Galaatiya 5:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Iꞌdaasenyi chiꞌ Rubeyti Munyee atin woyto, amurre Muusa ma atin anatti gon.

Galaatiya 5:18 ပူးပေါင်းရင်းမြစ်များ

Yoohana 16:13

Iꞌdaasenyi maanti Rubeyti Munyeenye rum leh atin itimiy, runti tuummane Waakh katimiy a atin tussa. Rubeyti Munyee la awtiche ma kayeyyeeddo. Wihi iche daagte, ichoow wihi ꞌdee berri sooyateeh, iche atin isoocheekta.

Rooma 7:4

Iꞌdaasu laka ꞌdooꞌd Kiriistokaaw, atin omoot Kiriisto ka amurre Muusa kola ma atin dakhatti, a mehe atin toolla a koo Kiriistohi Waakh omoot kasookahche, ꞌdee atin la wihi Waakh ꞌdoono dessaan.

Rooma 8:12

Maantaka ꞌdooꞌd Kiriistokaaw, wihi rumanka Waakh inno kaꞌdoono, uus koloo kalday laka jiroteen ichoow wihi uurasseen goya kijiro uskeel imoono israahin.

Rooma 8:14

Iꞌdi tahe ꞌdooꞌdi tuummane Rubeyti Waakh woyto, a nyaakhuti Waakh.

Galaatiya 5:16

Wihi an eldi kallaayo, taba jiroti Rubeyti Munyee woyto jira, iꞌda ka la wihi uurassiin goya kijiro uskeel imoono ma raahtaan.

Galaatiya 5:23

samacchaar ichoow isjeyin. Amur wahanyeyyoha ꞌdiiꞌddan mele.

Galaatiya 5:25

Jiroti inno jirro toolla Rubeyti Munyeenye kajirra gone, jiroteen ichoow Rubeyti Munyee a israaheen giꞌde.

1 Timooti 1:9

Inno saggi amurretaas ꞌdooꞌdi liiyeele ki fiffissan ieheynan laka a garanna. Iꞌdaasenyi amurre a ti ꞌdooꞌdi amurreti Waakh iraahin ichoow ki weynaan iinkaanyitin ichoow ki Waakh igaran ichoow ki uskeel yeelo ichoow ki Waakh ikahamaadin ichoow ki Waakh iinkaanyitin ichoow ki ꞌdooꞌdi dele bakkicho ichoow ki diig gelo.

2 Timooti 1:7

A mehe Waakh rubeyti burꞌdee ma inno siin, iꞌdaasenyi rubeyti miig ichoow ꞌdoonin ichoow isjeyin lehe inno siiche.