Galaatiya 6:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Huleesi jiro eti addan fuulo isleeokkhicha. Iꞌdaas ka amur Kiriisto a buuhissaan.

Galaatiya 6:2 ပူးပေါင်းရင်းမြစ်များ

Mattaayo 8:17

Ulla wahaas a yeele ꞌdee wihi eti Waákh íyeyyeedo Isaaya layadeeh ka lacheeke, labuuhicha. “Usu rubeytiis khannaatteteen a inno kabahche, sugeerreteen laka inno kakhaate.”

Luuka 11:46

Yeesso wihi us ilaabe, “Atinhi tagaammeti amurree, sinati atin sugto eenna a buure! Atin huleesi enenyet iubaaꞌdane enenyet karartaane, atin rubeytiin la far ma okkhissaane enenyet ma leekhabattaan.

Yoohana 13:34

“Amuroo husube atin siicha. Taba isꞌdoona. Saggi an atin iꞌdoone, atin laka saggaas isiꞌdoona.

Yoohana 15:12

“Amuri an atin siicho kalla, saggi an atin iꞌdoonuu, taba atin laka isꞌdoona.

Rooma 15:1

Maantaka innohi kakhuufnaanki inno Waakh kakhuufno ka miige, ꞌdooꞌdi kakhuufnaanki us Waakh kakhuufo ka ꞌdabakhe igarrahsanni, a mehe wihi icho yeelaan ichoow kakhuufnaanki icho Waakh kakhuufaan ma israahaan. Toro la uus inno awteenna on ishamaadin giꞌde.

Rooma 8:2

Iꞌdi tahe runti gaan Rubeyti Waakh Yeesso Kiriisto ka jiro kikeenta, runtaas gaan la uskeeli omoot keeno a kaasoofurta.

1 Koriinto 9:21

ꞌDooꞌdi amurre Muusa ikhabin ka la, an iꞌdi eti amurre Muusa ikhabine iskayeele, ꞌdee iꞌda ka ꞌdooꞌdi amurreta ikhabin Kiriisto ikeena. Iꞌdaasenyi an amurreti Waakh ma ꞌdiiꞌdo, toro la amurre Kiriisto ianatta.

Galaatiya 6:5

A mehe ebba keley on huleesiis siꞌda.

1 'Dessaloonika 5:14

ꞌDooꞌd Kiriistokaaw, a atin hawwaassanne, ꞌdooꞌdi ollommee tootoocha. Ki roorro khabo uur miigoocha. Ki isuubaaꞌdan gargaara. ꞌDooꞌd tuumman la igarrahsada.

Yaakoobo 1:25

Iꞌdaasenyi eti amurreti eloo rucchul laka ikhabine enenyet soofurto mujjum fiiricho toro la kol dakkhan kamassi, toro la wihi us daage ikadabine iꞌdaasenyi raaho, Waakh etaas wihi us yeelo ka a imaala.

Yaakoobo 2:12

Taba saggi ꞌdooꞌdi Waakh amurretaas enenyet furto dowwanoha ka kahukkumo iyeyyeeda toro la ijira.

Yaakoobo 2:8

Chirri atin rumanka amuri weyti khummane Yeessohi karnateene inno siiche, Chiirnaanneti Waakh goya kachiirane, “Ollokkaah geeddi at isꞌdoonto ꞌdoon,” yadeeh raahtaan, haage yeessaan.

1 Beetero 2:24

Usu rubeytiis la massalaaba ka uskeeleen a siꞌde. Iꞌdane yeele ꞌdee uus kola uskeel inno dakhanne, jiroti fissan jirra. Sinati loomhiche ka, atin a samaatteen.

2 Beetero 2:21

Ichohi goorat jiti fissan iabanne deefta ichohi abte toro amurreti Waakhe munyeenye lasiiche bujo ka.

2 Beetero 3:2

Atinhi wihi goorat ꞌdooꞌdi munyayyeenye Waákh íyeyyeedo cheeke kasooꞌhessaane ꞌdoona. Toro la atinhi amurreti Kamureenki toro ꞌDoorribee miinsane ergaano atin isoocheekte kasooꞌhessaan iche ꞌdoona.

1 Yoohana 4:21

Amuri Waakh rubeytiis inno siiche mehe yadeeh ya, eti tuummane Waakh ꞌdoono, eti tuummane koo Kiriistee laka a ꞌdoono.