Galaatiya 5:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Wihi an eldi kallaayo, taba jiroti Rubeyti Munyee woyto jira, iꞌda ka la wihi uurassiin goya kijiro uskeel imoono ma raahtaan.

Galaatiya 5:16 ပူးပေါင်းရင်းမြစ်များ

Rooma 6:12

Maantaka uus uskeel sartiinta tamuut dakhan, uus ꞌdee atin wihi uurassiin kijiro uskeel imoono raahine.

Rooma 8:1

Maantaka ꞌdooꞌdi icho ichoow Yeesso Kiriisto ba wohoo kalday yahiin, Waakh icho ma hukkumo, sina la ma igoocho.

1 Koriinto 7:29

ꞌDooꞌd Kiriistokaaw wihi an atin icheeko kallaayo, ibeenneti ankhan a gaabantahe. Uus toolla kakhabatti eti makhaabál khabo, iꞌdi eti makhaabál ikhabin a ijiro.

2 Koriinto 7:1

Maantaka aalasseeyki an weyti ꞌdoono, Waakh wahaas tuumman a inno iayyiche gone, wihi tuummane sarteen ichoow rubeyteen biꞌdirroocho iskadikhno. Jeenteti inno Waakh ikaroorruu la, orey isohda ꞌdooꞌdi tuum munyee ateeha.

Galaatiya 3:17

Wihi an eldi kallaayo, Waakh Aburaaham ayyintoo igooche. Amurre Muusati inkoo guꞌh kud affar ichoow guꞌh tomon seyyah kutte timiy la, ayyintaas Waakh ma jebinne, ayyinti Waakh gooche ma suujaan.

Galaatiya 6:8

Eti wihi uuriis goya kijiro uskeel imoono kahamaadicho on yeelo, iꞌdi ilinti gos lagessuu gurnaanki us uskeelaas kaꞌhelo, a baabakki usu labaabiicho. Iꞌdaasenyi eti wihi us yeelo, wihi Rubeyti Munyee kahamaadicho yahiin, iꞌdi ilinti gos lagessuu, gurnaanki jiroti imassanne Rubeyti Munyee kaꞌhela.

Efeesso 2:3

Inno tuumman laka ꞌhor iꞌdichooda eheete, wihi uurasseen goya kijiro uskeel imoono on iamuunne, uskeeli uurasseen ichoow malasseen ꞌdooneen on maanjeeranne. Inno iꞌdi ꞌdooꞌdi addan u wihi inno imale a holi Waakh.

Kolossaay 2:11

Toro la atin ichoow Kiriisto a wohoo kalday gone, a atin lakhandiye. Iꞌdaasenyi waha khandihi dahanti weeli enenyet haaggisso menye, a ki Yeesso Kiriisto haaggicho. Iꞌda ka Kiriisto wihi uurassiin goya kijiro uskeel imoono a atin kabahche.

1 Beetero 1:14

Iꞌdi nyaakhuti yeed daaguu, suujoonki liimoono maanti atin wohoo igaran atin khabteen iinokhanna.

1 Beetero 1:22

Toolla runti atin raahtaan ka a isdikhteene ꞌdee ꞌdooꞌdi Kiriisto rummeeste ꞌdooninti rummaat ikhabtaan gone, taba giꞌde uurassiin ka weyti isꞌdoona.

1 Beetero 2:11

Aalasseeyki an weyti ꞌdoono, iꞌdi ꞌdooꞌdi harrata ka yeelan ichoow ki meel ikhabin u, a atin hawwaasda, taba wihi uurassiin goya kijiro uskeel imoono kol dakkhan atin isdihtaan uus atin kahataatin.

1 Beetero 4:6

Jeentetuu la Wori Haaggan ꞌdooꞌdi tuume laka a liicheeke, ꞌdee sarticho iꞌdi enenyet u lahukkuma, iꞌdaasenyi rubey ka jiraan saggi Waakh ijiruu.