Hilassi Ergaano 13:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ ꞌDeerka inkoo icho af hiiteene Waakh wahteen ka, dahano korcheene iweesteene ergeen.

Hilassi Ergaano 13:3 ပူးပေါင်းရင်းမြစ်များ

Luuka 2:37

makhaabaliche buje. ꞌDeerka muunkho eheete ichoowka guꞌh tomon siyyeet ichoow guꞌh affar eleesse. Iche la injire minki Waakhe buure ma kabahine, iꞌdaasenyi ibeen ichoow maalim ba Waakh on wahatta, af hidatta toro weysatta.

Hilassi Ergaano 1:24

ꞌDeerka Waakh wahteen, “Kamur, ati uurassi enenyet tuumman a garatta. Maantaka ꞌdooꞌda lammatiis ki at soobahsatte,

Hilassi Ergaano 13:2

Geedda icho Kamur wahtaane icho af hiitaan, Rubeyti Munyee wihi iche itidah, “Barnaba ichoow Saawulo ba hili an icho iwahe isoobahcha.”

Hilassi Ergaano 13:4

Lammache ichehi Rubeyti Munyee ergatte, irteene ilkerengeetti Seluukiya ikhubteene, intaas ka kooban geleene kurti bicche dahcho kajirto Kuuburo layadeeh irteen.

Hilassi Ergaano 14:23

Baawulo ichoow Barnaba urur Kiriisto ewweenkoo woyo isoobahcheene, ꞌdooꞌdi Kiriisto rummeeste iweynaacheen. Af hiiteene ꞌdooꞌdaas Kamuri icho kakhuufaan iwaheene, dahantiis gesseen.

Hilassi Ergaano 14:26

Ilkerengeetti Attaaliya ka kooban geleene ilkerengeetti Antiyookhiya ili Siiriya kajirto inokhteen. Intaase hili icho toolla massicheen ka, goorat dahanohi haaggi Waakhe buure lakagesse.

Hilassi Ergaano 15:40

Iꞌdaasenyi Baawulo Siila soobahsate kahe. ꞌDooꞌdi Kiriisto rummeeste icho Waakh iwahe, dahanohi haaggi Kamure buure gesseen.

Hilassi Ergaano 6:6

ꞌDooꞌda ergaano liikeene iche la iweysatte, toro la dahano korisse.

Hilassi Ergaano 9:17

Anaaniya ꞌdeerka irte minki Saawulo kajiro gele. Anaaniya la dahano korche, “Saawulo, walaalaaw, Yeessohi Kamurenye jit ka atihi inta isoosohatti kisoobahe iche isooergate, ꞌdee il agarta toro Rubeyti Munyee kibuuhissa,” iyidah.

Rooma 10:15

ꞌDooꞌdi wora cheeko la saggoh woraas ꞌdooꞌd ieleelicha chirri liiergin? Iꞌdi liichiiruu, “Luhti Wori Haaggan keento, weyti lagantahe!”

1 Timooti 4:14

Siintaahti maanti ewweenki urur Kiriisto woyo dahano kikorche wori Waakhe lakaayyeedo at kaꞌhesse akadabin.

1 Timooti 5:22

Etoo dowwa on dahan akorinne weynaanti urur Kiriisto woyto akayeelin. Iꞌdaas ka uskeelicho ma leegisanto. Ati rubeytaah la miꞌdab iskayeel.

2 Timooti 1:6

Jeentetaas u wihi an kaasooꞌhelcho kallaayo, tabe siinti Waakhe goytaah kijirto maanti an dahano kikorche at ꞌhesse weyti ababi.

2 Timooti 2:2

Wahanyeyyohi at ikadaagte an ꞌdooꞌdi ittaawenye garteey laabo ortiis ka idah la, ꞌdooꞌdi lakakhuufo ꞌdee ꞌdooꞌdi addan abin yabuuꞌd kori.

3 Yoohana 1:6

ꞌDooꞌda saggi at ꞌdooꞌdi Kiriisto rummeeste iꞌdoonto urur Kiriisto a icheeke. A haaggantahe chirri at chiꞌicho intoo addan ikahaan, saggi Waakh ikahamaaduu icho gargaarto.

3 Yoohana 1:8

Maantaka inno rubeyteen ꞌdooꞌda wihi us ꞌdoono siinno giꞌde. Iꞌdaakka la runti Waakhe icho cheekaan a isleegargaarra.