Galaatiya 5:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Iꞌdaasenyi Rubeyti Munyee jiroteen goyaka gurnaanki iche desso a wahanyeyyoha, ꞌdoonin, hamaad, nebey, garrahsi, uuri ꞌdabakhe, haag, kakhuufnaanki enenyet lakakhuufo,

Galaatiya 5:22 ပူးပေါင်းရင်းမြစ်များ

Mattaayo 12:33

“Geey haaggiche ulla gurnaanki haaggane delaa, ommos geey suujaache ꞌdee gurnaanki suuje a delo. A mehe geey ba gurnaanki us delo lakaabta.

Luuka 13:9

Chirri us berri gurnaan dele, a haaggantahe. Chirri us idelin la goocha.’ ”

Yoohana 15:16

Atin ani ma isoobahsan, iꞌdaasenyi ani atin soobahsade, toro hiloo atin korche, ꞌdee gurnaan bihissaan, gurnaanki fiddiyo bihissaan. ꞌDeerka jeenteti atin keey itahiin u, Aabbaheey wihi tuummane atin daahtaan, a atin siicha.

Yoohana 15:2

Aabbaheey la eti tuummane iꞌdi liikhimeet u ani ikatoollo gurnaan idelin, a goocha. Eti tuummane iꞌdi liikhimeet u gurnaan delo la, Aabbaheey mujjume yeela, ꞌdee gurnaanki buure bahcha.

Yoohana 15:5

“An a iꞌdi geeyi sabiibe, atin la a iꞌdi liikhimohaaya. Eti tuummane goyteey fiddiyo, anna goytiis fiddiyo, gurnaanki buurenye dela. Laanteey walah atin ꞌduuꞌddaan mele.

Rooma 14:17

A mehe dakhi Waakh ka wihi khumman golol ichoow wihi ladamo menye, a innohi fiffissane nebey khabno. Jeenteti inno ichoow Rubeyti Munyee wohoo kalday inahuu la hamaad a ꞌhella.

Rooma 15:14

ꞌDooꞌd Kiriistokaaw, ani rubeyteey saggi wihi hahhaaggan atin ibuuhaane, wihi ꞌdooꞌd Kiriisto miinsan tuum igarattaane toro la iswaanin itabuuꞌdiin a tissiba.

Rooma 15:3

A mehe Kiriisto rubeytiis ma iskahamaadin. Iꞌdaasenyi wihi chiiran, “Okkhoow abaari ꞌdooꞌd kileeabaarramo ani isookute.”

Rooma 15:30

Toollaka ꞌdooꞌd Kiriistokaaw, Yeesso Kiriistohi Kamureene ka ichoow ꞌdooninti Rubeyti Munyee atin siisso ka a atin hawwaasda, Waakh isoowaha diho ileesoogela.

Rooma 6:22

Iꞌdaasenyi toolla miigti uskeel a atin lakasoofure, bowꞌdayyohi Waakhe titaaheen. Indigirti atin ꞌhessaan munya atin iwoyta, waha la jiroti jirtuu imassanne delaan.

Rooma 7:4

Iꞌdaasu laka ꞌdooꞌd Kiriistokaaw, atin omoot Kiriisto ka amurre Muusa kola ma atin dakhatti, a mehe atin toolla a koo Kiriistohi Waakh omoot kasookahche, ꞌdee atin la wihi Waakh ꞌdoono dessaan.

Rooma 8:5

ꞌDooꞌdi jiroticho ichoow wihi uurassicho goya kijiro uskeel imoono israahaan, wihi icho kamassaan a wahaas uurassicho goya kijiro uskeel imoono on. Iꞌdaasenyi ꞌdooꞌdi jiroticho ichoow Rubeyti Waakh israahaan, wihi icho kamassaan a wihi Rubeyti Waakh imoonto.

1 Koriinto 13:13

Maantaka, waha seyyahcho a sooꞌhadaan, kakhuufnaanki inno Waakh kakhuufno ichoow khajjeeli inno Kiriisto khajjeello ichoow ꞌdooninti inno enenyet ꞌdoonno, iꞌdaasenyi ti weyti kutto, a ꞌdoonin.

Galaatiya 5:13

ꞌDooꞌd Kiriistokaaw, Waakh furnaanki us atin soofuro iche atin iwahe gone, atin bowꞌdayyohi amurre mee. Iꞌdaasenyi furnaankaas akagirꞌdaamina, wihi uurassiin goya kijiro uskeel imoono araahina, taba ꞌdooninti atin isikhabtaan ka isifala.

Efeesso 4:23

Toro la a atin laabche, rubeyohiin ichoow malassiin husubnaassaan.

Efeesso 5:9

A mehe banayha gurnaanki us delo a haag tuumman ichoow wihi fissan tuumman ichoow wihi rummaat tuumman.

Fiiliffi 1:11

Iꞌda ka Yeesso Kiriisto ka gurnaanki fiffissane jirotiin goya buuhicha. Waha la Waakh weynaan ichoow koolo ikeenaan.

Kolossaay 1:10

Waakhe atin iwahna, ꞌdee jiroti Kamur inkaanyitto toro kahamaadisso jirtaan. Iꞌda ka sagag tuumman ka enenyet haag a iyeessaane, abannaanki atin Waakh abattaan la a kakhayma.

2 'Dessaloonika 3:2

Toro la Waakh nah isoowaha, Waakh a nah gargaaro, ꞌdooꞌdi weyti sussuuje a nah karibo. A mehe ꞌdooꞌdi buure mee Yeesso kakhuufo.

1 Timooti 3:11

Saggaas on u deyyehoticho laka a deyyehoti liinkaanyito, enenyet imeꞌdeꞌddeeline, iꞌdaasenyi walah tuumman ka isjeyisso, walah tuumman ka lakakhuufo.

1 Timooti 4:12

Uus etoo kalday laka jeenteti at inugussahuu kiꞌdarraawin. Iꞌdaasenyi yeedi afaah kasoobaho ka ichoow jiroti at jirto ka ichoow ꞌdooninti at enenyet ꞌdoonto ka ichoow kakhuufnaanki at Kiriisto kakhuufto ka ichoow jiroti el ikhabine at jirto ka, ꞌdooꞌdi Kiriisto rummeeste iyookko iateeh.

1 Beetero 1:22

Toolla runti atin raahtaan ka a isdikhteene ꞌdee ꞌdooꞌdi Kiriisto rummeeste ꞌdooninti rummaat ikhabtaan gone, taba giꞌde uurassiin ka weyti isꞌdoona.

1 Beetero 1:8

Atin usu injire ma argine, eheetteey laka, usu a ꞌdoontaan. Atin usu toolla ma agartaane, eheetteey laka, usu a rummeysattaane toro la hamaadi etoo cheekin iubaaꞌdane toro weyti buurenye khabtaan,

1 Beetero 5:12

Eti ullaka koo Kiriisteenye Silfaano layadeehe, an eti weyti lakakhuufo iekkaacho, iche khadaaba ileegargaare. Wihi an gaabi ka atin ikasoochiire la uure atin miigoocha, toro a saggi wihi khadaaba kachiiran haaggi Waakhe buure rum iyahe. Haagga akanokhanna giꞌde.