Galaatiya 5:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Kiriisto a inno soofure, maantaka uus inno bowꞌda itaahan. Mujjum tolola giꞌde, toro la huleesi bowꞌda uus atin lakorin.

Galaatiya 5:1 ပူးပေါင်းရင်းမြစ်များ

Mattaayo 23:4

Icho huleesi buurenye atin kararaane adah atin korchaane, iꞌdaasenyi icho rubeycho far ma okkhichaane enenyet ma leekhabtaan.

Luuka 5:38

Farsoti sabiibe husub, urgohi uktoote husub on lakachiba.

Hilassi Ergaano 15:10

Toollaka a iꞌdoh Waakh kajme igelissaane, huleesi aacchinyeteen ommos inno iubaaꞌdan, abatti adah ikarartaan?

Rooma 6:14

A mehe uskeel kola ma atin dakhti, iꞌdi tahe jirotiin ka wihi amurre Muusa atin kaꞌdoonto mee atin dakhti, haaggi Waakhe buurenye inno imunneynane atin dakhta.

Rooma 6:18

Uskeeli goorat sam atin dese a atin lakafure, atin kola a bowꞌdayyohi Waakhe, ulla ꞌdooꞌdi fiffissane atin iekkaacha.

Rooma 7:3

ꞌDeerka chirri arame geeddi arankiche jiro arankoo addan leefiddiito, arantaas uskeeli iche aranki kiche ieheynan leeuꞌdurto iche gesse. Iꞌdaasenyi chirri arankiche buje, amurretaas mindischo miinsan ka a lafure. Chiꞌ arankoo addan diste laka uskeel iche yeesse mele.

Rooma 7:6

Iꞌdaasenyi toolla amurre Muusa ma inno dakhatti. Amurretaas ka a inno lafure, ꞌdee kola jiti raagane goorat amurretaas chiiran inno iwoyte ma isohanni, jiti husube Rubeyti Munyee inno abisse iche raahna.

Rooma 8:15

Iꞌdi tahe Rubeyti Waakhe atin ꞌhesseen ti toro bowꞌdati burꞌdowto atin kayeesso mee. Atin Rubeyti Waakhe iꞌdi teyyanohi Waakh atin kayeesso iche ꞌhesseen. Inno la Rubeytaas ka Waakh a iooyna, “Aabba, Aabbahaanya!” inadeeh.

Rooma 8:2

Iꞌdi tahe runti gaan Rubeyti Waakh Yeesso Kiriisto ka jiro kikeenta, runtaas gaan la uskeeli omoot keeno a kaasoofurta.

1 Koriinto 15:58

Maantaka ꞌdooꞌd Kiriistoki an weyti ꞌdoono, mujjum tolossada, uus wohoo rucchul laka atin sesseehin. Kol dakkhan hili Kamur tuum haaggicha. Iꞌdi tahe saggi atin igarattaan u, hili atin Kamur ihaaggissaan ki ilmarhaatteet mee.

1 Koriinto 16:13

Taba istoorriba, kakhuufnaanki atin Waakh kakhuuftaan ka mujjum tolola. Aburꞌdowina, miig la khaba.

1 Koriinto 7:22

Iꞌdi tahe eti maanti Kamur wahe bowꞌda eheet, Kamur ka a eti furan. Iꞌdaasu la, eti maanti Kamur wahe furneet, a bowꞌda Kiriisto.

2 Koriinto 11:20

Iꞌdi tahe chiꞌ etoo bowꞌda atin kayeesse ommos wihiin tuumman ꞌdabbaacho ommos ekkeysi ka wihiin atin kakhaato ommos atin ꞌdarraawo ommos fodoorre laka atin jaho a garrahsattaan on.

2 Koriinto 3:17

Toollaka Kamur a Rubey. Inti Rubeyti Kamur kijirto la enenyet a furanyahe.

Galaatiya 2:4

Aytaas khandi miinsan jeenteti ꞌdooꞌdoo ꞌdooꞌd Kiriisto iskaayyeelo dagsi ka goyteen isoogeluu a soobahte. ꞌDooꞌda la furnaanki Yeesso Kiriisto inno soofure, iche ꞌdegey kayimiyye, ꞌdee bowꞌdayyohi hugummeti Yaꞌhuud inno kayeelaan.

Galaatiya 3:25

Toolla jiti Kiriisto lakakhuufo yimiy la, amurre Muusa ma inno yaakhisso.

Galaatiya 4:26

Iꞌdaasenyi ilkerengeetti weene Yeerusaleeme saraate Waakh a iꞌdi makhaabassi furane, iche la a abarteenna.

Galaatiya 4:31

Maantaka, ꞌdooꞌd Kiriistokaaw, inno nyaakhuti aranti bowꞌdee menye, a nyaakhuti aranti furan.

Galaatiya 4:9

Iꞌdaasenyi toolla atin Waakh abatteene, ommos Waakh atin garti la, a iꞌdoh toro miigti suujenye ꞌdaꞌddarane mammarahe harrata dakhatti ikanokhattaan? Bowꞌdatichooda toro itaahan ꞌdoontaan?

Galaatiya 5:13

ꞌDooꞌd Kiriistokaaw, Waakh furnaanki us atin soofuro iche atin iwahe gone, atin bowꞌdayyohi amurre mee. Iꞌdaasenyi furnaankaas akagirꞌdaamina, wihi uurassiin goya kijiro uskeel imoono araahina, taba ꞌdooninti atin isikhabtaan ka isifala.

Efeesso 6:14

ꞌDeerka mujjum tolossada. Runti Waakh iꞌdi saab u dabar kahiida, wihi fissane atin kol dakkhan yeessaan la iꞌdi gaaddi kach atin jeyissuu gessada.

Fiiliffi 1:27

Walahbaaw soobaho ka, jiroti ꞌdooꞌdi Wori Haaggane Kiriisto imale jira, ꞌdee chirra an amiite an atin argo, ommos an iimaatane woriin kalday daago, saggi atin uuroo kalday ka mujjum itolossaan a abdi. Toro la saggi atin maloo kalday ikhabtaane, atin tuumman kakhuufnaanki atin Waakh kakhuuftaane Wori Haaggan keeno hol ikadowtaan a abdi.

1 'Dessaloonika 3:8

Atin Kamur ka mujjume tolossaan gone, toolla nah rumanka a jirra.

2 'Dessaloonika 2:15

Maantaka ꞌdooꞌd Kiriistokaaw, taba, mujjum tolossada, wihi nah atin abinne, wihi nah af ka atin isoocheekne ommos khadaab ka nah atin isoochiirre tuumman eheetteey ka ba, mujjum khuccha.

Ibiraaniya 10:23

Khajjeeli inno cheekno mujjum khabno giꞌde, a mehe Waakkhi waha ayyiche a eti lakakhuufo.

Ibiraaniya 3:14

Iꞌdi tahe chirri inno geeddi inno jiro khabno inno mujjum tolossanne, inno khajjeeli maanti inno kolooraat Yeesso rummeysanne on khabno, inno tuumman Kiriisto a walhinne.

Ibiraaniya 3:6

Iꞌdaasenyi Kiriisto weeli lakakhuufo hili minki Waakh tuumman itoollo eheet. Chirri inno burꞌde ikhabine, khajjeeli inno Kiriisto kakhabno keeylajno la, inno a minkiissa.

Ibiraaniya 4:14

Maantaka kuhaanihi weyti weene goobi Waakh irte a khabna. Waha la a Yeessohi Weeli Waakhe. Taba giꞌde kakhuufnaanki inno Waakh kakhuufno inno cheekanni ka, mujjum a tolossanni.

1 Beetero 2:16

Saggi ꞌdooꞌdi lasoofure ijira. Iꞌdaasenyi furnaankaas atin lasoofure akagirꞌdaamina suujoon ayeelina. Saggi falfayyohi Waakh ijira.

2 Beetero 2:19

Wihi icho enenyet iayyichaan a furnaane, iꞌdaasenyi icho rubeycho a bowꞌdayyohi uskeel. A mehe wihi kianti iche bowꞌdaticho tahe.

Yuuda 1:3

Aalasseeyki an weyti ꞌdoono, geeddi an wori ribnaanki inno isleegisanno miinsan atin isoochiiro kamaldi, wihi an arge a mehe ya, wohoo addane uur ikasoodihe atin isoochiira. A atin hawwaasda, kakhuufnaanki atin Kiriisto kakhuuftaane ꞌdooꞌdi Waakh maantoo kalday on dahan lagesse, jirtuu la liikanokhan hol kadowa.

Bakkaahit 2:25

Iꞌdaasenyi wihi atin khucchissaan kalday jurkhicha ichoowka a soonokhdi.

Bakkaahit 3:3

Maantaka wihi goorat atin laabche toro atin daagteen kasooꞌhela raaha, uskeeliin la kasoonokhda. Iꞌdaasenyi chaꞌatin ineybaan, iꞌdi eti hatto leh u, doglaan on atin soogela, sahaꞌddi an amiit la ma garattaan.