Galaatiya 6:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Uus inno haaggi inno yeello kaꞌharin giꞌde. A mehe chiꞌinno ajjibaat ikhaatin, maane a tamiit, ti inno gurnaan ꞌhello.

Galaatiya 6:9 ပူးပေါင်းရင်းမြစ်များ

Mattaayo 10:22

Enenyet tuumman a atin ꞌdiiꞌda jeenteti atin abattiteey itahiin u. Iꞌdaasenyi, eti garrahsate ichoowka sinata ꞌdubiche eleele a lariba.

Mattaayo 24:13

Iꞌdaasenyi eti garrahsate ichoowka sinata ꞌdubiche eleele a lariba.

Mattaayo 25:17

Ki ugar lamma chilimme khabe laka lamma addan kaꞌhele.

Mattaayo 9:19

Yeesso tolossate, abattitiis khabaayi makhaabal raahe.

Marko 3:3

Yeesso wihi us eti dahane hanjaawte iyidah, “Enenyet tuumman ortiis tolosso!”

Luuka 18:1

Yeesso toro abattitiis mammahtoo saggi icho kol dakkhan iweestaane toro icho weysi ka igarrahsataan tusso ibahche,

Rooma 2:7

Waakh eti tuummane garrahsati haag on yeelo, jita ka la Waakkhi usu koolicho, inkaanyit tuso toro la jiroti ituumin siicho yowti, jiroti jirtuu imassanne siicha.

1 Koriinto 15:58

Maantaka ꞌdooꞌd Kiriistoki an weyti ꞌdoono, mujjum tolossada, uus wohoo rucchul laka atin sesseehin. Kol dakkhan hili Kamur tuum haaggicha. Iꞌdi tahe saggi atin igarattaan u, hili atin Kamur ihaaggissaan ki ilmarhaatteet mee.

2 Koriinto 4:1

Maantaka jeenteti Waakh uurnugleeliis on u hila usu liihilo nah ikorchuu, rubeye ma nah jebto.

2 Koriinto 4:16

Maantaka chirri sarteenyo tamuut laka, nah yombuu yombo ma inokhanni rubeyoheenyo kol dakkhan a lamiigoocha.

2 Koriinto 9:6

Ayti an atin ikhabo talla. Eti ilmohoo rucchul taaꞌhicho, ullaka gurnaankoo rucchule ꞌhela. Eti ilmohi buure taaꞌhicho la ullaka gurnaanki buurenye ꞌhela.

Efeesso 3:13

Maantaka a atin hawwaasdee, taba chirri jeentetiin u sina itaham laka, rubey iiche atin jebin. Wahaas inkaanyite atin ikeenaan.

2 'Dessaloonika 3:13

Iꞌdaasenyi ꞌdooꞌd Kiriistokaaw, atin la taba haaggi atin yeessaan akakurmina.

Ibiraaniya 12:3

Bal saggi us ꞌdooꞌdi uskeel khabe usu weyti ꞌdiiꞌddan us ikagarrahsate kamalda. Iꞌda yeela ꞌdee akurmina, toro la rubey iiche atin jebin.

Ibiraaniya 12:5

Atin la wihi Waakh iꞌdi nyaakhutiis u atin iyidahye uur atin miigoocho, a kadabteen, “Nyaakhutaaw, sooholinti Kamur atin soohosso nabah isuda, toro la geedda us atin khuncho uus rubeye atin jebin.

Ibiraaniya 3:14

Iꞌdi tahe chirri inno geeddi inno jiro khabno inno mujjum tolossanne, inno khajjeeli maanti inno kolooraat Yeesso rummeysanne on khabno, inno tuumman Kiriisto a walhinne.

Ibiraaniya 3:6

Iꞌdaasenyi Kiriisto weeli lakakhuufo hili minki Waakh tuumman itoollo eheet. Chirri inno burꞌde ikhabine, khajjeeli inno Kiriisto kakhabno keeylajno la, inno a minkiissa.

Yaakoobo 5:7

Maantaka ꞌdooꞌd Kiriistokaaw, ꞌdooꞌdi samacchaare ateeha ichoowka Kamur a soonokhti. Saggi eti gos leh gosiiski gurnaanki haaggan bahcho isugo yeya. Us a samacchaara one ichoowka hiri oraat ichoow ki ꞌdaꞌddaboot ꞌdeyaan.

1 Beetero 2:15

A mehe wihi Waakh ꞌdoono a mehe ya, a atinhi haaggi atin yeessaan ka, ꞌdooꞌdi wihi ꞌdalam atin kacheekti chubbahissaan.

1 Beetero 3:17

Wihi deefo, chiꞌiche ꞌdooninti Waakh tahe, a atihi jeenteti at haag iyeessuu sina kaawaarto, atihi jeenteti at suujoon iyeessuu sina kaawaarto ka.

1 Beetero 4:19

Maantaka eti tuummane sinati taham ichoow wihi Waakh ꞌdoono ba israahaan, Waakkhi lakakhuufo walah tuumman soouume dahantiis a isgesso. Toro la haaggi us yeelo orey a ileesohti.

Bakkaahit 2:17

Eti dogo khabo, wihi Rubeyti Waakh ururre Kiriisto idowto a daago giꞌde. Eti tuummane sooricho la, gololoo Waakh kayamiite dagsane manna layadeehe siicha. Toro la daakkoo dakhane magahoo husub kachiiranyahe, eti ꞌhelo kalday on garti, iche siicha.

Bakkaahit 2:3

Atin a garrahsatteene, jeenteteey u, sinayyo tuumman ka samacchaar on eheete, ajjibaat ma khaatin.

Bakkaahit 2:7

Eti dogo khabo wihi Rubeyti Waakh ururre Kiriisto idowto a daago giꞌde. Eti tuummane sooricho la, ohonti us gurnaanki geeyi jiro lakeelo bahcho, gosi Waakh goya katoollo kayaham a muꞌdanyahe.