Galaatiya 6:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ ꞌDooꞌd Kiriistokaaw, Yeesso Kiriistohi Kamureene ba rubeyohiin imaala. Aamiin.

Galaatiya 6:18 ပူးပေါင်းရင်းမြစ်များ

Hilassi Ergaano 1:15

Inkoo ibeennetoo kutte ka, ꞌdooꞌdi Kiriisto rummeeste soourure. Icho tuumman la a geeddi et kudoo ichoow tomon lamma. Beetero la kahe yeede,

Rooma 1:13

ꞌDooꞌd Kiriistokaaw, saggi an kolassi ittaawe anihi atin sooꞌdaaro iꞌdoone, iꞌdaasenyi ichoowka uliba wohoo on ijeychaan abda. Anihi goytiin ka hil haaggicho gurnaanki Rubeyti Munyee argo iche ꞌdoona, saggi maanta an ꞌdooꞌdi addane yaafohi Yaꞌhuud ieheynan goyaka hil ihaaggiche ichoowka gurnaan isoobahuu.

Rooma 16:20

Waakkhi nebey tuumman leh Seytaan a baabiicha, ulla luhlohiin ilicho ka yabta. Yeesso Kiriistohi Kamureene ba atin imaala.

Rooma 16:23

Gaayohi an leefiddiye urur Kiriisto minkiis ka kulmo a atin soobariitiche. Eraastahi chilimmeti ilkerengeeteet khuccho ichoow eteenki koo Kiriisteenye Kuwaarto layadeeh a atin soobariiticheen.

2 Koriinto 13:14

Haag Yeesso Kiriistohi Kamure ichoow ꞌdooninti Waakh ichoow kulanki Rubeyti Munyee ba atin tuumman atin leejiraan.

Galaatiya 3:15

ꞌDooꞌd Kiriistokaaw, iyookkoti wohoo orran dakkhan inno garanni atin tusa. Chirri et lamma ayyintoo iskadaagte, et ayyintaas ꞌdol ilaabo ommos wohoo addan kakhayo mele.

Galaatiya 4:12

ꞌDooꞌd Kiriistokaaw a atin hawwaasdee, taba iꞌdeey u amurre Muusa iskafura. A mehe ani iꞌdi atinhi Yaꞌhuud ieheynan a itah. Atin walah khufenye atin iyeesseen mele.

Galaatiya 4:28

ꞌDooꞌd Kiriistokaaw, atin toollaka a iꞌdi Isakhi ínam Saaree. A mehe atin a nyaakhuti ayyinti Waakh gooche.

Galaatiya 6:1

ꞌDooꞌd Kiriistokaaw, chiꞌ etoo uskeel yeele, atinhi Rubeyti Munyee atin woyto samacchaar jiti haaggan isoolaaba. Iꞌdaasenyi ebba a isyaakhicho uus kajmeti uskeel kaluguꞌddo khaatine.

2 Timooti 4:22

Kamur ba rubeyohiin leejira. Waakh ba atin imaala.

Fiilemon 1:25

Yeesso Kiriistohi Kamure ba rubeyohiin imaala.

Bakkaahit 22:21

Yeessohi Kamure ba ꞌdooꞌdi Waakh tuumman imaala. Aamiin.