Galaatiya 4:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Iꞌdaasenyi toolla atin Waakh abatteene, ommos Waakh atin garti la, a iꞌdoh toro miigti suujenye ꞌdaꞌddarane mammarahe harrata dakhatti ikanokhattaan? Bowꞌdatichooda toro itaahan ꞌdoontaan?

Galaatiya 4:9 ပူးပေါင်းရင်းမြစ်များ

Mattaayo 11:27

Yeesso toro wihi us ꞌdooꞌd iyidah, “Aabbaheey walah dakkhan dahantaaya soogesse. Aabbahaaya on menye et Weeliis garti mele. Toro la Weeliis ichoow ꞌdooꞌdi Weeliis ibabbakkaahin ꞌdoono on menye, et rumanka eti Aabbaheey yahe garti mele.

Luuka 5:38

Farsoti sabiibe husub, urgohi uktoote husub on lakachiba.

Yoohana 10:14

“An a ersinki haaggan. Iiyteey a garda, iiyteey la a igaratta.

Yoohana 10:27

ꞌDooꞌdi iꞌdi iiyteeye hooyeey a daaga, anna icho a garda, icho la ani a isooraahaan.

Yoohana 17:3

Enenyet la chuꞌus atihi kaldaye rumanka Waakhe kigarti, toro la Yeesso Kiriistohi at sooergatte garti, wahaas a jiroti jirtuu imassan.

Rooma 8:29

Iꞌdi tahe Waakh uumaccho on ka ꞌdooꞌdi kiise garte, toro la ꞌhor on ꞌdooꞌdaas saggi us iꞌdi Weeliis ikayeelo gooche. Ulla iꞌdane yeele, ꞌdee Weeliis ꞌdooꞌdi ittaawenye Kiriisto rummeeste goyaka teyyan yateeh.

Rooma 8:3

Wihi amurre Muusa yeelin iubaaꞌdan jeenteti wihi uurasseen goya kijiro uskeel imoono ꞌdarsicheen u, Waakh a yeele. Waakh weeliiski kaldaye sooerge, soorriyoti uskeel yitah. Weeliiska la iꞌdi weeli enenyet u sarti weeli enenyete uskeel lehe khabe. Waakh ꞌdeerka uskeeli weeli enenyet sartiis kijiro hukkume sina igooche,

1 Koriinto 13:12

Wihi toolla inno agarro tuumman, a iꞌdi oosinti mujjum liiargine, kitaab goya kajirto on. Berri la waha rumanka mujjum a agarra. Toolla walah tuumman geeddoo on garda, berri la Waakh saggi us tuum ani igartuu an laka usu tuume abda.

1 Koriinto 15:34

Waha mujjum kamalda, uskeeliin la ꞌdiicha. Weyti lakhaanyo menya maanta chirri an saggi gaasiinkoo uliba Waakh ma aban eldi?

1 Koriinto 8:3

Iꞌdaasenyi eti Waakh ꞌdoono, Waakh usu a garta.

2 Koriinto 11:20

Iꞌdi tahe chiꞌ etoo bowꞌda atin kayeesse ommos wihiin tuumman ꞌdabbaacho ommos ekkeysi ka wihiin atin kakhaato ommos atin ꞌdarraawo ommos fodoorre laka atin jaho a garrahsattaan on.

2 Koriinto 4:6

Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.

Galaatiya 3:3

Saggane ꞌdalam itahiin? Inkoo atin jiroti husub Rubeyti Munyee leesookhabatteen, toro miigti weeli enenyete kamassin ꞌdoontaan?

Galaatiya 4:3

Inno laka a iꞌdaas on. Ichoowka maanti Kiriisto yimiy saggi nyaakhuti rurrucchule ijirre. Iꞌdi bowꞌdayyoot u miigti suujenye harratane iche inno anatte.

Efeesso 1:17

An a inonnokhda Aabbaheenki weynaan tuumman tiis tahe, Yeesso Kiriistohi Kamureene Waakkhiise daaha, ꞌdee Rubeyti Munyeenye atin kharaasso, eti Waakh yahe atin isoobabbakkaahisso a atin siicho, ꞌdee Waakh mujjum abattaan.

2 Timooti 2:19

Iꞌdaasenyi ururi rummaate koo Kiriistee iꞌdi tirrinki Waakh u uliba mujjume chuukhanyahe. Wihi kachiiran la kallaayo, “Kamur ꞌdooꞌdi kiise a garta.” Wihi addane kachiiran a mehe ya, “Eti tuummane an Kamure raaha essi, uskeel a ꞌdiicho.”

Ibiraaniya 7:18

Amurreti oraat a ꞌdarneete toro la gargaar ma khabine, a laꞌdiiche.

2 Beetero 2:20

A mehe chirri icho abannaanki Yeesso Kiriistohi Kamureenenye ꞌDoorribeheene abteen ka, wahanyeyyohi harratane sussuujenye enenyet biꞌdirroocho a kasoobahsateene toro la suujoonkaas icho khabte a kahataateene, icho kola jiroti icho jiraan ti oraat laka a kasuuj.

1 Yoohana 5:20

Wihi inno garanni Weeli Waakh a yimiyye, miigti inno wahanyeyyohi Waakh kaabanni inno siiche, ꞌdee saggi Waakh rum iyahe abanna. Toolla la inno ichoow Waakkhi rummaat a wohoo kaldaye, inno ichoow Yeesso Kiriistohi Weeliise laka a wohoo kalday. Us a Waakkhi rummaate, toro a jiroti jirtuu imassan.