Galaatiya 6:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ A mehe chiꞌ etoo wohoo iskoogyahe, ꞌdeerka us etoo addan igargaarin, iꞌdaas ka a isekkeesta, jeenteti us wohoo ieheynan u.

Galaatiya 6:3 ပူးပေါင်းရင်းမြစ်များ

Luuka 18:11

Ki Farissaayee tolossate, awtiissa on Waakh wahte wihi us yidah, ‘Okkhoow weyti kalaꞌd kisoolaaba ani iꞌdi ꞌdooꞌdi addane hatto lehe ommos iꞌdi ꞌdooꞌdi uskeel kajiro ommos eti makhaabassi tiis ieheynan leeurꞌdo ommos laka iꞌdi eta kooddi goocho menye.

Hilassi Ergaano 5:36

Wihi inno orey agarre, Dewuudo a soobahe etoo ween iskayeele. Ullaka geeddi et kud affare raahte. Inkoo usu layigis ka, ꞌdooꞌdiiskaas ichoow yeediis tuumman ba baabe.

Rooma 12:16

Maloo kalday khaba. Eeylajina, ꞌdooꞌdi miskiine fiddihi haaggan ikhaba. Weyti serey iisgeenna.

Rooma 12:3

A mehe haaggi Waakhe buurenye liisiiche ka, an etiimba waansihane siicha. Taba etiimba uus weyti serey isgeen iꞌdoo us khummanyahuu. Iꞌdaasenyi ebba mujjum a isfiiricho geeddi kakhuufnaanki Waakh usu siiche ka.

1 Koriinto 13:2

Chirri an siinti Waakh liiyeyyeedo khabo, chirri an wihi dagsan tuumman gardi, chirri an walah tuumman gardi, chirri an kakhuufnaanki Waakh weyti lakakhuufo khabo an halal laka guuricho, iꞌdaasenyi an enenyet iꞌdoonin, walah an ahe mele.

1 Koriinto 3:18

Iisekkeysanna giꞌde! Chirri etiinkoo saggi ꞌdooꞌdi harrata iekkaacho ka kol us khara yahe iskoogyahe, iꞌdi eti ꞌdooꞌdi harrata ꞌdalam iekkaacho a yitaahe, ꞌdee eti rumanka kharee a yitaahe.

1 Koriinto 8:2

Chirri etoo kol us walah tuum garti iskoog, garanti rummaate usu lakaꞌdoono, a kaankhantahe.

2 Koriinto 12:11

An eti ꞌdalamenye iskayeele, iꞌdaasenyi atine iholissseen. Atine kootte incheenka haaggeey tuumman cheektaan. A mehe an walah an ahe mele. Eheetteey laka chiꞌ ergaanota a khukkhummantahe leessi liikeekkaacho, meel an icho kaankhanahe mele.

2 Koriinto 3:5

Nah awteenyuu walah nah nabuuꞌd mele, iꞌdaasenyi wihi nah yeelin nabuuꞌd Waakh on kayamiitiin.

Galaatiya 2:6

ꞌDooꞌda urur ꞌdooꞌdi wewween ikhaato laka Wori Haaggane an enenyet abche walah icho kakhayeen mele. Wihi ꞌdooꞌda eheet, ani ka a walahba. A mehe Waakh enenyet fool mee yeyo.

Galaatiya 2:9

Yaakoobo ichoow Beetero ichoow Yoohana, iche tirrinki urur Kiriisto liiekkaacha. Icho la saggi an haaggi Waakhe buure ka hila liisiiche a abteen. Toro ani ichoow Barnaba kulanki urur Kiriisto ka nah khaatteen. Wihi nah iskadaagne a mehe ya, icho yaafohi Yaꞌhuude iirtaane, nah la yaafohi Yaꞌhuud ieheynane iiranna.

2 Timooti 3:13

ꞌDooꞌdi uskeel kaassohti ichoow ki enenyet ekkeesti la weyti suujowaane, ꞌdooꞌd ekkeestaane icho la leekkeesta.

Yaakoobo 1:22

Toro la Yeedi Waakh nabah kalday iisudina. Iꞌdaakka a isekkeysattaan. Wihi us yeela essi laka yeela.

Yaakoobo 1:26

Chirri etoo kol us wihi Waakh ꞌdoono mujjum raaho koogyahe toro la harrabiis ijeyin, etaas a isekkeesta, saggi us Waakh iraaho la a wihi ilmarhaatteet on.

1 Yoohana 1:8

Chirri inno uskeel ma khabno elanni, inno a isekkeysanna, runti Waakh la goyteen ma kijirto.