Galaatiya 6:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² ꞌDooꞌdi khandi atin ihosso, a ꞌdooꞌdi enenyet ortiis ka ishahhaaggin ꞌdoono. Iꞌdane yeelaan uus ꞌdee jeenteti wori massalaaba Kiriisto miinsane enenyet ribo ka sina loomhin.

Galaatiya 6:12 ပူးပေါင်းရင်းမြစ်များ

Mattaayo 23:27

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin a iꞌdi hawwaalohi sarcho riingihi dakhan lakadowe, kharicho haagganyahe, iꞌdaasenyi goya lafohi ꞌdooꞌdi tuume ichoow wahanyeyyohi biꞌdirenye buuha.

Mattaayo 23:28

Atin laka iꞌdaasu, chaꞌatin laargo ꞌdooꞌdoo fiffissane iyoogtahiine, ugoka uuriin goyaka, atin a ꞌdooꞌdi iskaayyeelo toro hugunꞌdarri kaassohti.

Mattaayo 23:5

“Wihi iche yeesso tuumman a yeessa, ꞌdee enenyet arga. Saabohi balballaaddane miinan ichoow keymo kahiitaan. Saabassaas la Chiirnaanneti Waakhe goya kakhabaan.

Mattaayo 5:10

ꞌDooꞌdi Waakh imaalo, a ki jeenteti icho ifissanyahiin u sina loomhicho, dakhi goobi Waakh a kichoodaa.

Mattaayo 6:16

“Kolbaaw at af hidatti, iꞌdi ꞌdooꞌdi iskaayyeeluu fool ariboon. A mehe icho fool a dakhnaata, ꞌdee saggi icho af ihiiteen tusaan. Rume atin icheeka, icho kalaꞌddicho tuum a ꞌheleen.

Mattaayo 6:2

“Maantaka kolbaaw at etoo miskiine wohoo siisso, enenyet iistuttusin iꞌdi orran ꞌdooꞌdi iskaayyeelo minassi weysiite Yaꞌhuud ichoow jitat ka yeelo ꞌdee ꞌdooꞌd iinkaanyituu. Rume atin icheeka, icho kalaꞌddicho tuum a ꞌheleen.

Mattaayo 6:5

“Kolbaaw atin weysattaan, iꞌdi ꞌdooꞌdi iskaayyeelo iitaahana. Iꞌdi tahe icho wihi icho ꞌdoonaan, a ichohi minassi weysiite Yaꞌhuud ichoow inti enenyet tuumman kaargo ka tolossati weestaane, ꞌdee ꞌdooꞌd tuumman saaꞌdo. Rume atin icheeka, icho kalaꞌddicho tuum a ꞌheleen.

Luuka 16:15

Yeesso la wihi us icho iyidah, “Atin ꞌdooꞌd ortiis ka a ismujjummoossaane, iꞌdaasenyi Waakh uuriin a garta. Wihi weeli enenyet ortiis ka weyti khumman, Waakh weyti ꞌdiiꞌddanyahe.

Luuka 20:47

ꞌDooꞌda muunkhoyyo ekkeesta, hoolahicho kakhaataan. Chiꞌiche weysatti la, enenyeti haaggane iskaayyeessa, weysi derdeeraassa. ꞌDooꞌda Waakh sinati weyti kutto igoocha.”

Yoohana 7:18

Eti wihi awtiissa on ꞌdooꞌd abcho, magahe isiyowta. Iꞌdaasenyi eti magahi eti sooergate koolo iꞌdoono, a eti rummaate, walah khollokkhane usu miinsan mele.

Hilassi Ergaano 15:1

ꞌDooꞌdoo ili Yaꞌhuudiya kasookhubte ilkerengeetti Antiyookhiya yimiyye wihi us ꞌdooꞌdi Kiriisto rummeeste abche, sammata iꞌdi amurre Muusa atin iabissuu atin liikhandiyin, Waakh ma atin ribo.

Hilassi Ergaano 15:5

ꞌDeerka ꞌdooꞌdoo Kiriisto rummeeste orey rabitti Farissaayo eheet la tolossate wihi us yidah, “Wihi massan, yaafohi Yaꞌhuud ieheynan a lakhandiya toro wihi lakaꞌdoono a ichohi amurre Muusa raaho.”

2 Koriinto 10:12

Rumanka nah koloo kalday laka ꞌdooꞌdi haaggiis enenyet icheeko ma kajno ekkatiis ma iskayeello, ommos ma kajno icho ma iskekkaanno. Wihi icho yeelaan a ꞌdalammoon on. Iꞌdi tahe icho haaggicho ka a isrerreegaane toro haaggicho iskeekkaachaan.

2 Koriinto 11:13

A mehe ꞌdooꞌdaas ergaano iskaayyeela. Hili icho haaggichaan ka enenyet a ekkeestaane soonyoy ka ergaano Kiriisto iskaayyeelaan.

Galaatiya 2:14

Iꞌdaasenyi wihi an arge, fiddihicho ichoow runti Wori Haaggan ma israahaan. Maantaka Beetero ꞌdooꞌd tuumman ortiis ka mehe iidah ya, “At a Yaꞌhuude, eheetteey laka, jiroti Yaꞌhuud menye jiroti yaafohi Yaꞌhuud ieheynane jirta. Saggoh yaafoha Yaꞌhuud ieheynan hugummeti Yaꞌhuud ikaholissa?

Galaatiya 2:3

Tiitohi wahalheeye, chuꞌus Giriig eheet laka, khandihi Yaꞌhuud khandiiti ma liiholin.

Galaatiya 5:11

ꞌDooꞌd Kiriistokaaw, chaꞌan uliba wori khandi miinsan cheeko, a iꞌdoh uliba ꞌdooꞌdi Yaꞌhuud ani sina iomhicha? Chaꞌan wahaas cheeko, wori massalaaba Kiriisto miinsane enenyet tarraantarricho a labaabiiche gon.

Galaatiya 6:13

ꞌDooꞌdi Yaꞌhuude khandiiti laka, amurre Muusa tuum ma raaho. Iꞌdaasenyi icho atinhi atin lakhandiyo ꞌdoonaane, ꞌdee khandihiin ka eylajaan.

Fiiliffi 1:15

Rumanka gaasichokoo jeenteti kalꞌdarri ichoow jaakhe wor Kiriisto enenyet icheekaane, iꞌdaasenyi gaasoo jeenteti uuri haaggane wor Kiriisto icheekaan.

Fiiliffi 2:4

Wihi wihiine kalday on aw iikhabina, wihi ꞌdooꞌdi addan laka aw ikhaba.

Fiiliffi 3:18

A mehe iꞌdi an orey kolassi ittaawe atin isoocheekuu, toolla toro oytim ka a atin isoocheekaa, ꞌdooꞌdi ittaawe jiroti icho jiraan ka a chiiyti massalaaba ichoow omoot Kiriisto.

Kolossaay 2:23

Jiroti amurreta dakhatti jitoo khareenye iyoogtahe. Jitassi ꞌhoolenye enenyet isihosso iche Waakh lakawahta, isnuglaanti beenaat ichoow wihi sarticho ꞌdoonto weyti laꞌdiiꞌdo khabaan. Eheetteey laka, indigir icho wihi uur goya kijiro uskeel imoono islakajeycho ikhabaan mele.