Hilassi Ergaano 10:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Usu ichoow minkiis tuumman kol tuumman wihi Waakh kahamaadicho yeeleene, toro la Waakh a karooraan. Us ꞌdooꞌdi Yaꞌhuude miskiine weyti gargaare, toro kol tuumman Waakhe wahta.

Hilassi Ergaano 10:2 ပူးပေါင်းရင်းမြစ်များ

Mattaayo 25:17

Ki ugar lamma chilimme khabe laka lamma addan kaꞌhele.

Luuka 18:1

Yeesso toro abattitiis mammahtoo saggi icho kol dakkhan iweestaane toro icho weysi ka igarrahsataan tusso ibahche,

Luuka 2:25

Maantaas la makhaabaloo Siimiyon layadeeh ilkerengeetti weene Yeerusaleem a kijira. Ulla a eti fissane Waakh karooro. Ulla yaafohi Issiraayele uur lakhoboocho iche suga. Rubeyti Munyee la usu a leejirte.

Hilassi Ergaano 10:22

Reer wihi us ilaabe, “Etoo Korneeliyo layadeehe koobbintoo iskareet itoollo kanimiy. Ulla a etoo fissane Waákh karooro, yaafti Yaꞌhuud tuumman la weyti inkaanyitto. Hertoo Waakhe munyeenye usu minkiis a kiwaho ꞌdee wora a daago itidah.”

Hilassi Ergaano 10:31

Wihi us iyidah, ‘Korneeliyo, Waakh weysihaah a daage, toro wihi at miskiino siisso a arge.

Hilassi Ergaano 10:35

Iꞌdaasenyi Waakh ꞌdooꞌdi il tuummane usu karooro wihi fissan yeelo a khaatta.

Hilassi Ergaano 10:4

Korneeliyo iche roorro ka indo katoolliche, wihi us worsate, “A mehe Kamur?” Herti Waakh wihi iche ilaabte, “Waakh weysihaah a daage, wihi at miskiino siisso la a arge, kaasooꞌhele.

Hilassi Ergaano 10:7

Chirri herti Waakhe kootte leeyyeedde katabte ka, Korneeliyo falfa lamma minkiis kajirto ichoow etoo iskareet soowahe. Et la a ki ullaka weyti Yeedi Waakh khuccho toro la Korneeliyo rubeytiis yaakhicho.

Hilassi Ergaano 11:14

‘Ulla farniine kikeena, farniinkaas ka ati ichoow minkaah tuumman a atin lariba,’ itidah.

Hilassi Ergaano 13:16

Baawulo tolossate dahanti miigeet okkhiche leeyeede wihi us yidah, “ꞌDooꞌdi Issiraayeloow ichoow atinhi yaafti Issiraayel ieheynane Waakh karoortaane inta kajirtaan, idagansada.

Hilassi Ergaano 13:26

“Yaafeey, atinhi hiiy Aburaahame ichoow atinhi yaafohi addanenye Waakh karoortaan inno wori saggi Waakh inno iribo a inno liisooerge.

Hilassi Ergaano 13:50

Iꞌdaasenyi ꞌdooꞌdoo Yaꞌhuud deyyehoti Waakh karoorto magah khabto ichoow mejeli ilkerengeet ka weynaan leh sootukkicheen. Baawulo ichoow Barnaba sina omhin sookhabteene ichoowka ilicho kariheen.

Hilassi Ergaano 18:8

Eti Kiriisbo layadeehe minki weysiite Yaꞌhuud itoollo la, usu ichoow minkiis ba Kamur a rummeesteen. ꞌDooꞌdoo ittaawenye ilkerengeetti Koriinto kajiro Baawulo daage la, Kiriisto rummeeste, labaattissiye.

Hilassi Ergaano 2:5

ꞌDooꞌdi Yaꞌhuude Waákh karooro ilal tuumman kayimiy la, ilkerengeetti weene Yeerusaleem a kajira.

Hilassi Ergaano 22:12

“Etoo Anaaniya layadeeh ani iargin yimiy. Us weyti Waákh karoora toro amurre Muusa mujjum raaha, ꞌdooꞌdi Yaꞌhuude Damaasko kajiro tuumman la weyti usu inkaanyita.

Hilassi Ergaano 8:2

ꞌDooꞌdoo Waakh karooro Isiteefano khaate hawwaale, toro weyti kooyeen.

Hilassi Ergaano 9:11

Kamur la wihi us iyidah, “Kahe, ilkerengeet ka min Yuudaki jiti, Jiti Fissan layadeeh kajiro iro, etoo ilkerengeetti Taarso Saawulo layadeeh sooworso, iꞌdi tahe usu Waakhe wahtaa.

Hilassi Ergaano 9:31

ꞌDeerka urur Kiriistoki ilassi Yaꞌhuudiya ichoow Gaalilaaya ichoow Saamariya kajiro ba geeddoo ka sina laan nebey kafiddiyeen. Rubeyti Munyee la icho miigoosse, toro la uur miigoosse, toro ꞌdooꞌd laka kakhayme. Icho tuumman la Kamur karooreen.

Hilassi Ergaano 9:36

Ilkerengeetti Yooba ka makhaabassoo abatti Kiriisteenye Tabiita layadeeh a jirte. Magahiche afi Giriig ka a Dorkas. Afaf lammacho ka chiꞌ lalaabe a Hoól. Iche la kol tuumman ꞌdooꞌd wihi haaggane iyeesse, toro la miskiino gargaarte.

Kolossaay 4:2

Taba, weysi ka orey isohda, geeddaas tuumman isyaakhicha, Waakh la kalaꞌd ilaaba.

1 'Dessaloonika 5:17

Kol dakkhan weesda.

Yaakoobo 1:5

Iꞌdaasenyi chirri etiinkoo khara laayahe, Waakh a daaho Waakh la usu a siichaa. Iꞌdi tahe Waakh enenyet tuumman iꞌdaanu weyti walah siicha toro enenyet ma kofo.

Bakkaahit 15:4

Kamuroow ayyo ikaaroorine, magahaah ikoolin? A mehe ati kalday on munyee. Yaafohi harra tuumman a yamiitiine, toro ati kiwahtaan. Iꞌdi tahe wihi fissane at yeesso a soobabbakkaahisse.”