Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Galaatiya 5:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

11 ꞌDooꞌd Kiriistokaaw, chaꞌan uliba wori khandi miinsan cheeko, a iꞌdoh uliba ꞌdooꞌdi Yaꞌhuud ani sina iomhicha? Chaꞌan wahaas cheeko, wori massalaaba Kiriisto miinsane enenyet tarraantarricho a labaabiiche gon.

အခန်းကိုကြည့်ပါ။ ကော်ပီ




Galaatiya 5:11
17 ပူးပေါင်းရင်းမြစ်များ  

Baawulo usuhi Timooti khaatti leeirti ꞌdoona, ꞌdeerka khandiye. Waha a jeenteti ꞌdooꞌdi Yaꞌhuude intaas kajiro saggi aabba Timooti yaaftoo Yaꞌhuud ieheynan iyahe toro us ikhandiineynan igarti.


ꞌDooꞌda wihi at ꞌdooꞌdi Yaꞌhuude yaafohi Yaꞌhuud ieheynan goya yaal tuumman abisso ꞌdee icho amurre Muusa ꞌdiichaane, nyaakhuticho laka ikhandiyine, hugummeti Yaꞌhuud iraahin a liicheeke.


riireene, “Mejeli Issiraayeloow, nah gargaara! Eta a ki enenyet tuumman harra tuumman ka wihi suujenye us abcho ka ꞌdooꞌdeenki Issiraayel ichoow amurreteen ichoow minka Waakh miinsan kayeyyeedo. Waha kalday on menye, ꞌdooꞌdi Yaꞌhuud ieheynan iche minki Waakhe buure soogesse, meessa lagan biꞌdirrooche,” yidaaheen.


Iꞌdi tahe ꞌdooꞌdi baabaa kijiro ka, wora massalaaba Kiriisto miinsan, a wori ꞌdalam on. Iꞌdaasenyi innohi Waakh inno ribo ka, wora a miigti Waakh.


Iꞌdaasenyi nah wori Kiriistohi massalaaba lakakaahe miinsan iche enenyet icheekna. Wora la ꞌdooꞌdi Yaꞌhuud daakki tarraantarricho iyateehe, yaafohi Yaꞌhuud ieheynan ka la, wora a yeedi ꞌdalam.


Nah la, chirri Waakh ꞌdooꞌdi tuume omoot ikasookahin, a iꞌdoh toro kol tuumman omoot ikajirra?


Tiitohi wahalheeye, chuꞌus Giriig eheet laka, khandihi Yaꞌhuud khandiiti ma liiholin.


ꞌDalammeti Galaatiya, ayyo atin katibte? Rumanka Yeesso Kiriistohi massalaaba lakakaahe a atin liisoonyiikhe!


Maantaas inanki jiti weeli enenyet kadesse, inanki miigti Rubeyti Waakh kadesse sina omhiche. Uliba laka a iꞌdaas on.


ꞌDooꞌdi khandi atin ihosso, a ꞌdooꞌdi enenyet ortiis ka ishahhaaggin ꞌdoono. Iꞌdane yeelaan uus ꞌdee jeenteti wori massalaaba Kiriisto miinsane enenyet ribo ka sina loomhin.


Wahane kamassicha. Uus etoo kalday laka sina ikawaarin. A mehe gumaarreti an khabo, saggi an bowꞌda Yeesso iahe tussa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ