Galaatiya 6:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Eti wihi uuriis goya kijiro uskeel imoono kahamaadicho on yeelo, iꞌdi ilinti gos lagessuu gurnaanki us uskeelaas kaꞌhelo, a baabakki usu labaabiicho. Iꞌdaasenyi eti wihi us yeelo, wihi Rubeyti Munyee kahamaadicho yahiin, iꞌdi ilinti gos lagessuu, gurnaanki jiroti imassanne Rubeyti Munyee kaꞌhela.

Galaatiya 6:8 ပူးပေါင်းရင်းမြစ်များ

Mattaayo 19:29

Eti tuummane minan ommos walaalinyetiis ommos albehi leedesse ommos aabbahiis ommos abartiis ommos nyaakhutiis ommos gosiis jeenteti us abattiteey iyahuu kasootabe la, kol kude wahaas us kasootabe ꞌdirihiis ꞌhela, toro la jiroti jirtuu imassan laka a ꞌhela.

Mattaayo 25:46

“ꞌDeerka ꞌdabi armaanjireene goya irtaane, iꞌdaasenyi ki fiffissan jiroti jirtuu imassanne ꞌhela.”

Luuka 18:30

jiroti toolla us jiro ka wihi ittaawenye wihi us kasootabe kussane ꞌhela, toro la jiroti yomboot ka, jiroti jirtuu imassanne ꞌhela.”

Yoohana 4:14

Iꞌdaasenyi eti tuummane bicchehi an siicho yabhuub, jirtuu tuumman ma subgaati. Bicchehi an siicho la, goytiis ka iꞌdi issi bicchehi jiro lakeelo yateehiine, jiroti rummaate jirtuu imassanne ꞌhela.”

Yoohana 4:36

Waakh la ꞌdooꞌdi gos goocho mujjume guta. Gurnaanka icho soogoochaan la, a ꞌdooꞌdi jiroti jirtuu imassan ꞌhelo. ꞌDeerka ꞌdee eti gurnaan il kachibe, ichoow ki gurnaan goocho ba isleehamaadaan.

Yoohana 6:27

Gololi dowwa on kheerowo hol iidowina, iꞌdaasenyi gololi ikheerowine ꞌdooꞌdi yuhum jirtuu tuumman jiro, Ínam Aadam atin siicho hol idowa. Iꞌdi tahe Waakkhi Aabbaheene saggi us usu iꞌdoono on igooche.”

Rooma 13:14

Taba giꞌde sagag tuumman ka Yeesso Kiriistohi Kamure iꞌdiis ateeha, toro la wihi uurassiin goya kijiro uskeel imoono koloo kalday laka araahina.

Rooma 6:13

Wihi addan, miiliinkoo kaldach laka uus uskeel dakhan, uus ꞌdee atin wihi khollokkhan yeeline. Waakh tuum isibahcha, a mehe Waakh omoot a atin kasookahche, jiro atin siiche. Iꞌdaasenyi miilassi sartiin tuumman Waakh ibahcha, wihi fissan kalday on kahaaggicha.

Rooma 6:23

Iꞌdi tahe gunnaanki eti uskeel yeelo laguto, a omoot. Iꞌdaasenyi siinti Waakh iꞌdaanu enenyet siicho, a jiroti jirtuu imassan. Waha la a chirri inno ichoow Yeesso Kiriistohi Kamureene ba wohoo kalday nahe.

Rooma 8:11

Toro la chirri rumanka Rubeyti Waakhe Yeesso omoot kasookihisse goytiin fiddiito, saggaas Waakh Kiriisto omoot ikasookahche, saggaase Rubeyta goytiin fiddiito ka, sartiinta tamuut jiro ikasoolaaba.

Rooma 8:13

A mehe chaꞌat wihi uuraah goya kijiro uskeel imoono on raahto, rumanka a tamuut. Iꞌdaasenyi chaꞌat Rubeyti Munyee ka uskeeli uuraah imoono tagiis a jirta.

Rooma 8:6

Malassi ꞌdooꞌdi wihi uurassicho goya kijiro uskeel imoono dakhtaan, omoote ꞌhela. Iꞌdaasenyi mali Rubeyti Waakh dakhatti, jiro ichoow nebeye ꞌhela.

1 Koriinto 15:42

Maanti Waakh ꞌdooꞌdi tuume omoot kasookahcho laka a iꞌda on. Sarti ladibo a ti suusahto, sarti omoot lakasookahcho la, a ti jirtuu isuusahin.

Galaatiya 6:7

Iisekkeysanna, et Waakh ekkeesti mele. Ebba ilinti us gosiis goya kachibe on gurnaankiche gurta.

1 Timooti 1:16

Iꞌdaasenyi jeentetane Waakh ani uur isoonugleeste, ꞌdee anihi uskeel ka enenyet tuumman kuto, Yeesso Kiriisto walahbaaw an yeele ka samacchaari imassan ituse. Ulla ani a isamacchaare ꞌdooꞌdi addane usu soorummeesti jiroti jirtuu imassan ꞌhelo iyookko ikayeele.

Tiito 3:7

Haaggi Waakhe buurenye inno imunneynan ka, ꞌdooꞌdi fiffissan a inno iekkaache. Waakh waha dakkhane yeele ꞌdee ꞌdooꞌdi jiroti jirtuu imassanne inno khajjeello dalho nateeh.

Yaakoobo 3:18

ꞌDooꞌdi enenyet isineybicho la, a iꞌdoo icho ilinti nebeyeet il gessaane, ꞌdee gurnaanki icho delaan la a jiroti fissan.

2 Beetero 2:12

Iꞌdaasenyi ꞌdooꞌda saggi binahi yibaate mal ikhabine ladelo one ꞌdee lakhabti laabbakkicho iche ijira. Wahanyeyyohi icho foolicho ikhabine saggi suuje ileeabaarramaan. Saggi bina bar liitiro iche icho laka bar liitira.

2 Beetero 2:19

Wihi icho enenyet iayyichaan a furnaane, iꞌdaasenyi icho rubeycho a bowꞌdayyohi uskeel. A mehe wihi kianti iche bowꞌdaticho tahe.

Yuuda 1:21

Geeddi atin jiroti jirtuu imassanne Yeesso Kiriistohi Kamureene uurnugleeliis ka atin siicho sugtaan, ꞌdooninti Waakh atin ikhabo kafiddiya.

Bakkaahit 22:11

Eti khuf yeelo, khuf on a yeelo, ki sohoꞌddarri kijiro la, sohoꞌddarritaas on a kaassohti, eti wihi fissan yeelo la wihi fissan on a yeelo, ki munyee la orey a isohti munya a yitaahe.”