Galaatiya 5:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Atinhi amurre raahin ꞌdoontaane ꞌdee Waakh ꞌdooꞌdi fiffissan atin iekkaacho, Kiriisto a atin lakagooche, toro la haaggi Waakhe buure a rogteen.

Galaatiya 5:4 ပူးပေါင်းရင်းမြစ်များ

Rooma 11:6

ꞌDooꞌda Waakh soobahsate jeenteti icho wohoo haaggan iyeeleen menye, a jeenteti haaggi Waakhe buure on. A mehe chirri Waakh wihi enenyet yeele yeyo, kootte ꞌdeerka iꞌdaakka haaggaas kola haaggi Waakhe buure mee gon.

Rooma 3:20

Maantaka etoo kaldaye jeenteti us hili amurretaas ꞌdoonto iyeeluu Waakh ortiis ka eti fissan liiekkaacho ma jiro. Amurretaas ka saggi inno uskeel iyeelle on abanna.

Galaatiya 2:21

An haaggi Waakhe buurenye an ribnaan kaꞌhele sag an ꞌdol iassil mele. Iꞌdi tahe chirri amurre Muusati laraaho ka Waakh ꞌdooꞌdi ortiis ka fiffissan nah iekkaacho, Kiriisto walah us iyumuy mele gon!”

Galaatiya 5:2

Waha abda! Anihi Baawulee wihi an atin isoocheeko, chaꞌatin lakhandiyo ꞌdee nane Waakh ꞌdooꞌdi fiffissan atin iekkaacho, Kiriisto gargaar us atin ikhabo mele gon.

Ibiraaniya 12:15

Taba aw isikhaba, uus ꞌdee etiinkoo kalday laka haaggi Waakhe buurenye us atin tuste waayine. Uus etiinkoo kalday laka iꞌdi hiiyyi hadaado khabo soobaho sina keeno, toro enenyet suujaacho itaahan.

Ibiraaniya 4:1

Waakh uliba laka a inno iayyicha nasmetiis a inno siicha. Maantaka taba a isyaakhinno, uus ꞌdee eteenkoo kalday laka meessa nasme eleelin waayin giꞌde.

Bakkaahit 2:5

Geeddi atin sookufteen kasooꞌhela! Uskeeliin kasoonokhda, wihi atin uumaccho ka yeesseen yeela. Chaꞌatin uskeeliin ikasoonokhan, an a atin iamiite, reenkiinki taa lakorcho meessiis kabahcha.