Galaatiya 5:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ A mehe wihi uuraas goya kijiro uskeel imoono, Rubeyti Munyee a tirrimaane, wihi Rubeyti Munyee ꞌdoonto la, wihi uuraas goya kijiro uskeel imoono a tirrimaan. Icho a istirrimaane, ꞌdeerka wihi haaggane atin yeelin ꞌdoontaan ma yeessaan.

Galaatiya 5:17 ပူးပေါင်းရင်းမြစ်များ

Mattaayo 12:30

“Eti tuummane ani ileejirin, a itirrima. Eti igargaarine walah ileesooholin a ileefida.

Mattaayo 16:17

Yeesso wihi us ilaabe, “Siimon inam Yoohana, ati Waakh a kimaale. Iꞌdi tahe runtaas at cheekte ti weeli enenyet katimiy menye, iꞌdaasenyi Aabbaheeyki serey jiro iche kisoobabbakkaahiche.

Mattaayo 16:23

Yeesso la urgiye wihi us Beetero iyidah, “Seytaankaane fooleey buj! At a daakki itarraantarricho, at wahanyeyyohi Waakh menye, iꞌdaasenyi wahanyeyyohi weeli enenyete kamalatta.”

Mattaayo 26:41

“Toorribda Waakh wahda, ꞌdee kajmeti uskeel atin kaluguꞌddo akidihina. Rubeyohiin wihi mujjumenye ꞌdoonaane, iꞌdaasenyi sartiinna ꞌdabakhe.”

Mattaayo 5:6

ꞌDooꞌdi Waakh imaalo, a ki fissanoon iankayo toro isubgaati, Waakh icho a dargichaa.

Luuka 22:33

Iꞌdaasenyi wihi us ilaabe, “Kamur, an a geeddi an jeela kileegelo, toro kileeamuut laka.”

Luuka 22:46

Wihi us icho worsate, “A iꞌdoh iuꞌdurtaan? Kaha Waakh wahda ꞌdee kajmeti uskeel atin kaluguꞌddo akidihina.”

Yoohana 3:6

Weeli enenyet sartiis aabbahiis ichoow abartiissa kaꞌhela, toro la rubeyti weeli enenyet, Rubeyti Munyeenye jiro kaꞌhessa.

Rooma 8:13

A mehe chaꞌat wihi uuraah goya kijiro uskeel imoono on raahto, rumanka a tamuut. Iꞌdaasenyi chaꞌat Rubeyti Munyee ka uskeeli uuraah imoono tagiis a jirta.

Galaatiya 3:21

ꞌDeerka amurre Muusa ichoow ayyinti goorat Waakh gooche a isbuusanyahiine elannaay? Waakh meesseen bujiiy! A mehe chiꞌ amuroo jiro keeno jiro, iꞌdaas ka ꞌdeerka amurreti laraaho ka Waakh enenyet ꞌdooꞌdi ortiis ka fiffissane iekkaacha.

Yaakoobo 3:2

Rumanka inno tuumman jitassi ittaawe ka a tarraantarranna. Chiꞌ etoo wihi us yadeeh ka jirtuu ikhufin, etaas tuum a iiꞌdowe toro la sartiis tuumman jeyin a yabuuꞌd.