Galaatiya 6:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Maantaka, maambaaw inno jitoo ꞌhelle, enenyet tuumman haag iyeello. Kach ka la, ꞌdooꞌdassi Kiriisto rummeeste haag iyeello.

Galaatiya 6:10 ပူးပေါင်းရင်းမြစ်များ

Mattaayo 10:25

Abatti etiiski walah abcho ibaha, ilbooy la kamuriissa ibaha. Chirri ooyohi min leh ba, Beelsebuul lakawaho, ꞌdooꞌdi minkiis la geeddoo meheenye magahenyeti ꞌdaꞌddaran kawahaan?

Mattaayo 12:50

A mehe eti tuummane wihi Aabbaheeyki serey jiro ꞌdoono yeelo, a walaalaaya, a walaassaaya, a abartaaya.”

Mattaayo 25:40

“Karnat la wihi us ilaabo, ‘Rume atin icheeka, wihi atin ꞌdooꞌda irummeeste wohoo liikoogeynan iyeesseen, a iꞌdoo atin ani iyeesseen.’

Mattaayo 5:43

“Saggi goorat ꞌhor amur, ‘Ollokkaah ꞌdoone, chiiytaah la ꞌdiiꞌd,’ iyidah a daagteen.

Marko 3:4

Yeesso ꞌdeerka wihi us icho worsate, “Seeri Lanaso ka, wihi haaggane layeelo ichoow suujoonki layeelo koh amurreteen israahaan? Jiroti enenyete laribo israahaan bal enenyeti layagiis?” Iꞌdaasenyi gammadicheen.

Luuka 6:35

Iꞌdaasenyi taba chiiytiin ꞌdoona, haag iyeela, mog siicha ichohi atin isooguto asugina. ꞌDeerka kalaꞌddiin la a buuraatta, toro nyaakhuti Waakkhi Weyti Weene tateehiin. A mehe us ꞌdooꞌdi kalaꞌd ikhabin ichoow ki sussuuje uur a iꞌdabakhyahe.

Yoohana 12:35

Yeesso la wihi us icho iyidah, “Geeddoo rucchul on banay khabtaan. Banay goya kasohda giꞌde, geeddi banay jiraane mugꞌdi ikhaatin. Eti mugꞌdi kasohti, inti us isohti ma garti.

Yoohana 9:4

Geeddi il on maalim yahe, hili Waakkhi isooerge a haagginna. Mugꞌdi la a soogela, ki etoo kalday laka hil ihaaggin.

Hilassi Ergaano 6:7

Yeedi Waakh ꞌdeerka taaꞌhe orey isohte. Tiri abatti Kiriisto ilkerengeetti weene Yeerusaleem ka weyti kakhayme, kuhaaniyyohi ittaawe laka Wori Haaggan kakhuufeen.

2 Koriinto 2:8

Maantaka a atin hawwaasde, taba etaas saggi rumanka atin usu iꞌdoontaan toro tusa.

Galaatiya 1:23

Iꞌdaasenyi wihi kaldaye leessi icho daddaagaan a mehe ya, “Eti goorat sina inno omhicho, Wori Haaggane us goorat baabiin ꞌdoono, iche toolla cheeka.”

Efeesso 2:19

Jeenteti waha u atinhi yaafohi Yaꞌhuud ieheynan kola ꞌdooꞌdi liigaran ichoow marti mee, iꞌdaasenyi atin ꞌdooꞌdi Waakh goya kijirtaane, toro la a ꞌdooꞌdi minki Waakh.

Efeesso 3:15

A mehe ꞌdooꞌdiiski goobi Waakhe saraat ichoow ki harrata usu magah kaꞌhelaan.

Efeesso 4:28

Eti goorat hatto kaassohti, hatto a ꞌdiicho, hil a haaggicho, wohoo khumman a yeelo ꞌdee eti intiis gaabantahe wihi us leegismo a khabo.

Efeesso 5:16

Jeenteti waha ibeenneti enenyet uskeel yeelo iyahiin u, ibeenki Waakh atin siicho dakkhan mujjum khaadda, saggi rumanka Kiriisto liiraaho tusa.

Fiiliffi 4:10

Ani la jeenteti atin uuri goorat atin ikakhabteen toolla toro isookhabatteen u weyti Kamur ka hamaada. Rumanka atin kol dakkhan uur a ikakhabteene, iꞌdaasenyi jiti atin uuraas atin ikhabtaan itussaan a waayteen.

Kolossaay 4:5

Taba ꞌdooꞌdi urur Kiriisto goya ikajirin jiti khara kaleefiddiya. Ibeenki Waakh atin siicho dakkhan mujjum khaadda, ꞌdooꞌdaas gargaara ꞌdee Kiriisto a kakhuufeen.

1 'Dessaloonika 5:15

Taba uus etoo kalday laka eti suujoon iyeele suujoon tusan. Iꞌdaasenyi kol tuumman hol dowa, wihi haaggan isiyeela ꞌdooꞌdi addan laka haag iyeela.

1 'Dessaloonika 5:21

Worar tuumman kaja, wori haaggan la khuccha.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

Tiito 3:8

Yeedassaas an idah a wihi lakakhuufo. Atihi yeedassaas katirriinsatti ꞌdee ꞌdooꞌdi Waakh rummeeste kol tuumman haag yeelo iche ꞌdoona. Wahanyeyyoha la enenyet a ihaagganyahiine toro la a iroonyahiin.

Ibiraaniya 13:16

Haaggi atin ꞌdooꞌdi addan iyeessaan ichoow gargaari atin ꞌdooꞌdi addan leegisantaan la akadabina. A mehe haagga a iꞌdi soorriyoti Waakh kahamaado.

Ibiraaniya 3:6

Iꞌdaasenyi Kiriisto weeli lakakhuufo hili minki Waakh tuumman itoollo eheet. Chirri inno burꞌde ikhabine, khajjeeli inno Kiriisto kakhabno keeylajno la, inno a minkiissa.

Ibiraaniya 6:10

Waakh wihi imale on yeela. Usu wihi atin yeessaan ma kadabo, ommos ꞌdooninti atin usu tusatteen ma kadabo. ꞌDooninta la mehe lakaarga ya, gargaari atin ꞌdooꞌdi Waakh gargaarteene, uliba laka atin gargaartaan.

1 Beetero 2:5

Toolla la iꞌdi dagahti jiro khabtuu, Waakh minki ꞌdooꞌdi Waakh waho iche atin kadisa. Waakh la iꞌdane yeela ꞌdee kuhaaniyyohi munyee atin kayeela. Iꞌdi kuhaaniyyoot u la, Yeesso Kiriisto ka, iꞌdi soorriyoti Rubeyti Munyee woyto toro Waakh kahamaaduu Waakh isibihissaan.

1 Beetero 4:17

Iꞌdi tahe ibeen a yitah ki Waakh enenyet hukkumo. Chiꞌ innohi nyaakhuti Waakhe inno lakasookhabti la, ꞌdooꞌdi Wori Haaggane Waakh rummeysawwaaye sinati isoobahto a too geeddohe?

1 Yoohana 5:1

Eti tuummane saggi Yeesso Ki Lasubhe iyahe rummeesti a nyaakhuti Waakh. Eti tuummane Waakkhi Aabbaheene ꞌdoono la, nyaakhuti Waakh laka a ꞌdoona gon.

3 Yoohana 1:10

Maantaka maanti an amiit, wihi us yeelo ꞌdowe isoobahcha. Usu ani ihanta, wori beenaat ka ani icheeka. Waha kalday on menye, wihi weyti suujenye us yeelo a mehe ya, ꞌdooꞌdi Kiriisto rummeeste wori Waakh cheeko laka ma martiisti. Toro la ꞌdooꞌdi ꞌdooꞌdaas wohoo iyeelin ꞌdoono a tirta, urur Kiriisto laka goya kariha.

3 Yoohana 1:11

Aaleeyki an weyti ꞌdoono, ꞌdooꞌdi suujoon yeelo goya atabine, iꞌdaasenyi ꞌdooꞌdi haag yeelo on dabatiis raah. Eti tuummane haag yeelo Waakhe kayimiy. Eti tuummane suujoon yeelo la Waákh ma argin.

3 Yoohana 1:3

Iꞌdi tahe ꞌdooꞌdoo Kiriisto rummeeste a yimiyye, saggi at rumanka wihi Waakh ꞌdoono iyeesso, toro la orey isohatti runti Waakh iraahto nah isoocheeke, waha la weyti ikahamaadicheen.