisto rummeeste goyaka weynaan leh soobahcheen. ꞌDooꞌdaas la a Yuudahi Barsabba layadeeh ichoow Siila.

Hilassi Ergaano 15:32

Yuuda ichoow Siila la icho rubeycho a ꞌdooꞌdi Waákh íyeyyeedo, wihi ittaawe ꞌdooꞌdi Kiriisto rummeeste icheekeene, uur miigoocheen.

Hilassi Ergaano 15:4

Chirri icho ilkerengeetti weene Yeerusaleem sooeleeleen ka, urur Kiriisto ichoow ergaano ichoow ewweenki urur Kiriisto woyo ba icho martiisteen. Baawulo ichoow Barnaba la wihi Waakh icho ka yeele tuumman icheekeen.

Hilassi Ergaano 17:15

ꞌDooꞌdi kootte Baawulo khaate la, Baawulo raahe ichoowka ilkerengeetti Aaꞌden eleelicheene intaas ka nokhteen. Baawulo Siila ichoow Timooti amur ibahche ꞌdee dowwa ilkerengeetti Aaꞌden ka usu a isookhayeen.

Hilassi Ergaano 20:38

Wihi weyti icho kooyiche, a chirri us, “Toro yombuu fooleey ma agartaan,” iyidah. ꞌDeerka raaheene, kooban eleelicheen.

Hilassi Ergaano 21:5

Iꞌdaasenyi maanti ibeenkeenyo massate ka kahne, orey isohanne. ꞌDooꞌd tuumman la deyyehoticho ichoow nyaakhut khabaayi nah sooraahe, ilkerengeet nah kaleebahe. Bicche aficho ka nah tuumman icho khabnaayi jilbo il kaguꞌdubne, Waakh wahanne.

Hilassi Ergaano 28:15

Geeddi nah Rooma igelin ꞌdooꞌdi Kiriisto rummeeste saggi nah inamiit daage, yimiyye, Sokkoti Abbiyo ka or nah kasoodowe. Gaasoo la inti Wetteelinyeti Seyyahe layadeeh ka isꞌhelle. Baawulo la chirri us icho arge ka, Waakh kalaꞌd ilaabe weyti uur miigooche.

Hilassi Ergaano 8:14

Ergaanoti ilkerengeetti weene Yeerusaleem kajirto maanti iche saggi ꞌdooꞌdi Saamariya kajiro Yeedi Waakh iraaho daagte ka, Beetero ichoow Yoohana Saamariya ieregte.

Rooma 15:24

mali an khabo a mehe ya, maanti an ili Isbaaniya isohdi a atin sooꞌdaara. Khajjeeli an khabo a ki an atin leeamiite, ꞌdee atin luhlo iyeessaan. Waha la a inkoo an geeddoo atin leebarye, inno isleehamaane.

1 Koriinto 16:11

Uus etoo kalday laka goytiin ka usu ꞌdarraawin. Chuꞌus irti, nebey on a kiirti, ꞌdee ani a isoonokhti. Iꞌdi tahe an usuhi mejeloo addane Kiriisto rummeeste khabaayi soonokhti, iche suga.

1 Koriinto 16:6

Anna kolossoo a atin leefiddiya. A geeddi an yeerti il roffo yahe tuumman an atin leefiddiyo, ꞌdee atin la meelbaaw an irdi ka sulhaasseey ka igargaartaan.

2 Koriinto 1:16

Iꞌdi tahe anihi maanti an Boroofenhi Makedooniya isohdi atin leeamiite toro la maanti an Makedooniya kasoonokhdi laka atin leeamiit iche ꞌdoone. Atin la ꞌdee sohoteeyki an ili Yaꞌhuudiya isohdi ka luhlo iyeessaan.

Tiito 3:13

Geeddi at tabuuꞌd hol dowe, Seenahi wakiile ichoow Aboollo gargaare luhlo iyeel.