Galaatiya 6:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ ꞌDooꞌd Kiriistokaaw, chiꞌ etoo uskeel yeele, atinhi Rubeyti Munyee atin woyto samacchaar jiti haaggan isoolaaba. Iꞌdaasenyi ebba a isyaakhicho uus kajmeti uskeel kaluguꞌddo khaatine.

Galaatiya 6:1 ပူးပေါင်းရင်းမြစ်များ

Mattaayo 11:29

Kaaleya, hil ileesoogela, walah ikaabda. Iꞌdi tahe ani uureey ka a etoo samacchaarenye, toro isnuglaacho, ani la a atin naschaa.

Mattaayo 26:69

Beetero la geeddaka uram goya fiddiya. Inantoo falfee la itimiyye, wihi iche itidah, “At laka Yeessohi boroofenhi Gaalilaaya a leejirte.”

Mattaayo 26:75

ꞌDeerka Beetero yeedi Yeesso iyidah kasooꞌhele. “Geeddi lukki iriirin, at kol seyyah, ‘Ma kigardi!’ tadeeh.” Ulla khar ibahe, bolokh ka ooye.

Mattaayo 9:13

Iꞌdaasenyi taba wihi yeeda essi wihiis abda, ‘An soorriyoti at ibihisso menye, atihi ꞌdooꞌdi addan uur inugleysatti iche ꞌdoona.’ A mehe ꞌdooꞌdi an iimiyye an waho, ki ꞌdooꞌdi fiffissan isiekkaacho menye, iꞌdaasenyi a ki uskeel leh.”

Rooma 14:1

Taba, eti kakhuufnaanki us Waakh kakhuufo ꞌdabakhyahe soodowwaacha, toro la mali us khabo wahanyeyyohoor mammarah miinsan, aleeiriirina.

Rooma 15:1

Maantaka innohi kakhuufnaanki inno Waakh kakhuufno ka miige, ꞌdooꞌdi kakhuufnaanki us Waakh kakhuufo ka ꞌdabakhe igarrahsanni, a mehe wihi icho yeelaan ichoow kakhuufnaanki icho Waakh kakhuufaan ma israahaan. Toro la uus inno awteenna on ishamaadin giꞌde.

Rooma 8:6

Malassi ꞌdooꞌdi wihi uurassicho goya kijiro uskeel imoono dakhtaan, omoote ꞌhela. Iꞌdaasenyi mali Rubeyti Waakh dakhatti, jiro ichoow nebeye ꞌhela.

1 Koriinto 10:12

Maantaka eti tuummane kol us mujjum toollo iskoog, a isyuubsati giꞌde uus kufinee.

1 Koriinto 14:37

Chirri etoo eti Waákh íyeyyeedo ommos eti siinti Rubeyti Munyee khabo iskoogyahe, saggi waha an chiiro amuri Kamur on iyahe, a kasa.

1 Koriinto 2:15

Eti Rubeyti Munyee woyto walah tuumman icho haaggan ommos icho suuje a goocha. Iꞌdaasenyi eta etoo addan wahaas ma igoocho.

1 Koriinto 3:1

ꞌDooꞌd Kiriistokaaw an saggi ꞌdooꞌdi Rubeyti Munyee woyto ma atin ileeyyeedine, iꞌdaasenyi iꞌdoo atin ꞌdabakkhi weeli enenyete harrata ikhabtaane atin ileeyyeede. Toro la kakhuufnaanki atin Kiriisto kakhuuftaan ka atin a iꞌdi nyaakhuti nahas nuugo.

1 Koriinto 4:21

Wihi atin ꞌdoontaan isigoocha. Maanti an amiit anihi sirbi sookhaaddi ommos anihi amiite ꞌdoonin ichoow uuri samacchaare ka atin leeyyeedo ꞌdoontaan?

1 Koriinto 7:5

Maantaka sammata atin koloo isikadaagin on menye, lammatiin isleeurꞌdin iistiranna. Chaꞌatin istirattaan la, geeddoo on istirda ꞌdee weysi kalday gela. Yomboka ꞌdeerka isisoonokhda, uus Seytaan jeenteti atin isjeyin iubaaꞌdan u kajmeti uskeel atin kaluguꞌddo atin ikeenine.

2 Koriinto 10:1

Ani Baawulo uur Kiriistoki ꞌdabakhe ka ichoow samacchaar Kiriisto ka a atin hawwaasda. Waha a anihi chaꞌan atin leejiro, uure ꞌdabakhyahe leessi, iꞌdaasenyi chaꞌan atin ileejirin roorro ma khabo leessi.

2 Koriinto 2:7

Iꞌdaasenyi kola a atin imasse chaꞌatin etaas uskeelaas ikakuttaane, toro la uur khoboossaan uus ꞌdee oytinti buurenye us ooyo ka rubeye jebine.

2 Koriinto 2:8

Maantaka a atin hawwaasde, taba etaas saggi rumanka atin usu iꞌdoontaan toro tusa.

Galaatiya 5:23

samacchaar ichoow isjeyin. Amur wahanyeyyoha ꞌdiiꞌddan mele.

Galaatiya 6:18

ꞌDooꞌd Kiriistokaaw, Yeesso Kiriistohi Kamureene ba rubeyohiin imaala. Aamiin.

1 'Dessaloonika 4:1

ꞌDooꞌd Kiriistokaaw ayti ꞌdaꞌddaboot, saggi atin jiroti Waakh kahamaadisso ijirtaan a atin abinne. Rumanka la iꞌdaas on yeessaan. Toolla la nahi nah ichoow atin ba Yeessohi Kamureene wohoo kalday nahe a atin hawwaassana, taba waha kakhakkhaya yeela.

2 'Dessaloonika 3:15

Iꞌdaasenyi chiiy iekkaanna, iꞌdi walaal u tootoocha.

2 Timooti 2:25

ꞌDooꞌdi usu tirrimo laka samacchaar on walah abcha, kolossoo Waakh ꞌdooꞌdaas rubeyohi uskeel kasoonokhti a siicha, runtaas rummeestaane ulla icho woya.

Ibiraaniya 12:13

“Luhlohiin jiti fissan iyeela.” ꞌDee jirotiin ka ma tarrantarrattaane, ma kuftaane, iꞌdaasenyi a miigowtaan.

Ibiraaniya 13:3

ꞌDooꞌdi jeelayyo kijiro laka kasooꞌhela, ꞌdee aw ikhaba, iꞌdoo atin laka jeelayyohaas kaleejirtaan u. Toro la ꞌdooꞌdi sina lakawaaricho laka aw ikhaba, iꞌdoo atin laka sinataas atin lakawaarichuu.

Yaakoobo 3:13

Chiꞌ goytiin ka etoo khara yahe toro haag ichoow suujoon garti jiro, jiroti haaggane us jiro ka, samacchaari khara kayamiite wihi haaggan us yeelo ka a tuso giꞌde.

Yaakoobo 3:2

Rumanka inno tuumman jitassi ittaawe ka a tarraantarranna. Chiꞌ etoo wihi us yadeeh ka jirtuu ikhufin, etaas tuum a iiꞌdowe toro la sartiis tuumman jeyin a yabuuꞌd.

1 Beetero 3:15

Iꞌdaasenyi uurassiin ka, Kiriisto tuum isisoobahcha iꞌdi Kamur u. Chirri khajjeeli atin Kiriisto kakhabtaan atin laworsate la, tannabda kol dakkhan ayti atin laabtaan khaba. Iꞌdaasenyi waha samacchaar ka ichoow inkaanyit ka yeela.

1 Yoohana 5:16

Chirri etoo etiiski Kiriisto rummeeste uskeeloo omoot ikawoyin yeelo argo, etaas Waakh a iwaho, Waakh jiro a siicho. ꞌDooꞌdi uskeelicho omoot ikawoyine kaayyeeda. Uskeeli enenyet omoot iwoyo a jira. ꞌDooꞌdi uskeeli iꞌdee yeelo mee Waakh iwaha atin idowo.